Saturday, April 24, 2021

ရက္ခဘီလူး

ရက္ခဘီလူး
အအိပ်ကြူး
ရက္ခဘီလူးလစန့်ကောင်လိမ္မည်။

ကုလားမလက်ညှိုး

 ကုလားမလက်ညှိုး
သွားကြားထိုး
အိမ်ကမယား
ကုလား။

ဘီလူးရက္ခ

 ဘီလူးရက္ခ

ရက္ခဘီလူး အအိပ်ကြူး
ဘီလူးရက္ခ အသတ်ကျ။

ယာခွတ်ငုတ်တုံး

မလိမ္မာ ပညာတတ်လည်း
တာပြတ်လဲသည်
ယာခွတ်ငုတ်တုံး ပြုတ်ပြုတ်ပြုန်း။

လက်သုံးလုံး

 ကုလားမအီးကုန်း
လက်သုံးလုံး
နှစ်ငါးလုံးမှာဆုံး။

(အီ) သရ လွန်ကျွံမှုပြဿနာ

(အီ) သရ လွန်ကျွံမှုပြဿနာ
===================

ရခိုင်စာပီ၏ အဓိကပြဿနာမှာ "သတ်ပုံဖျက်ဝါဒ" ပြီးလျှင် ဒုတိယအရေးတကြီးဖြီယှင်းရမည့်ပြဿနာမှာ "ဤသရ လွန်ကျွံမှု" ပြဿနာဖြစ်သည်။

(သတ်ပုံဖျက်သည်) (သတ်ပုံမှားသည်) မှာ အဓိပ္ပါယ်မတူပါ။ (သတ်ပုံမှားသည်) မှာ စာရွီးသူတိုင်း ကြုံတွိရသောပြဿနာဖြစ်သည်။ စာရိုက်အမှားကြောင့်သော်လည်းကောင်း၊ သတိမထားမိ၍သော်လည်းကောင်း ရိုက်ပြီးသား ရွီးပြီးသားစာကို ပြန်စီးစစ်ဖို့အချိန်မရဘဲ လောလောလတ်လတ်ပို့တင်ပီးလိုက်ရခြင်းကြောင့်လည်းဖြစ်နိုင်ပါသည်။

သို့သော် သတ်ပုံဖျက်ပြဿနာမှာ ရည်ရွယ်ချက်ဟိဟိ ဖျက်ဆီးထားခြင်းဖြစ်သည်။ ပြုပျင်ရ အလွန်ခက်ခဲပါသည်။ အချိန်က သမိုင်းကရာ အမှားအမှန်ကို အဆုံးအဖြတ်ပီးနိုင်သည့် ပြဿနာမျိုးဖြစ်သည်။

ရခိုင်စာပီ၏ (မာ)(ဧ့) ပြဿနာသည် သတ်ပုံဖျက်ပြဿနာထဲတွင် အကျုံးဝင်ပြီး (သဝီခြား) (အတွီးအခေါ်) (လိလာ) (ဝီဖန်) (ဓလိ) (သီချာ)(အဖြီ) (Answer) ဤပြသနာမှာ (အီ) သရ လွန်ကျွံမှုပြဿနာများဖြစ်သည်။ (ရွီး) လား (ရီး) လားပြဿနာမှာ (သတ်ပုံဖျက်) (အီသရလွန်ကျွံမှု) နှစ်ခုစလုံးနှင့် မသက်ဆိုင်ပါ။ (သုတေသန) အမှားပြဿနာဟု နာမည်ပီးသင့်ပါသည်။ (ရီး) ဆိုသည်မှာ (အပ်ရီးချ) (ထွန်ရီးချ) က ဆင်းသက်လာသည်ဟု သုတေသီတဦးက ကောက်ချက်ပြုထားသည်ကို တွိမြင်ဖူးပါသည်။ (အပ်ရီးချ) (ထွန်ရီးချ) မှာပါသော (ရီး) သည် စာ(ရွီး) သည်ကို ဆိုလိုခြင်းမဟုတ်ပါ။ မြန်မာအရွီးအသား (အပ်ရေးချ) (ထွန်ရေးချ) ကို ရခိုင်မှုပြုပြီး (အပ်ရီးချ) (ထွန်ရီးချ) ဟု ဖြစ်ပေါ်လာခြင်းဖြစ်သည်။ မြန်မာ (အပ်ရေးချ) (ထွန်ရေးချ) မှာပါသော (ရေး) သည် တူသယောင်ဟိသော်လည်း မြန်မာ  စာ(ရေး) သည်ကို ဆိုလိုခြင်းမဟုတ်ပါ။ (ခြင်း) ဟူသော (Noun) ဝိဘတ်အား ဆိုလိုခြင်းဖြစ်ပါသည်။

 (စားဝတ်နီရီး) ဆိုသည်မှာ (စားခြင်း) (ဝတ်ခြင်း) (နီခြင်း) ကို ဆိုလိုခြင်းဖြစ်ပါသည်။ ဤနီရာ၌ (ရီး) သည် (ခြင်း) ကို ဆိုလိုခြင်းဖြစ်သည်။ (စာရွီးသည်) (Write) ကို ဆိုလိုခြင်းမဟုတ်ပါ။ ထိုနည်းလည်းကောင်း (အပ်ရေးချ) (ထွန်ရေးချ) မှာပါသော (ရေး) သည် (စာရွီးသည်) ကို ဆိုလိုခြင်းမဟုတ်ပါ။ (Noun) ဝိဘတ် (ခြင်း) အား ဆိုလိုရင်းဖြစ်ပါသည်။ (အပ်ခြင်းချသည်) (ထွန်ခြင်းချသည်) ဟု ဆိုလိုရင်းဖြစ်သည်။ (ရေး) (ရေး) တူနီသဖြင့် (ရေး) (ခြင်း) ကို (ရေး) (Write) ဟု လွဲမှားစွာ ယူဆထားခြင်းဖြစ်သည်။ (ဆက်ရန်)
သို့သော် ကျောင်းသုံးစာအုပ်တွင်  (Write) အတွက် (ရီး) ကို ပါယ်၍ (ရွီး) လက်ခံသည်ဖြစ်၍ ဝမ်းမြောက်စွာ ကြိုဆိုအပ်သည်။ တလောက (AA) ၏ Statement တခုတွင် (Write) အတွက် (ရီး) ဟု ဆရာမောင်ဗသိန်းသတ်ပုံကို သုံးထားသည်ကို တွိရသဖြင့် စိတ်မကောင်းဖြစ်မိသည်။

ဤဆောင်းပါ၏အဓိက ရည်ရွယ်ချက်မှာ (အီ) သရ လွန်ကျွံမှုပြဿနာဖြစ်၍ ဆောင်းပါးကို ဆက်လားပါမည်။ ရခိုင်စာပီပညာသျှင်ကြီးများတိလည်း အားလုံး (သဝီခြား) ဖြစ်နီကတ်လို့ ပြုပျင်နိုင်အောင်လို့ အေဆောင်းပါးကို ရွီးသားရခြင်းဖြစ်ပါသည်။ (ဗွီဒီယို) အထောက်အထား မိမိလက်ထဲတွင် ရဟိထားပြီးဖြစ်၍လည်းဖြစ်ပါသည်။ ယင်း ဗွီဒီယိုကို Youtube တွင် ပို့တင်ပီးထားသည်မှာ နှစ်ပေါင်း (၁၀) ကျော်လားပါယာ။ မည်သည်သူ တဦးတယောက်ကလည်း ဂရုမပြုမိသဖြင့် ဆောင်းပါးရွီးပြီး တင်ပြရခြင်းဖြစ်ပါသည်။ ဆောင်းပါးပြီးခါနီးတွင် ဆောင်းပါးနှင့်အတူ ဗွီဒီယိုကိုပါ တပါတည်း ပို့တင်ပီးဖို့ ရည်ရွယ်ထားပါသည်။ (ဆက်ရန်)

ရခိုင်စာပီ၌ ထင်ထင်ရှားရှားဟိသော (အေ) သရ သတ်ပုံများမှာ (အရွေ့သာခြင်း) (ကျေးဇူး) (လေးဂဏ္ဍန်း) (ကြက်တေကျင်) (ကျေးပင်ကြီး) (ကွေ့ပတ်) (ဘေးကိုယေပါးလို့) (ရေ) (တေ) (လေ) (အေ) (ချေ) (ကေ) (အလွမ်းပြေ) (အဝေယာ)(ခေသူမဟုတ်) (ပုယေ) (ရိုသေ)(အရေးကြီး) (ဝေဖန်) (လေ့လာ) (ဓလေ့) (သေချာ) (အဖြေ) (မိတ်ဆွေ) (ကြက်သရေ) အစဟိသည် ဝေါဟာရအသုံးများဖြစ်သည်။ (အရွေ့သာခြင်း) ကို ကျောင်းသုံးစာအုပ်က လက်ခံထားသည်ကို ဝမ်းမြောက်စွာ ကြိုဆိုအပ်သည်။ ဆရာတော် ဦးစက္ကိန္တဖော်ထုတ်ပြုစုခသော မြန်မာကျောင်းသုံးစာအုပ်ပါ (မောင်တော်တမ်း အလွမ်းပြေ) ကဗျာသည် (အီ) သရ လွန်ကျွံမူပြဿနာကို ဖြီယှင်းရန် ကိုးကားအပ်သော ကဗျာတပုဒ်ဖြစ်ပြီး အလွန်တန်ဖိုးဟိသော ကဗျာကောင်းတပုဒ်ဖြစ်သည်။ (ကျွဲကျောင်းသား) ကဗျာမူရင်းကို ရဟိပြီးဖြစ်သော်လည်း (မောင်တော်တမ်း) ကဗျာမူရင်းကို မရဟိနိုင်သိမ့်။ မူရင်းရပြီးခါမှ ဆောင်းပါးရွီးဖို့ဆိုကေလည်း ကောင်းကောင်း မိုးလင်းလားနိုင်သည်။ (ဆက်ရန်)

(လေ့လာ) ကို ဓည၀တီနိဂုဏ်းရွာများသမိုင်းသာခြင်း၌ အပိုဒ် (၂၄) နှင့် (၃၀) တွင် တွိရသည်။
အပိုဒ် (၂၄) ထိုမှဤမှာ၊ အဖြာဖြာကို၊ ((( လေ့လာပြီးသော်)))၊ မြတ်ကုန်းပေါ်က၊ ပျော်ပျော်ပါးပါး၊ (((ရိုသေစွာဖြင့်)))၊ ဆင်းလာငြား၍၊ စည်ကားသာယာ၊ လွန်တင့်တယ်၍၊ ပျော်ဖွယ်ကောင်းကေ၊ ဇီးချောင်းရွာသို့၊ လှည့်လာတုံမြောက်၊ ညချမ်းခါတွင်၊ ပြန်ကာရောက်လို့၊ တန့်ထောက်ပြီးခါ၊ ရီချိုးပါ၍၊ အိမ်မှာတက်ငြား၊ လသာသာနှင့်၊ ညစာစားလို့၊ ဆီးဝါးသောက်လျှက်၊ လပရောင်နှင့်၊ တောင်တန်းဗျင်းကို၊ ထွက်လျှက်တဖန်၊ သပေါက်ဖျာကို၊ ယူကာခင်းကေ၊ လီညင်းခံရေ။

အပိုဒ် (၂၄) တွင် (ရိုသေ) အသုံးကိုလည်း မြင်တွိရလိမ့်မည်ဖြစ်ပါသည်။ ဓါတ်ပုံကိုလည်း ရှုပါ။
အပိုဒ် (၃၀) ရှိပဝေတွင်၊ ဌာနေရဌာ၊ လွန်ကြီးကျယ်၍၊ အလယ်တိုက်ကေ၊ မဇ္ဈိမာတွင်၊ နာလန္တဟု၊ တက္ကသီလာ၊ ကျောင်းတော်သာဝယ်၊ ပညာရင်နို့၊ နှစ်များစွာပင်၊ ခါမချို့ဘဲ၊ သောက်စို့တတ်ပွန်၊ ပြည်တော်ပြန်ကေ၊ ရွှီဥာဏ်ကြီးဘိ၊ တုမဟိကေ၊ က၀ိမြ၀ါ၊ မင်းဆရာလျှင်၊ နောင်လာငယ်ကြီး၊ မှတ်စီချင်၍၊ စီရင်ရွီးသည်၊ ကျော်ဟီးနာမ၊ တုမမျှကေ၊ သုတရတနာ၊ ကျမ်းပီစာတွင်၊ ညွှန်းကာဖော်ပြ၊ တက္ကဗေဒ၊ ထိုနောက်မှလျှင်၊ သတ္တဗေဒ၊ ဘောဂဇီဝါ၊ အဖြာဖြာကို၊ (((လေ့လာပြီးထွေ)))၊ မျိုးရခိုင်ရို့၊ စဉ်မပြတ်လျှင်၊ သင်ကတ်ပေ၍၊ ကျင်လည်ပြီးမှ၊ သေနင်္ဂနှင့်၊ သကတစတ္တ၊ ပဒုမ္မနှင့်၊ လေးဝဗျူဟာ၊ စစ်ပညာကေ၊ ဒိုင်းကာအတတ်၊ သိုင်းအတတ်နှင့်၊ ဒါးခွတ်လှံထိုး၊ အမျိုးမျိုးလျှင်၊ စက်ကြိုးယန္တရား၊ စဉ်အလာဖြင့်၊ ပညာရပ်ကေ၊ အတတ်များနှင့်၊ တခြားပြည်ရွာ၊ လူများစွာ၏၊ ဘာသာစကား၊ အက္ခရာနှင့်၊ ပညာများပါ၊ သင်ကြားအပ်တေ။

အပိုဒ် (၂၄) သည် Type မူဖြစ်ပြီး မူရင်း (Type) မူတွင် ပါဟိသော (လေ့လာ) အသုံးကို ဓါတ်ပုံဖြင့် ကိုးကားဖော်ပြထားသည်။ အပိုဒ် (၃၀) သည် ဆရာတော်ပညာစာရက ကျောက်တော် သိန်းတန်ရွာ ဘုန်းတော်ကြီးကျောင်းမှ Type မူကို လက်ရွီးဖြင့် ကူးယူလာသောမူဖြစ်သည်။ (ကျောက်တော်မြို့နယ် သိန်းတန်ရွာဆရာတော်ထံမှ လက်နှိပ်စက်မူကို၊ ကျောက်တော်မြို့သစ်ကျောင်းထက်တွင် ၁၃၅၀ ခု၊ နတ္တော်လဆန်း (၁၁) ရက်၊ (19/12/1988) တလင်္ဂုနီနိ၊ ညည့် (၈) ချက်တီး (၃၅) မိနိတွင် ထပ်မံရွီးကူးလို့ ပြီးသည်။) ဟု ပါဟိသည်။ လည်းကောင်း (တတိယ) ပိုင်းကို အိန္ဒိယ နယူးဒေလီ၌ ဗျာဒိတ်ပန်း အမှတ် (၁) တွင် ဖော်ပြပုံနှိပ်ခပြီးဖြစ်သဖြင့် လက်ရွီးမူကို ချန်ထားခသည်။ ယင်းအချိန်၌ ကျောင်းသုံးစာအုပ်လည်း မပြုစုရသိမ့်သဖြင့် (လေ့လာ) လား (လိလာ) လား ပြဿနာလည်း ထွက်ပေါ်မလာသိမ့်သောကြောင့်လည်းဖြစ်သည်။ ဆရာတော်ပညာစာရအား ဖုန်းဆက်မီးကြည့်ပါသော်လည်း ဆရာတော်ထောင်ကလွတ်လာပြီးနောက်ပိုင်း စာရွက်စာတမ်းများအားလုံးနီးပါးဖျက်ဆီးခံလိုက်ရဖြင့် ပြန်လို့ ရှာတွိနိုင်ဖို့မလွယ်ဟု ပြောပါသည်။ သို့သော် ဆရာတော်က အရေးကြီးစာမူများကို တခြားစာပီလေ့လာလိုက်စားသူများအားလည်း မူပွားပီးလေ့ဟိသဖြင့် ကျန်လူတိလက်ထဲ၌လည်း ၄င်းလက်ရွီးမူဟိနိုင်ပါသည်။ သို့သော် အပိုဒ် (၂၄) ပါ Type မူသည် ထင်ရှားသဖြင့် (လေ့လာ) ကို အတည်ယူ၍ရသည်။ ထို့ကြောင့် ကျောင်းသုံးပါ မှားယွင်းနီသော (လိလာ) ကို ပြုပျင်အပ်သည်။ (ဆက်ရန်)

(ဓလေ့) ဆိုသည်မှာလည်း (အလေ့အကျင့်) (အလေ့အထ)(အလေ့အလာ) က ဆင်းသက်လာသောဝေါဟာရဖြစ်သဖြင့် (လေ့လာ) ဟု ပြုပျင်လျှင် (ဓလေ့) ဟူ၍လည်း အလိုအလျှောက် ပြုပျင်ပြီးသား ဖြစ်လားပါလိမ့်မည်။ (ဆက်ရန်)

အပိုဒ် (၂၇) တွင်လည်း

နောက်ဝယ်တခြား၊ မြတ်ဘုရားကို၊ ဖူးငြားသောခါ၊ အပါယ်မှာလျှင်၊ ရောက်ပါမည်လား၊ မီးကာဆိုကေ၊ ထိုစကားကို၊ ဖြေကြားဦးမည်၊ (((လွဲမချော်အောင်)))၊ (((တွေးခေါ်ငြားလို့)))၊ ထောင်နားတည်ပါ၊ ဘုန်းကြွယ်ဗုဒ္ဓ၊ အတုလကို၊ (((ဦးချရိုသေ)))၊ ဖူးမျှော် (((ပေ))) သော်၊ (((အပါယ်))) ဂတိ၊ မလားရန်ကို၊ အကျွန်သိရေ၊ နှိုင်းညှိကျမ်းဂန်၊ တရားညွှန်၍၊ သင်ရန်မဟိ၊ စဉ်စားကြံ၍၊ ဝေဖန်နှိုင်းသော်၊ လူတိုင်းသိမည်၊ သို့ဖြစ်ပါလည်း၊ ဇာအခြင်းနှင့်၊ ငြင်းလတ်တေဟု၊ ဆိုပေသောခါ၊ ဤခေတ်မှာလူ၊ များစွာထောင်သောင်း၊ ကြီးငယ်ဟူကေ၊ လူအပေါင်းလျှင်၊ ထုံးဟောင်းကိုလွန်၊ လမ်းမမှန်ကေ၊ ကျမ်းညွှန်မသိ၊ ကိုယ့်ရိုးရာနှင့်၊ မျိုးဇာတိကို၊ သတိမချပ်၊ ကိုးကွယ်ရာလေ၊ ဘာသာရပ်တွင်၊ မအပ်မရာ၊ တုအယောင်ဖြင့်၊ လုပ်ဆောင်မှုကို၊ ပြုကတ်ပါ၍၊

(((လွဲမချော်အောင်)))၊ (((တွေးခေါ်ငြားလို့))) (လွဲချော်) နှင့် (တွေးခေါ်) ကို ကာရန်နဘေထပ်ယူထားသဖြင့် (တွေးခေါ်) ဆိုသည်မှာ အလွန်တရာ သိသာထင်ရှားပါသည်။ (တွီးခေါ်) ဆိုသည်မှာ ခေတ်ပေါ်ရခိုင်ကဗျာဆရာများက ကဗျာစပ်သောအခါ (အီး) ကာရန်ရှာကြံမရ၍ ကာရန်မိရန် အဓမ္မဖန်တီးရာက ပေါ်ပေါက်လာသော သတ်ပုံပျက်စကားလုံးဖြစ်သည်။ (တွီး) ဆိုသည်မှာ ရခိုင်ဘာသာစကားတွင် (အလွန်နီရဲသော) ဟု အဓိပ္ပါယ်ရသည်။ ကွမ်းရည်ကဲ့သို့ (တွီး) နီသည်။ ကြက်သွီးရောင်ကဲ့သို့ (တွီး) နီသည်။ အလွန် နီရဲသည်ဟု အဓိပ္ပါယ်ရပါသည်။ ကာရန်မိချင်လို့ သတ်ပုံကို မဖျက်ဆီးသင့် ယှောင်ကြည်အပ်သည်။ (ဆက်ရန်)

ထပ်မံ၍ အပိုဒ် (၂၇) တွင်

(((ဦးချရိုသေ)))၊ ဖူးမျှော် (((ပေ))) သော်၊ (((အပါယ်))) ဂတိ၊ ဟူ၍ (သေ)(ပေ)(ပါယ်) ကို ကာရန်ယူထားသဖြင့် (ရိုသေ) အသုံးသည် အလွန်သိသာထင်ရှားသည်။ ရခိုင်စကားတွင် (အပိုးသီ)(အသားသီ) စသည်ဖြင့် အသုံးများလည်းဟိသဖြင့် (ရိုသီ) ဟု သုံးလျှင်လည်း မှားမည်မထင်။ သို့သော် (ရိုသေ) အသုံးသည် သက်သီအထောက်အထား အခိုင်အလုံဟိသဖြင့် မပစ်ပါယ်အပ်။ (ဆက်ရန်)

အပိုဒ် (၂၇) တွင်ပင် "စဉ်စားကြံ၍၊ (((ဝေဖန်))) နှိုင်းသော်၊ လူတိုင်းသိမည်" ဟူ၍ (ဝေဖန်) အသုံးကို လေ့လာတွိသိရမည်ဖြစ်သည်။ ရခိုင်ကဗျာဆရာပေါက်စချေတိသုံးနီကတ်တေ (၀ီဖန်) ဆိုသည်မှာ (ဟာသ) ဖြစ်ပါသည်။ (ဆက်ရန်)

(ဝေဖန်) အသုံးကို ဓည၀တီသာခြင်း၌ (၃) ကြိမ်တိတိ တွိရပါသည်။

အပိုဒ် (၂၅)
ဆူဝေသောင်းသောင်း၊ ကြီးငယ်ဟူကေ၊ လူအပေါင်းနှင့်၊ ကျိုးကြောင်းစပ်ပြန်၊ မှားအမှန်ကို၊ (((ဝေဖန်))) စစ်ကြော၊ ပြောင်းအပြန်ပင်၊ ကြံနှီးနှောလို့၊ မပြောချင်ဘိ၊ မြောက်ဦးပြည်က၊ မောင်တေမိကို၊ ကနိညခါ၊ တသက်တာတွင်၊ မှတ်ရာတပါး၊ ရှိသူမွန်ရို့၊ ညွှန်စကားကို၊ ပြောကြားလိုက်မည်၊ ရွှီရုပ်ယောင်သို့၊ မောင်တပါးမှာ၊ ထောင်နားတည်ပါ၊

အပိုဒ် (၂၇) နောက်ဝယ်တခြား၊ မြတ်ဘုရားကို၊ ဖူးငြားသောခါ၊ အပါယ်မှာလျှင်၊ ရောက်ပါမည်လား၊ မီးကာဆိုကေ၊ ထိုစကားကို၊ (((ဖြေ))) ကြားဦးမည်၊ လွဲမချော်အောင်၊ တွေးခေါ်ငြားလို့၊ ထောင်နားတည်ပါ၊ ဘုန်းကြွယ်ဗုဒ္ဓ၊ အတုလကို၊ ဦးချရိုသေ၊ ဖူးမျှော်ပေသော်၊ အပါယ်ဂတိ၊ မလားရန်ကို၊ အကျွန်သိရေ၊ နှိုင်းညှိကျမ်းဂန်၊ တရားညွှန်၍၊ သင်ရန်မဟိ၊ စဉ်စားကြံ၍၊ (((ဝေဖန်))) နှိုင်းသော်၊ လူတိုင်းသိမည်၊ သို့ဖြစ်ပါလည်း၊ ဇာအခြင်းနှင့်၊ ငြင်းလတ်တေဟု၊ ဆိုပေသောခါ၊ ဤခေတ်မှာလူ၊ များစွာထောင်သောင်း၊ ကြီးငယ်ဟူကေ၊ လူအပေါင်းလျှင်၊ ထုံးဟောင်းကိုလွန်၊ လမ်းမမှန်ကေ၊ ကျမ်းညွှန်မသိ၊ ကိုယ့်ရိုးရာနှင့်၊ မျိုးဇာတိကို၊ သတိမချပ်၊ ကိုးကွယ်ရာလေ၊ ဘာသာရပ်တွင်၊ မအပ်မရာ၊ တုအယောင်ဖြင့်၊ လုပ်ဆောင်မှုကို၊ ပြုကတ်ပါ၍၊

အပိုဒ် (၃၁)

ရှိဝယ်ပြောကြား၊ အစဉ်အားဖြင့်၊ စကားအလာ၊ လူအများမှာ၊ စီးပွားရှာသော်၊ ကံသာအမိ၊ များအလိုဖြင့်၊ အဆိုဟိလည်း၊ အသိတ၀၊ ကျွန့်အလိုကို၊ ပြောဆိုရမူ၊ ၀ိရိယဥာဏ်၊ အရင်းခံ၍၊ လုပ်ကြံပြီးမှ၊ ဓနဟုံနှင့်၊ ပြည့်စုံကြသော်၊ စောင့်ထရှိကံ၊ ဖယ်မလွဲကေ၊ တည်မြဲပြန်ဟု၊ အကျွန်ုပ်က၊ အတန်တန်လျှင်၊ (((ဝေဖန်))) နှောကေ၊ သဘောရလို့၊ လူ့ဘသခင်၊ သိင်္ဂါလဟု၊ နာမတွင်ကေ၊ အထင်အရှား၊ ပျိုနုနယ်နှင့်၊ ရွယ်ကြီးမားကေ၊ သူဌီးသားကို၊ လေးပါးစုံစွာ၊ သမ္ပဒါဟု၊ ဓမ္မာချိုမော၊ အာလုတ်တော်မှာ၊ ထုတ်ဖော်ဟောလို့၊ သဘောဓိပ္ပါယ်၊ အသိလွယ်အောင်၊ အကျယ်ဖော်ပြ၊ ရှိဦးစွာကေ၊ ဥဌာနဟု၊ လုလ္လကြီးလွန်၊ အားထုတ်ရန်နှင့်၊ တဖန်နောက်မှ၊ သမ္ပဒါကေ၊ အာရက္ခဟု၊ ရသမျှသာ၊ များဥစ္စာကို၊ လုံစွာသိမ်းသွင်း၊ ကွဲပျက်ပြို၍၊ မယိုယွင်းအောင်၊ စောင့်ခြင်းတ၀၊ ထိုနောက်မှလျှင်၊ ကလျာဏမိတ္တာ၊ သမ္ပဒါဟု၊ ပညာဟိငြား၊ ကျင့်တည်ကြည်ကေ၊ မိတ်ဆွေများကို၊ ထံပါးနီးလှ၊ အကြောင်းတော်အောင်၊ ပေါင်းဖော်ရ၏။

(ဝေဖန်) အသုံးကို သုံးကြိမ်တိတိ တွိရပါသည်။ ဓါတ်ပုံအထောက်အထားကိုလည်း ပူးတွဲဖော်ပြပီးထားပါသည်။

သို့ဖြစ်ပါ၍ (အတွေးအခေါ်) လား (အတွီးအခေါ်လား)၊ (ဝေဖန်လား) လား (၀ီဖန်) လား၊ (လေ့လာ) လား (လိလာ) လား၊ (ဓလေ့) လား (ဓလိ) လား ကျောင်းသုံးစာအုပ်ပြုစုသူများ စဉ်းစားဆင်ခြင်အပ်သည်။ (ဆက်ရန်)

အပိုဒ် (၂၇) မှာပင်လျှင် " နောက်ဝယ်တခြား၊ မြတ်ဘုရားကို၊ ဖူးငြားသောခါ၊ အပါယ်မှာလျှင်၊ ရောက်ပါမည်လား၊ (((မီး))) ကာဆိုကေ၊ ထိုစကားကို၊ (((ဖြေ))) ကြားဦးမည်၊" ဟူ၍ ရှိကပါသော (မီး) (Ask) ကိုထောက်၍ (ဖြေ) ဟူသော အသုံးမှာ (Answer) ဟူသည်ကို အလွန်သိသာထင်ရှားပါသည်။ ထို့ကြောင့် (အမီး)(အဖြေ) မှသာ မှန်ကန်ပါလိမ့်မည်။ (အမီး)(Ask, Question)  (Answer) (အဖြီ) ဆိုသည်မှာ (အီ) သရ လွန်ကျွံမှုဖြစ်သည်။  

သို့သော် ပန်းဝှက်တမ်းကဇတ်ရာ၌ (အမီး) (အဖြီ) ဟု သုံးလျှင် သုံးနိုင်ပါသည်။ ဤနီရာ၌ (အဖြီ) ဆိုသည်မှာ (ဖြေကြား) (Answer) သည်ဟု အဓိပ္ပါယ်မယူဘဲ (ဖြီယှင်း) (Solve) ဟူ၍ အဓိပ္ပါယ်ယူအပ်သည်။
ယှုတ်ထွီးသော အမီးပြဿနာကို ဖြီယှင်းသည့် သဘောဖြစ်သည်။

ထို့ကြောင့် ပြဿနာကို ဖြီယှင်းသည့်အခါ (Solve) အဓိပ္ပါယ်ပေါ်လွင်စီရန် (ဖြီယှင်း) သည်ဟု ရွီးသားအပ်၍ (အမီး) (Question)၊ (Answer) တွင် (အဖြေ) (ဖြေကြားသည်) ဟူ၍ ရွီးသားသင့်ကြောင့် တင်ပြအပ်ပါသည်။

(သေချာ) လား (သီချာ) လား ပြဿနာနှင့်ပါတ်သက်၍ ဓည၀တီသာခြင်းတွင် (သေချာ) ဟူ၍ (၅) ကြိမ်တိတိ တွိရပါသည်။

အပိုဒ် (၇) ခေါ်လတ်မယေသူငါ၊ ပန်းတိုင်ရွာက၊ တခါနှစ်ထပ်၊ တာငါးရာလျှင်၊ ပြန်ကာထောက်ကေ၊ မြောက်အရပ်သို့၊ တည့်မတ်ဖြောင့်စွာ၊ မောင်သက်နှံမှာ၊ တဖန်လှည့်လို့၊ ကြည့်သောခါတွင်၊ ညိုပြာမှိုင်းမှိုင်း၊ တဆိုင်းဆိုင်းနှင့်၊ ရှုတိုင်းသာယာ၊ ရခိုင်ပြည်မှာ၊ နာမည်ကောင်းကေ၊ ညောင်ချောင်းရွာကို၊ (((သေချာ))) ကျန၊ မောင်ပန်းတံမှာ၊ မှန်မုချလျှင်၊ မြင်ရလိမ့်မည်၊ ရောက်ဖူးယောင်လေ၊ မောင်သက်ထားမှာ၊ လားလို့လည်ပါ၊

အပိုဒ် (၁၀) ဤသို့မယေဖြာဖြာ၊ မြို့ဓညာကို၊ ရံကာပတ်ရုံး၊ လွန်သာယာကေ၊ ရွာအားလုံးကို၊ သိမ်းကျုံးပြီးခါ၊ မေပြောဆိုကေ၊ ထိုစကားကို၊ မှတ်သားပါဟု၊ သံသာချိုမြ၊ သိန်းကျော့ဝေမှာ၊ ဆိုပေကလျှင်၊ လှပ၀င်းပြောင်၊ ပန်းဖြူအောင်မှာ၊ ဇောင်လည်းတခါ၊ ပျိုပန်းတံကေ၊ လှစံသီးကို၊ မိန့်လတ်ရာကား၊ မဟာမုနိ၊ ရုပ်ပွားသျှင်ကို၊ အယင်ရှိက၊ သွန်းဘိခြင်းရာ၊ သမိုင်းလာကို၊ (((သေချာ))) ကျန၊ လှမေခေါင်မှာ၊ ပျိုမောင်ရို့ကို၊ ပြောလို့ပြပါ၊ ဆိုသောခါတွင်၊ ရယ်ကာပြုံးပြုံး၊ သိန်းကျော့ဝေလေ၊ စပါယ်ကုံးမှာ၊ နန်းသုံးပီစာ၊ သမိုင်းလာနှင့်၊ နှိုင်းကာတသွယ်၊ မောင်လူပျိုကို၊ သံချိုနှောလို့၊ ပြောလတ်တေကား၊
အပိုဒ် (၁၂) မဟာကနက်၊ ဆန်းအမော်နှင့်၊ နန်းတော်ထက်သို့၊ ရွှီစက်ဖြန့်ကာ၊ တက်ကြွပါ၍၊ ကောင်းစွာခင်းအပ်၊ တင့်လျှောက်ပတ်ကေ၊ နီရာမြတ်၌၊ လူနတ်သရဖူ၊ ထိုင်တော်မူသော်၊ ကြည်ဖြူလေးမြတ်၊ မင်းဘုန်းမော်က၊ ဆွမ်းတော်ကပ်လို့၊ သင့်မြတ်တော်ယောင်၊ ဆွမ်းများမြောင်ကို၊ သုံးဆောင်ပြီးမှ၊ ရွှီနန်းသူလေ၊ ဟူသမျှအား၊ ဓမ္မကထာ၊ ဒေသနာကို၊ (((သေချာ))) ကောင်းမြတ်၊ မောဓနာဖြင့်၊ ဟောကာချွတ်သော်၊ သုံးရပ်သရဏာ၊ တည်ကြပါ၍၊ ငါးဖြာသီလ၊ နန်းတွင်းသူလေ၊ ဟူသမျှမှာ၊ နိစ္စမြဲထွေ၊ ခါမကျန်ကေ၊ လွန်မယိမ်းအောင်၊ စောင့်ထိန်းရေလေး။

အပိုဒ် (၁၅) ဤလေလေကေ၊ ဤလေကျော်ရွှန်း၊ ဤသို့စီကေ၊ ဤနှစ်ခန်းတွင်၊ ပြညွှန်း (((သေချာ)))၊ နိဂုဏ်းရွာ၌၊ ဓညာရဌ၊ ရွှီနန်းယံမှာ၊ စိုးစံကြကေ၊ ရာဇဖြာဖြာ၊ ပေါင်းများစွာနှင့်၊ မဟာမုနိ၊ ခြောက်ရောင်ပေါ်ကေ၊ ကိုယ်တော်မြတ်၏၊ ထုပ္ပတ္တိကို၊ စိစိစပ်စပ်၊ နောင်အစဉ်လေ၊ ရခိုင်သားရို့၊ သိထားကတ်အောင်၊ လေးရပ်တိုင်းခွင်၊ ဂါမ၀င်နှင့်၊ ရာဇ၀င်ခန်း၊ မြဒိုးဝေ၏၊ ရွီးသည်ကျမ်းကို၊ မှီငြမ်းပြုကာ၊ ဤကဗျာကို၊ ပြည်ရွာညွန့်ဖူး၊ နန်းဘုံဆောင်ဖြင့်၊ ပြောင်ပြောင်တောက်ကေ၊ မြို့မြောက်ဦး၌၊ ပျော်မြူးစဘွယ်၊ ကျောက်ရစ်ကေဟု၊ အမည်သာယာ၊ ရပ်မဟာတွင်၊ ပညာပြည့်ဝ၊ ဟာသဥာဏ်နှင့်၊ မောင်စံလှဟု၊ နာမသညာ၊ ငါဆရာလျှင်၊ ကဗျာစီတန်း၊ သာခြင်းသံကို၊ ကာရံဆန်းနှင့်၊ နှစ်ခန်းမြောက်စွာ၊ ကုံးပြီးပါ၍၊ ဖတ်နာသူများ၊ ဆီးလိပ်ချိုနှင့်၊ ကွမ်းကိုစား၍၊ တန့်နားကြပေ၊ မြို့ဝေသာ၏၊ ကြောင်းရာထုံးကို၊ (ပြောဦးမည်လေး)။
အပိုဒ် (၁၇) တလီထိုမှ၊ ရောင်းအ၀ယ်ကို၊ တွင်ကျယ်လှအောင်၊ မောင်းကရာဇူ၊ တောင်းသစ်ဟူ၍၊ ညီတူပြုငြား၊ ရွှီပြည်သူရို့၊ သုံးတုံငြားကေ၊ သွန်းထား(((သေချာ)))၊ လွန်ကြည်လင်၍၊ ငွေစင်ပြားကေ၊ ဒင်္ဂါးမှာလျှင်၊ မဟာစန္ဒရား၊ မြတ်ဘုန်းမိုကေ၊ ထိုမင်းများ၏၊ မွီးဖွားတုံပြန်၊ စနီနံကို၊ အမှန်ခပ်နှိပ်၊ ကြံစုံပြန်ကေ၊ နွားတံဆိပ်နှင့်၊ ရောင်ဖိတ်ဝင်းဖြာ၊ တဖက်မှာတွင်၊ ရာဇာဆောင်းထိုက်၊ နာရဏီလေ၊ သိင်္ဂီစစ်ကေ၊ မကိုဋ်ပုံစံ၊ နောက်တဖန်ကား၊ ကြာလွန်ရှိက၊ မြို့ဓညာမှာ၊ တေဇာပကေ၊ သူရိယရာဇာ၊ ဆက်နွယ်လာဟု၊ ဖော်ကာညွှန်ပြ၊ စုံအညီကေ၊ နီနှင့်လကို၊ ပီသကောင်းမွန်၊ မကိုဋ်တော်၏၊ အပေါ်ထိပ်မှာ၊ ခပ်နှိပ်ပြန်၍၊
တချို့ကလည်း (ကျိန်းသီ) က (သီ) ကိုယူ၍ (သီချာ) ဟူ၍ ရွီးကတ်သည်။ သို့သော် ရခိုင်စကားတွင်  (သီ) ဟူသောစကားသည် (Die) (Death) ဟူ၍ အဓိပ္ပါယ်ဟိသဖြင့် (သီချာ) သည် ဖတ်ရမဖြောင့် (သေချာ) က ပိုသင့်တော်သည်ဟု ယူဆသည်။

အပိုဒ် (၁၅) သည် မပြည့်စုံဟု ယူဆရပါသည်။ Type မူသည် ဆရာကြီးမောင်ဗသိန်း၏လက်ထဲတွင်ဟိသည်။ အကျွန်ုပ်ရထားသည့် (Scan) ကော်ပီမှာ မှင်ကောင်းကောင်းမပေါ်ပါ။ ဘေးနား၊ အထက်နား၊ အောက်နားများတွင်လည်း စာကြောင်းများပြတ်တောက်နီသည်။ ထို့ကြောင့် ပြည်ထဲဟိ ရခိုင်စာပီသုတေသီများ အထီအထ ပညာဟိယောင်ယောင် ဘောရိပြ၍ မနီကတ်ဘဲ မပြည့်စုံသည်များကို ထပ်မံ၍ ဖြည့်စွက်သုတေသနပြုသင့်ပါသည်။

(သဝေခြား) လား (သ၀ီခြား) လား ပြဿနာတွင်လည်း (ဗွီဒီယို) မှာ ရှည်သဖြင့် (သဝေခြား) အပိုဒ်ကို ပိုင်းဖြတ်ပြီးသောအခါ ယခု ဆောင်းပါး၏အောက်တွင် ပို့တင်၍ ဖော်ပြပီးလားပါမည်။ အသေအချာနားထောင်ကြည့်သင့်သည်။ မပိုင်းဖြတ်ရသိမ့်သော (ဗွီဒီယို) အပြည့်အစုံကို အောက်ပါ (Link) တွင် လားရောက်၍ လေ့လာနိုင်ပါသည်။

https://youtu.be/GZdgtpDLzus

(မိတ်ဆွေ) လား  (မိတ်ဆွီ) လား ပြဿနာတွင် နှစ်ခုစလုံးကို သုံးနိုင်သည်ဟု ယူဆပါသည်။ အကိုးအကား အထောက်များကို စုဆောင်း၍ နောက်ပိုင်းတွင် ဖော်ပြပီးလားပါမည်။

(ရွှီ) လား (ရွှေ) လား ပြဿနာတွင်လည်း နှစ်ခုစလုံကို သုံးနိုင်သည်ဟု ယူဆသည်။

(တော်လှန်ရီး) လား (တော်လှန်ရေး) လား ပြဿနာတွင်လည်း နှစ်ခုစလုံး သုံးနိုင်သည်ဟု ယူဆသည်။ု
နောက်ဆက်တွဲ ကျန်ဟိနီသိမ့်သော ရခိုင်အရွီးအသားပြဿနာများကိုလည်း အတတ်နိုင်ဆုံးကြိုးစား၍ ဥာဏ်မှီသလောက် လက်လှမ်းမှီသော အထာက်အထားများဖြင့် တင်ပြပီးလားရန်လည်း ဆန္ဒဟိပါသည်။

ရခိုင်ပေါင်းကူး သာလှဦး
March 14, 2021 (Saturday) (စနီနိ) မိုးထ (AM 12:11) (မိနိ) တွင် အကြမ်းရွီးသားပြီးစီးအပ်သည်။

Saturday, April 10, 2021

ဗမာ့တပ်မတော် (နှင့်) ငပိ ငပိ (နှင့်) ဗမာ့တပ်မတော်

ဗမာ့တပ်မတော် (နှင့်) ငပိ ငပိ (နှင့်) ဗမာ့တပ်မတော်

နိခြင်းသား (၁၂) ချက်တီးခန့်လောက်တွင်ဖြစ်သည်။ အကျွန်ုပ်ပျင်းပျင်းရိရိနှင့် ၀တ္ထုစာအုပ်တအုပ်ကို ဖတ်နီစဉ်တွင်ဖြစ်သည်။ ရွာနောက်ဖက်မှ ခြီသံပြင်းပြင်း ပြီးဝင်လာသံများကိုကြားလိုက်ရ၍ တချက်ပျောကြည့်လိုက်သည်။

ယာ - စစ်သားတိ။ ဗမာစစ်သားတိဖြစ်စွာကို ချက်ချင်းသိလိုက်ရသည်။ လှံစွပ်တပ်ထားသော ဂျီသရီးသနတ်များကိုမောင်းထိုးကာ နီပူတောက်တောက် ရွာသို့ ဗြန်းစိကာရ ပြီးဝင်လာကတ်သည်များကိုမြင်လိုက်ရ၍ အကျွန်ုပ်လည်း ဖတ်လက်စ ၀တ္ထုစာအုပ်ကို ဆက်မဖတ်ဘဲ ဘေးသို့ချကာ ၄င်းမြန်မာစစ်သားကြီးများကို စပ်စုသောစိတ်နှင့် ရှောက်ကြည့်ချောင်းကြည့်နီမိသည်။

မကြာခင် ၄င်းမြန်မာစစ်သားကြီးများသည် ရွာလယ်ကောင်သို့ ဖားပြုတ်ကေယှောင် မျက်ဆံပြူးပြူး လက်ခြီကားရား စုရုံးရောက်ဟိလာကတ်သည်။ ခေါင်းဆောင်ဟုထင်ရသော မြန်မာစစ်သားကြီး၏အမိန့်ပီးသံကြောင့်လားမသိ ကျန်စစ်သားများသည် ချက်ချင်းဆိုရေပိုင် စဖိုကြပ်စင်၊ အိမ်ထက်အိမ်အောက်၊ အိမ်ကြောက်မကျန် တရွာလုံးကို ပြောင်းပြောင်းဆန်၍ မွှီနှောက်လိုက်ရှာကတ်ပါတော့သည်။

သူရို့၏မျက်စိတိကား ဂဏာမငြိမ်၊ ကျီးကန်းမျက်စိယှောင် ယောက်ယက်ခတ်လျှက်ဟိ၏။ ငန်းရူးလိုက်နီသောလူနာသည်ယှောင် တောင်ရောက်မြောက်ရောက် မျက်စိလည်နီကတ်သည်ကို အကျွန်ုပ် တန်းပျင်းထက်က ကြင်းကြင်းလင်းလင်း တွိမြင်နီရပါ၏။

တချို့စစ်သားများသည် အိမ်ထဲသို့ ပြီးဝင်လားကတ်၏။ တချို့စစ်သားများသည်ကား ရွာထဲမှ တွိသမျှလူကိုဖမ်းကာ ရွာလယ်ကောင် တလင်းပြင်၌ စုပြုံထား၏။ တချို့စစ်သားများသည်ကား ဟောင်နီသောခွီးများနောက်သို့လည်းကောင်း၊ တချို့စစ်သားများသည်ကား အုန်းပင်ထက်သို့လည်းကောင်း၊ တချို့သည်ကား ကြက်ခြံထဲသို့လည်းကောင်း၊ တချို့သည်ကား ၀က်ခြံထဲသို့လည်းကောင်း အသီးသီး လိုက်ပါလားကတ်၏။

ထိုသို့ စစ်သားများအလုပ်ယှုတ်နီချိန်တွင် မြန်မာစစ်ဗိုလ်ကြီးသည် နခေါင်းရှုံ့လျှက် အိမ်ရှိသရက်ပင်အောက်တွင်ထိုင်နီသော ၀ါကြီးမတလုံးကို အညာသားလီသံဖြင့် အဖွားကြီး မရှိဘူးလား မရှိဘူးလားစသည်ဖြင့် ဒရဇတ်မီးမြန်းစစ်ဆီးနီသည်ကို တွိမြင်လိုက်ရပါသည်။

ထိုကဲ့သို့ မဆမ၀ါကြီးမအား လိုင်ခြောင်းသံဖြင့် အော်ငေါက်စစ်ဆီးနီစဉ်တွင် မြန်မာစစ်ဗိုလ်ကြီးသည် တန်းပျင်းထက်တွင် နီပူလှန်းထားသော ယင်ကောင်များဝိုင်းအုံနီသော ငပိဗန်းခံကို လှမ်းမြင်လိုက်သည်။ ဤတွင် ငပိဇတ်လမ်းစပါတော့သည်။

ယခင်က မျက်နှာရှုံ့တွနီသော မြန်မာစစ်ဗိုလ်ကြီး၏မျက်နှာသည် ငပိဗန်းခံကိုမြင်သည်နှင့် ချက်ချင်းအရောင်ပြောင်းလားပြီး ငပိဗန်းခံကြီးကို အငန်းမရခုန်ဆွဲပါတော့သည်။ ပြီးလျှင် ငပိဗိုလ်ကြီးသည် လက်သီးတဆုပ်စာခန့်ဟိသော ငပိတုံးကြီးတတုံးကိုယူ၍ သွားဖုံးမြုတ်အောင် အငန်းမရ မွားစားပါလီတော့သည်။

ထိုကဲ့သို့ ငပိဗိုလ်ကြီး ငပိမွှားပြီး ဇိမ်တွိနီစဉ်တွင် ကျန်စစ်သားများသည်လည်း ငပိနံ့ရ၍လားမသိ သူ့ထက်ငါ အတင်းလု၍ ငပိစိမ်းခဲများကို တပျောက်ပျောက် စားသောက်ကတ်ပါတော့သည်။
ယင်ကောင်အုပ်ကြီးသည်လည်း စစ်သားများ၏ခေါင်းပေါ်တွင် တ၀ီဝီ ၀ဲပျံလျှက်ဟိသည်။
ငပိစစ်သားများသည်လည်း ငပိဗိုလ်ကြီး၏အမိန့်ကို မနာခံဘဲ သူ့ထက်ငါယင် ၀င်ဆွဲသဖြင့် ငပိဗန်းခံကြီးမှာ စစ်သားများအလယ်တွင် ထိုရောက်ဒေရောက် အတောင်ပေါက်၍ ၀ိုင်းကြီးပတ်ပတ် ဒူဝေေ၀ ဘော်လီဘောဖြစ်နီပါတော့သည်။

တချို့စစ်သားများသည် ငပိခဲများကို တကျွတ်ကျွတ်စားသောက်ယင်း ဗမာစကားဖြင့် (ဒီငပိ တအားကောင်းတယ်ကွ) ဆိုပြီး ငပိခဲများကို ကြောပိုးခရင်းထဲသို့ လက်ပြန်ထိုးသွင်းလိုက်၏။
တချို့စစ်သားများသည်ကား (အဖွားကြီး အဖွားကြီး၊ ဒီငပိ ဘယ်ကရသလဲ) ဟု မီး၏။ တချို့စစ်သားများသည်ကား ခေါင်းပေါ်ထက်က ယင်ကောင်အုပ်ကြီးကို စစ်သံခမောက်ကို ချွတ်၍လည်းကောင်း၊ ယူနီဖောင်းကိုချွတ်၍လည်းကောင်း ယပ်ခတ်ကာကွယ်ကာ ကောင်းကောင်း အလုပ်ယှုတ်လျှက်ဟိ၏။

ငပိစစ်သားများသည် ထိုကဲ့သို့ ငပိစိမ်းခဲများကို တကျွတ်ကျွတ် ပလုတ်ပလောင်း စားသောက်နီစဉ်တွင် တဒင်္ဂ အပြင်လောကကိုမိလျှက်ဟိရာ အနားသို့ကပ်လျှက် ဒုတ်ဖြင့်ချောင်းရိုက်လျှင်လည်း သတိရမည့်ပုံမပေါ် အလွန်အမင်း ငပိဆီယစ်လျှက်ဟိ၏။

အကျွန်ုပ်သည်လည်း ထိုကဲ့သို့ ယင်ကောင်အုပ်ကြီးနှင့်အတူ ဘတပြန် ကျားတပြန် ကျင်ကိုင်လျှက် ငပိလုနီသော ငပိစစ်သားများနှင့် သူရို့အား ကြောင်တိကြောင်တောင် ဆောင့်ခြောင်ထိုင်လျှက် ပွာကြည့်နီသော ၀ါကြီးမအားမြင်ရသောအခါ ဗစ္စကုတ် ရုပ်ရှင်ကားများတွင်မြင်ရသော ပျားနှိုက်စားသော လူဝံမိသားစုများကို စိတ်ထဲတွင် လား၍ မြင်ယောင်မိကာ ယခင်ကြောက်စိတ်များမဟိတော့ဘဲ တခွိခွိကြိတ်၍ ရယ်မိပါတော့သည်။

ငပိစစ်သားများသည်လည်း ငပိစားသောက်ပြီးသောအခါ အနည်းငယ် သမာဓိရလာပြီး မျက်နှာအရောင်များ ပြောင်လက်လာ၏။ သို့သော် သူ့ရို့သည် ငပိသျှင်ဝါကြီးမအား ကျေးဇူးတင်စကား တလုံးတခွန်းမပြောဘဲ ခြံထဲက ကြက်များကို ၀ိုင်းဆွဲကတ်ပြန်၏။ ၀ါကြီးမ၏ကြက်များသည်လည်း စစ်သားများ၏ကြောပိုးခရင်းထဲတွင် ပက်လက်လန်လျှက် ခြီထောက်ထောင်လျှက် တကြောက်ကြောက်နှင့် ဒေါက်လျှောက်လိုက်ပါလားရပါသည်။

ငပိစားရုံသာမက ကြက်များလည်းခိုးသောအခါ ၀ါးကြီးမသည် သည်းမခံနိုင်တော့ဘဲ မြန်မာစစ်သားကြီးများနှင့် ရန်ဖြစ်ပါတော့သည်။

သို့သော် ကာဘိုင်သနတ်ကို ကျည်ထိုးကာ ၀ါကြီးမ၏နားဝတွင် (မြန်မာ့တပ်မတော်ကွ၊ ဘာမှတ်သလဲ) အော်ငေါက်လိုက်သဖြင့် ၀ါကြီးမမှာ ကြောက်ကြောက်ဖြင့် ဆက်မပြောဝံ့ဘဲ ဘုရားတနီလိုက်ရပါသည်။
မကြာမှီ မြန်မာစစ်သားများသည် ငပိဗိုလ်ကြီး၏ခရာမှုတ်အမိန့်ပီးလိုက်သည့်အသံကြောင့် ပြန်လည်စုံရုံးပြီး ခရီးရှိဆက် ထွက်ခွာလားကတ်သည်။

ဝါးကြီးမလည်း (သူခိုးပြန်မှ ကျင်ကွင်းပြ) ကာ ဒေါသပုန်ထလျှက် မိုးပြိုအောင် ကျိန်ဆဲကာ စစ်သားတယောက်မိကျန်ခသော စစ်သံခမောက်ကို ဒုတ်ပိုင်းတချောင်းဖြင့် တဘုန်းဘုန်း ရိုက်ခွဲလျှက် ကျန်ဟိခပါသည်။

အကျွန်ုပ်ရို့လည်း ၀ါးကြီးမအား ရခိုင်ဘာသာစကားဖြင့် (အဘောင်မ အဘောင်မ၊ စစ်သံခမောက်ကို မခွဲကဲ့။ ငါရို့ကို ပီးပါ။ နွားကျောင်းခါဆောင်းဖို့) ဟု တောင်း၏။

ဝါကြီးမလည်း စကားတခွန်းပြန်မပြောဘဲ (ဟက္ကရီကျ ဗမာစစ်သားတိ။ နောက်တခေါက် ရွာထဲသို့ လာပတ်စီ။ နွားချီးတိကို နီလှမ်းထားဖို့။ စားကတ်ပတ်စီ) ဟု ကျိမ်ဆဲလိုက်ရာ အကျွန်ုပ်ရို့သူငယ်ချင်းအုပ်စုသည်လည်း ၀ါကြီးမစကားကိုကြား၍ အူဆို့ပါအောင် ရယ်ရပါသည်။

ကောင်းကောင်းမကြာခင် ၀ါကြီးမလည်း မာန်ပြေလား၏။ မြန်မာစစ်သားများနောက်သို့ ဟောင်လျှက်လိုက်ပါလားသော ရွာကခွီးများလည်း မျက်နှာမသာမယာဖြင့် ပြန်ဝင်လာလတ်၏။  ထိုအချိန်တွင် အကျွန်ုပ်ရို့အားလုံးသည် အကျွန်ုပ်ရို့၏ရွာနှင့် တပြင်သန်း၊ ကာရီဘောင်တဖက် ကွမ်းသီးခင်းအလွန်တွင်တည်ဟိသော ညောင်ချောင်းရွာမှ ခွီးများ၏နမိတ်ဆိုးတခုကိုမြင်ရ၍ မိုးပြိုအောင်ဟောင်သံများကို ကြားလိုက်ရပါ၏။

၎င်းမြန်မာစစ်ဗိုလ်ကြီးသည် မင်းပြားမှထွက်လာသော ငပိလောင်းတစင်းကို ဖမ်းလားသည်ဟု သိရပါသည်။ ငပိစစ်ဗိုလ်ကြီးလည်း ရခိုင်ပြည်မှ ပြန်၍ ကရင်ရှိတန်းတွင် လစန့်ကောင်လားသည်ဟု ကြားသိရပါသည်။

ငပိစစ်ဗိုလ်ကြီးလစန့်ကောင်လားသော်လည်း ၀ါကြီးမတယောက်ကား အခုထက်ထိ စိတ်ဆိုးမပြေနိုင်သိမ့်။
ကွယ်လွန်သူ (AA ရဲဖော်ဟောင်း) (မောင်စစ်) (ရမ်းဗြဲ)

(UNDC) မဂ္ဂဇင်းအမှတ် (၃) တွင် မြန်မာဘာသာဖြင့် ဖော်ပြအပ်သော ၀တ္ထုတိုအား ရခိုင်ဘာသာဖြင့် သင့်လျော်အောင် ပြန်ဆိုပါသည်) ဘာသာပြန်ဆိုသူ (သာလှဧူး)(မြောက်ဧူး)

Monday, October 15, 2018

မေဓပညာမော်ကွန်းလင်္ကာ

မေဓပညာမော်ကွန်းလင်္ကာ
===============

ကမ္ဘာစဉ်လာ ၊ ဓမ္မာတာဖြင့် ၀ိဒွါသမုတ်၁ ၊ စတုယုဂ်ကိန်း၂ ၊ လေးသိန်းနှစ်သောင်း၊ နှစ်ထောင်ဆောင်းအယ့်။ နှစ်ပေါင်းကိုချုပ်၊ ကလိယုဂ်တည့်၃ ။ ထိုယုဂ်နှစ်ပြန်၊ ဒွါပရန်၎ ဟု၊သုံးပြန်တြေတာ၅၊ လေးဖြာကတ၆၊ ပေါင်းကြလေးထပ်၊ ရွှီးအပ်သိမှု ၊ အအဥအီ၊ ရာဂီဘြု၇ ၊ ဂဏန်းစုဖြစ်၊ ထိုနှစ် အ ပေါင်း ခေါက်ပြောင်းပြန်လှန်၊ကပ်ဆုံးလွန်အောင် လူ့ ဘောင့်ပွားဆုတ်၊ လေးပါးယုဂ်တွင်၊ အယင် ကတ၊ ဓမ္မသစ္စာ၊ ပြည့်လာဥဿုံ၈၊ကောင်းကိန်းကြုံအယ့်။ သုံးပုံတြေတာ ၊ ယုတ်မာတခု၊ ကောင်းမှု သုံးဖြာ၊ ဒွါပရာစက်၊ တ၀က်ကောင်းဆိုး၊ တစ်မျိုးကလိ၊ အသိဧက၊ သုံးဝချွတ်ယွင်း၊ တရားကင်းအယ့် ။ ယင်းကလိသက်၊ ထိုနှစ်ထပ်မှာ ဂိက္ခာဂိက္ခ၉၊ ဂဏန်းကျခါ၊
ရာသက်ကာလ၊ ဟာယန၁၀မှီ၊ သာကီသကျ၊ ဂေါတမဟု၊ လောကလူ့ ရွာ၊ ဖြစ်ပွင့်လာရွယ့်၊ ဒေ၀ါမနု ၁၁၊ ကျွတ်မှုဟောကြား၊ လေးဆယ့်ငါးဝါ၊ ပြည့်ရေခါကား ၊ သြဆာဂါရ၁၂၊ သာခပုဏ္ဏမီ ၁၃၊ ငြိမ်းလီနိဗ္ဗာန်၊ ထားပြန်သာသနာ၊ ဂေါ စာဖြိုရှု၊ ဓါတုဋီကာ၁၄၊ ရောက်ခါပေါင်းကြ၊ န၀တြိ၊ သတ္တဂီ၁၅၊ ဂေါတမပူရမ်၊ ကျမ်းညွှန်အလာ၊ ရက္ခပူရ၊ ဓညသခင်၊ ဘုရင်ရာဇာ၊ ရာလမာယု၊ မင်းဟုသမိုက်၊ ဘိသိက်ကြိက်ခါ၊ ဂေါစာဘိန္န ၁၆၊ သဓကကျမ်း၊ ကိန်းခန်းအရ၊ မိဘစံဇီ ၁၇၊ ဖြိုလီကြွင်းနှစ်၊ သကြစ်မဟာ၊ တရာသုံးခု၊ ပွင့်မူတွိကြုံ၊ ကဆုန်ပုဏ္ဏ၊ ဂေါတမဟု၊ ဗုဒ္ဓတံထွာ၊ ဖြစ်လာဟောကြား၊ လေးဆယ်ငါးဝါ၊ ရောက်တေခါကား၊ ရာလေးဆယ့်သျှစ်၊ ပြည့်ခိုက်ကဆုန်၊ နိကြုံအင်္ဂါ၊ နိဗ္ဗူတာသို့ ၊ မှန်စွာရောက်ဟိ၊ ခတ္တိငါးဆက်၁၈၊ မပျက်စဉ်လာ၊ စန္ဒသူရိယ၊ ဇီဝက၁၉ကိန်း၊ ဖြိုသိမ်းပြီးမှ၊ တစ်ကစလိုက်၊ သကြစ်လာ၊ သာသနာနှင့် စဉ်လိုက်မပျက်၊ ဆယ့်ခြောက်ဆက်ခါ၊ သူရိယာစိတြ၊ ဓနဉ္စ ၂၀ ကိန်း၊ မယိမ်းဖြိုလေ၊ သုံးဆယ်နှစ်ဆက်၊ မပျက်ရောက်ဘိ၊ သိရိစန္ဒြ ၊ ဥတ္တမ၂၁ ကိန်း၊ ဖြိုသိမ်းပေါင်းပြု၊ ဓါတုဋီကာ၊ ဂေါစာဂလော၊ ရောက်ကောမှန်စွာ၊ သာသနာနှစ်၊ အတိတ်ဖြစ်ခါ။ ထိုနှစ်မှာပင်၊ စိတြာပုဏ္ဏိ ၊ ပဋိပါဒ ၂၂၊ ဆုတ်စတရက်၊ ယင်းနိထက်တွင်၊ မြသွင်မှိုင်းအိ၊ တန်ခိုးဟိသည်၊ ဘုမ္မိရွှီဆောင်၊ ဗွီထက်ခေါင်ကို၊ ညီအောင်ပြုကာ၊ ၀ိဟာတမျက်၂၃၊ လေးဘက်အညီ၊ ငါးဆောင်စီဖြစ်၊ တကျောင်းနှိုက်ဝယ်၊ ငါးဆယ်သံဃာ၊ တမျက်နှာဟု၊ နှစ်ရာ့ငါးဆယ်၊ လေးသွယ်ရဟန်း၊ သီဟိုဠ်ကျွန်းက၊ ဓူရနှစ်ဖြာ၊ ငါးရာစီမျှ၊ ရို့ပြည်မမှ၊ ဓူရတထောင်၊ ပင့်ဆောင်လုပ်ကျွေး၊ လှူပွဲကျင်းပ၊ လက်ကထူးဆန်း၊ နတ်နန်းတမျှ၊ တူစွရွှီကျောင်း၊ အပေါင်းများစွာ၊ သံဃာနှစ်ထောင်၊ ပင့်ဆောင်ပြီးမှ စူလရေ၀၊ နာယကကား၊ ဓမ္မသဘင်၊ သင်္ဂါယနာ၊ တင်ရာအစ၊ ပဉ္စ၀ိနယာ ၂၄၊ ၊ နှစ်ရာ့ငါးဆယ်၊ သုတ္တံကျယ်တိ၊ နာဝိဧကာ ၂၅၊ ကိုးရာဆယ်တိ၊ အဘိဓမ္မာ၊ ကျမ်းလာသတ္တ၊ ယှစ်ရာ့လေးဆယ်၊ ဗုဒ္ဓဟောတိ၊ ပါဋိနယ၊ တာမြပတ္တာ၂၆ ၊ ကြီးဝါချပ်ပြား၊ နှစ်ထောင်အားဖြင့် ရွှီးထားသေချာ၊ တနှစ်ကြာအယ့်။
တဖြာဖွင့်ပြ၊ အဌကထာ၊ ၀ိနယာမှာ၊ ခုနှစ်ရာငါးဆယ်၊ သုတ်ဝယ်အလာ၊ ထောင့်ငါးရာတည့်၊ အဘိဓမ္မာ၊ ခြောက်ရာကိုးဆယ်၊ ဓိပ္ပါယ်ပေါင်းစုံ အကုန်ဖော်ဟိ၊ ၀ိသုဒ္ဓိမဂ်၊ သျှင်ပျက်မရာ၊ လိဇ္ဇိာမှာနှိုက်၊ ချပ်ဖြစ်လေးဆယ်၊ ဒါယေ၀ိနိစ္ဆယ၊ ကင်္ခ၀ိတရဏီ ၂၇၊ ချပ်ရွှီလေးဆယ်၊ နိကာယ်ငါးဝ၊ အဌကထာ၊ နှစ်နှစ်ကြာပြု၊ ပ-ဒု-တ-မှီ၊ စတုတ္ထီကျ၊ မဟိံသဟု၊ မည်ရသမိုင်း၊ ရက္ခိုင်တိုင်းသို့  စိယ်ခိုင်းလီဘိ၊ မောဂ္ဂလိပုတ္တ၊ တိဿထေရ်လျှင်၊ သိခင်ရေ၀၊ ထေရ်ငါးဖြာ၊ ရဟန္တာရို့ ၊ ကြွလာထိုခါ၊ သူရိယာစက္က၊ ရို့ရာဇအား၊ ဟောကြားဒေသနာ၊ ဒေ၀ါဓူတံ ၂၈၊ သုတ္တံအဆုံး၊ လေးသောင်းလုံးမှာ ဓမ္မာစက္ခု၊ ရဟိမှုကြောင်း၊ လေးသောင်းရဟန်း၊ ကျွတ်တန်းဝင်ကြ၊ ထိုကစရွယ့်၊ သာသနာ့ဝန်ထမ်း၊ ရဟန်းသံဃာ၊ စဉ်လာပွားထ၊ သီဟဠနယ့်၊ ၀ါဒတူဘိ၊ ဂုဏသိ င်္ဂီမှာ ပတ္တာပဉ္စမီ ၂၉၊ ကြီးရွှီချပ်ပြား၊ ငါးထောင်အားဖြင့်၊ ရွှီးထားသေချာ၊ သုံးနှစ်ကြာလျှင်၊ အောင်မြင်ပြီးစီး၊ သီရိစန္ဒြား၊ ရို့မင်းဖျားကား၊ ရုပ်ပွားပုထိုး၊ စေတီမျိုးနယ်၊ နောက်တိုးကန်တူး၊ ကောင်းမှုဖြာဖြာ၊ ပြည်ရွာခွန်ဘဏ်၊ ယွှပြန်တ၀က်၊ ရန်မျက်ကင်းငြိမ်း၊ မယိမ်းမယုတ်၊ ကြိုးကုပ်ဒါန၊ သီလတဖြာ၊ ဘာဝနာတရပ်၊ ၀ိပဿနာ၊ များစွာအားထုတ်၊ လောကုတ်သဘင်၊ မဂ်ပွဲဆင်သည်၊ ဖိုလ်ဝင်နိဗ္ဗာန်ရောက်ကြောင်းတည်း။

( -- ) နံပါတ်တပ်ထားသော စကားလုံးအဓိပ္ပါယ်များ
=========================
(၁) ၀ိဒွါသမုတ် - ပညာဟိသမုတ်သော
(၂) စတုယုဂ် - ယုဂ်လေးပါး
(၃) ကလိယုဂ် - ဆုတ်ယုတ်သောယုဂ်
(၄) ဒွါပရန် - ဒွါပရယုဂ်
(၅) တြေတာ - တြေတရာယုဂ်
(၆) ကတ - တတယုဂ်
(၇) အအဥအ၊ ရာဂီဘြု - ၄၃၂၀၀၀၀ ပိဋကတ်သချာင်္နည်း
(၈) ပြည့်လာဥဿုံ - အားလုံးပြည့်စုံသည်။
(၉) ဂိက္ခာဂိက္ခ - ၂၅၂၅ ကလိယုဂ်နှစ်- ပိဋကတ်သချာင်္နည်း
(၁၀) ယာယန - အသက်တရာတန်းကပ်
(၁၁) ဒေ၀ါမနု - နတ်-လူ
(၁၂) သြဆာဂါရ - ၂၅၇၀- ပိဋကတ်သချာင်္နည်း
(၁၃) သာခပုဏ္ဏမီ - ကဆုန်လပြည့်နေ့ 
(၁၄) ဓာတုဋိကာ - ၁၁၆၉- ပိဋကတ်သချာင်္နည်း
(၁၅) န၀တြိသတ္တဂိ - ၃၇၃၉-ကလိယုဂ်ခေတ်
(၁၆) ဂေါစာဘိန္န - သက္ကရာဇ်ဖြိုခြင်း
(၁၇) မိဘစံဇီ - ၈၆၄၅- ပိဋကတ်သချာင်္နည်း
(၁၈) ခတ္တိငါးဆက် - ခတ္တိယအနွယ်မင်း ၅-ဆက်
(၁၉) ဇီဝက - ၁၄၈- ပိဋကတ်သချာင်္နည်း
(၂၀) ဓနဉ္စ - ၆၀၉- ပိဋကတ်သချာင်္နည်း
(၂၁)ဥတ္တမ - ၅၆၀ - ပိဋကတ်သချာင်္နည်း
(၂၂) စိတြာပုဏ္ဏိ၊ ပဋိပါဒ - တန်ခူးလဆုတ်-၁ရက်
(၂၃) ၀ိဟာတမျက် - တမျက်နှာ၌ ကျောင်းဆောင်
(၂၄) ပဉ္စ၀ိနယာ - ၀ိနည်းငါးကျမ်း
(၂၅)နာဝဧကာ - ကိုးရာတဆယ်
(၂၆) တာမြပတ္တာ - ကြေးကိုခတ်ထားသည့်အပြား
(၂၇)ဒါယေ၀ိနစ္ဆယ၊ ကင်္ခ၀ိတရဏီ - ၀ိနစ္ဆယ နှင့် ကင်္ခ၀ိတရဏီကျမ်းပေါင်း
(၂၈) ဒေ၀ါဓူတ - ဒေ၀ဓူတသုတ္တံဒေသနာတော်
(၂၉) ပတ္တာပဉ္စမီ - ငါးထောင်ကြေးပြားချပ်ရေ

ပြုစုသူ (ဦးရွှေဇံ)
COPY ဦးဦးသာထွန်း Page

Tuesday, August 8, 2017

ရခိုင်စာပီတော်လှန်ရီး

ရခိုင်စာပီတော်လှန်ရီး
================

ပြည်ထဲမှာ ရခိုင်မဂ္ဂဇင်းတိက မြန်မာပိုင်ယှောင်ရွီးကတ်တေ။ သူရို့၏အကြောင်းပြချက်က မြန်မာတိလည်းနားလည်ယောင်လို့။ တော်လှန်ရီးနယ်မြီထဲသို့ရောက်တေအခါလည်း ရခိုင်ပြည်သီးခြားလွတ်လပ်ရီးလို့ ကျွီးအော်နီကတ်တေပါတီတိကလည်း မြန်မာပိုင်ယှောင်ရွီးကတ်တေ မြန်မာတိလည်းနားလည်ယောင်လို့။ ပြင်ပန်းအားဖြင့်ကြည့်လျှင် ယုတ္တိယုတ္တာဟိရေပိုင် ထင်ရပါသည်။ အတွင်းကျကျလေ့လာကြည့်သောအခါ ရခိုင်ပြည်သီးခြားလွတ်လပ်ရီးသမားအချင်းချင်း အပြန်အလှန်ရွီးစာများ၊ကိုလည်း မြန်မာပိုင်ယှောင်ရွီးနီကတ်စွာကို တွိရပါသည်။ အေနီရာတွင် မြန်မာများလည်းနားလည်ယှောင်ဟူသော ဆင်ခြီဆင်လက်မှာ လုံးဝယုတ္တိမဟိပါ။ အမှန်ကို သုံးသပ်ရလျှင် ရခိုင်သားများ ရခိုင်စာကို ရခိုင်စကားဖြင့် မရွီးတတ်သောကြောင့်ဖြစ်သည်။

ရခိုင်ပြည် ယိုယွင်းပျက်စီးလားရခြင်းအကြောင်းကို ရခိုင်သမိုင်းပညာသျှင်များက ငသံထွေကိုကျည်း အပြစ်ပုံချကတ်ပါသည်။ အမှန်မှာ ရခိုင်ပြည်ဆုတ်ယုတ်ပျက်စီးရခြင်းအကြောင်းမှာ ရခိုင်စာပီယိုယွင်းပျက်စီးလာခြင်းအကြောင်းသည် အဓိကအချက်ဖြစ်သည်ကို မည်သူတဦးတယောက်ချေကလည်း ကနိအချိန်ထိ သတိမထား သဖောမပေါက်သိမ့်ပါ။

ဥပမာအားဖြင့် ကတ္တော်သိမ်ကျောက်စာ၊ တေဇရာမကျောက်စာသည် အားလုံးမြန်မာပိုင်ယှောင်ရွီးထိုးထားခြင်းဖြစ်သည်။

၎င်းကျောက်စာများသည် ရခိုင်ပြည် မြန်မာလက်အောက်မရောက်ခင်ကတည်းက ရွီးထိုးထားခသောကျောက်စာများဖြစ်သည်။ အကယ်၍ ရခိုင်ပြည်ကျဆုံးပြီးနောက်ပိုင်းမှ ရွီးထွင်းထားခသည်ဆိုပါက မြန်မာအုပ်ချုပ်မှုကြောင့် မြန်မာစာအလွှမ်းမိုးခရခြင်းဖြစ်သည်ဟု ယူဆ၍ရပါသည်။ ယခုကား ထိုသို့မဟုတ် ရခိုင်ပြည်မကျခင်ကတည်းက ရခိုင်သားများ ရခိုင်စာကို မြန်မာပိုင်ယှောင်ရွီးနီကတ်သည်ကိုကြည့်ခြင်းအားဖြင့် ရခိုင်သားများ၏စိတ်ဓါတ်အဆင့်အတန်းသည် ရခိုင်ပြည်မကျခင်ကတည်းက မည်သည်မည်မျှလောက် ဆိုးဝါးနီရာလဲ ဆိုစွာကို မီးမောင်းထိုးပြ ဖော်ပြလျှက်ဟိသည်။

ထို့ကြောင့် ရခိုင်သားများစိတ်ဓါတ်ရီးရာ ယိုယွင်းပျက်စီးခြင်းအကြောင်းသည် ရခိုင်ပြည်ပျက်စီးခြင်း၏အဓိကအကြောင်းရင်းဖြစ်သည်။  ငသံထွေတဦးတယောက်ကြောင့်မဟုတ်ပါ။

ရခိုင်သားများစိတ်ဓါတ်ရီးရာ ပျက်စီးခြင်းလက္ခဏာကို ထိုခေတ်ထိုအခါက ရခိုင်သားများ စာတီပုထိုးများ၌ ရွီးထွင်းထားခသော ရခိုင်ကျောက်စာများကို လေ့လာကြည့်ခြင်းအားဖြင့်လည်း အလွန်တရာမှ သိသာထင်ရှားသည်။ ငသံထွေတယောက်တည်းကိုကျည်း အပြစ်ပုံချသည်မှာ မမှန်ကန်ပါ။

ဤအချက်ကို ပဇာအတွက်ကြောင့် ထောက်ပြရသနည်း။ ပဇာကြောင့်ဆိုသော် ရခိုင်ပြည်ကျဆုံးရခြင်းသည် ရခိုင်သားများ၏စိတ်ဓါတ်နိမ့်ကျလာခြင်း အဓိက အကြောင်းရင်းဖြစ်သည်။ ဤအချက်ကိုနားလည်လျှင် ရခိုင်ပြည်ကို ကယ်တင်ရန်မှာလည်း ရခိုင်သားများ၏စိတ်ဓါတ်ကို  မြှင့်တင်ပီးရမည့်ကိစ္စသည် အဓိက အကြောင်းရင်းဖြစ်လာသည်။

ဤအချက်ကို သဖောမပေါက်ပဲ ရခိုင့်တော်လှန်ရီးလုပ်လျှင် လုပ်လီ စုန်းစုန်းမြုတ်လီဖြစ်ပါလိမ့်မည်။ မြုတ်လည်းမြုတ်နီကတ်ပါသည်။ မြုတ်လျှက်လည်း ဟိသည်။ တော်လှန်ရီးသက်တမ်း (၆၀) ဟိယာ (၈၀) ဟိယာ ကျွီးအော်လျှက် ကြွားဝါလျှက်ဟိသည်။ သို့သော် တဖ၀ါးမရွိ။ ပဇာအကြောင်းကြောင့် ဒုံရင်းမှာ ဒုံရင်း တိုးမပေါက်ရခြင်းအကြောင်းကို သတိမထားမိကတ်။ ယှင်းယှင်းပြောရလျှင် မသိကတ်။ ယေဇူး ရခိုင့်တော်လှန်ရီးမှာ ကျွန်သက် (၂၃၀) ကျော်လာကေလည်း ထူးခြားမှု တိုးတက်မှု တခုချေလည်းဖြစ်မလာ။

“အကြောင်းရင်းမှာ ရခိုင်တော်လှန်ရီးအောင်မြင်ဖို့အတွက် ရခိုင်စာပီတော်လှန်ရီးလုပ်ရဖို့ မဟိမဖြစ်လိုအပ်တေဆိုစွာကို သဖောမပေါက်သောကြောင့်ဖြစ်သည်။”

“ရခိုင်စာပီတော်လှန်ရီးလုပ်ရကောင်းမှန်း မသိသောကြောင့်ဖြစ်သည်။”

စိတ်ဓါတ်စစ်ဆင်ရီးသည် တော်လှန်ရီးတရပ်အောင်မြင်ဖို့အတွက် အဓိကအကြောင်းရင်းဖြစ်သည်။ စိတ်ဓါတ်မြှင့်တင်ရီးအတွက် စာပီတော်လှန်ရီးသည် အဓိက အကြောင်းရင်းဖြစ်သည်။

ရခိုင်တော်လှန်ရီးသမားများ ရခိုင်စာပီတော်လှန်ရီးလုပ်ရန်လိုအပ်လျှက်ဟိသည်ကို ပဇာအတွက်ကြောင့် သဖောမပေါက်နိုင်ဖြစ်နီရပါသနည်း။ သူရို့တိ၏အမြင်မျက်စိကို ပဇာအတွက်ကြောင့် တိမ်သလ္လာဖုံးအုပ်ထားပါသနည်း။ ဤမီးခွန်း၏အဖြေမှာ ရိုးရိုးယှင်းယှင်းချေဖြစ်သည်။

နံပါတ် (တစ်) အဓိကအကြောင်းရင်း --
(၁) ရခိုင်သားများ ယခု မြန်မာများရွီးသားလျှက်ဟိသော မြန်မာစာကို ရခိုင်စာဟု အထင်လွဲမှားနီခြင်းဖြစ်သည်။

ရခိုင်သားများ၏ဤမိစ္ဆာအမြင်လွှဲမှားမှုသည် ရခိုင်စာပီဆုတ်ယုတ်ပျက်စီးရခြင်း၊ ရခိုင်သားများ၏စိတ်ဓါတ်ရီးရာ ပျက်စီးရခြင်း၊ ရခိုင်လူမျိုးပျောက်ရခြင်း၏အဓိက အကြောင်းရင်းဖြစ်သည်။

ဤအချက်ကို ထောက်ပြချင်၍ (စာ) နှင့် (အက္ခရာ) ဆောင်းပါး၊ (မြန်မာမှုပြုမရသော ရခိုင်ကာရန်များ) ကို ဆောင်းပါးအဖြစ် ရွီးသားဖော်ပြခပြီးဖြစ်သည်။

ရခိုင်စာပီသမိုင်းကိုလေ့လာကြည့်လျှင် ပုံနှိပ်ပြီးသား (ရခိုင်မင်းသမီးဧခြင်း) (ဟံသာဝတီမှု)(ရမ်းဗြဲသရက်ချောင်းမူ) အားလုံးမြန်မာပိုင်ယှောင်ဖြစ်သည်။ ပဇာကြောင့်ဆိုသော် ပီမူရင်းကိုယ်၌က မြန်မာပိုင်ယှောင်ရွီးသားထားသောကြောင့်ဖြစ်သည်။ ဆရာကြီးဦးသာထွန်းက ရခိုင်မူ (မိပန်းရံမူ) ကို စစ်တွေကောလိပ်မဂ္ဂဇင်းတွင် (၂) ပိုဒ် ဖော်ပြပီးဖူးသည်။ ပဇာကြောင့် ဆရာကြီးဦးသာထွန်းဖော်ထုတ်ခသော (မိပန်းရံ) မူသည် အစစ်ဖြစ်ရသနည်း။ ဆရာကြီးဖော်ထုတ်ခသော (နှစ်) ပိုဒ်အနက် ပထမပိုဒ်သည် (ဟံသာဝတီမူ) ၌လည်းကောင်း (သရက်ချောင်းမူ) ၌လည်းကောင်း မပါဟိသောကြောင့် ဆရာကြီးဖော်ထုတ်ခသော (မိပန်းရံမူ)(ရခိုင်မူ) သည် လွန်စွာ ယုတ္တိဟိသည်။

ဆရာကြီးလက်ထဲတွင် ပီမူမဟိလိုက်ပါယာ။ လက်ရွီးမူရာကျန်ခပြီးဖြစ်သည်။ ၄င်းလက်ရွီးမူသည် ယခု ဆရာကြီး၏မြီးလက်ထဲတွင်ဟိသည်။ အကျွန်ုပ်က ရခိုင်မူကိုဖော်ထုတ်ချင်၍ လေ့လာဖတ်ရှုခွင့်ရရန် တောင်းပန်ပါသော်လည်း ကာယကံသျှင်က မျှဝီလိုသောစေတနာမဟိသဖြင့်၊ စာအုပ်ထုတ်ရန်ဟိသည်ဆိုသည့် အကြောင်းပြချက်ဖြင့် (ရခိုင်မင်းသမီးဧခြင်း)(ရခိုင်မူ) ကို အကျွန်ုပ် ဆရာကြီး၏စစ်တွေမဂ္ဂဇင်းတွင်ဖော်ပြပါဟိသော ရခိုင်မူ (နှစ်) မူကို ကိုးကားပြီး မျက်ကန်းလမ်းလျှောက်ဖော်ထုတ်ရပါသည်။ ထိုရခိုင်မူကို (http://www.arakanet.com) တွင် ပို့တင်ပီးထားပါသည်။

အဓိက ရည်ရွယ်ချက်မှာ ယခုလက်ဟိ မြန်မာများရွီးသားလျှက်ဟိသော မြန်မာစာကို ရခိုင်စာဟုအထင်ရောက်လျှက်ဟိသော အထင်မှားလျှက်ဟိသော သက္ကာယစွဲ မိစ္ဆာအယူစွဲလျှက်ဟိသော ရခိုင်သားများ သဖောပေါက်နားလည်စီရန်အတွက်ဖြစ်သည်။

သိန်ကန်မိန်တွင်ရတု (ရခိုင်မူ) ကို ဖော်ထုတ်ပြီးဖြစ်သည်။ (ပီမူရင်း) မှာ ရန်ကုန် အမျိုးသားစာကြည့်တိုက်၌ဟိသည်ဟုဆိုသည်။ (ပီမူရင်း) ကို ရဟိနိုင်ဖို့ လုံးပန်းလျှက်ဟိသည်။ နောက်တခုဖော်ထုတ်ရန်ဟိသည်မှာ ဥက္ကာပျံရတု (ရခိုင်မူရင်း) ကို ဖော်ထုတ်ရန်ဟိသည်။ ၄င်း ဥက္ကာပျံရတု (ပီမူ) ကို ထရိပူရက ရဟိထားပြီးဖြစ်သည်။ စာမျက်နှာ (၁၅) ပျောက်နီသဖြင့် ၄င်းစာမျက်နှာ ရဟိနိုင်ဖို့ လုံးပန်းနီပါသည်။ ဆရာကြီးစံရွှေဘုပုံနှိပ်ခသော ဥက္ကာပျံရတု (ပုံနှိပ်မူ) သည် (ကောင်းခင်) ဟူသော အသုံးအနှုံးတခုကလွဲ အားလုံးမြန်မာပိုင်ယှောင်ဖြစ်သည်။

ရခိုင်စာပီကို ဖော်ထုတ်သည်ဆိုသော ရခိုင်စာပီပညာသျှင်ကြီးများမှာ သတ်ပုံဖျက် (ပါရဂူ) ကြီးများသာဖြစ်သည်။ မြန်မာနှင့်မတူယောင် (မှာ) ကို (မာ) ဟု (ဟထိုး) ဖြုတ်လျှက် တယောက်က (သတ်ပုံဖျက်) လိုက်သည်။ ၄င်းကို (ဘုမသိ ဘမသိ) ရခိုင်ကျောင်းသုံးစာအုပ်ပြုစုရီးကော်မီတီက အတည်ပြုလက်ခံလိုက်သဖြင့် (မာ) အောင်ပွဲခံလျှက် ရခိုင်စာပီအဆင့်အတန်းမှာ ဒုတိယတန်းအဆင့်သို့ ထိုးဆင်းလားခရသည်။

ရခိုင်စာပီအယ်ဒီတာချုပ်တယောက်ကလည်း (မာ) ကို ပြောင်းသုံးလာသောအခါ ရခိုင်စာပီအနီအထားမှာ ပို၍ ဆိုးဝါးလားသည်။ ကံကောင်းသည်မှာ ရခိုင့်တပ်မတော်၏ဒုစစ်ဦးစီးချုပ်လည်ဖြစ် အယ်ဒီတာချုပ်လည်းဖြစ်သူ ဒေါက်တာညိုထွန်းအောင်က (မှာ) ကို လက်ခံသုံးစွဲလျှက် ရခိုင်စာပီအဆင့်အတန်းကို ထိမ်းသိမ်းထားခြင်းဖြစ်သည်။ ဒေါက်တာညိုထွန်းအောင်မှာ လက်ရုံးရည်ပါ နှလုံးရည်ပါ ပြည့်ဝသော ရခိုင်တော်လှန်ရီး စံပြရဲဖော်ကြီးတဦးဖြစ်သည်။ (AA) တော်လှန်ရီးအောင်မြင်ရခြင်းအဓိကအကြောင်းရင်းတချက်မှာ (ရခိုင်စာပီတော်လှန်ရီး) တနည်း (ရခိုင်သားစိတ်ဓါတ်စစ်ဆင်ရီး) အား လျစ်လျူမပြုခြင်း၊ လျစ်လျူမပြုရုံသာမက စာပီဂီတအားဖြင့် ဖော်ထုတ်ခြင်း၊ မြှင်တင်ပီးခြင်းများပြုလုပ်နိုင်သောကြောင့်ဖြစ်သည်။

ဂြာအိုကျများကဲ့သို့ မြန်မာစာကို ရခိုင်စာဟု အထင်ရောက်နီသော မိစ္ဆာအယူလွှဲမှားလျှက်ဟိသော သူများမဟုတ်။ စကားစပ်၍ပြောရလျှင် မြန်မာစာကို ရခိုင်စာဟု အထင်ရောက်လျက်ဟိသော နောက်တယောက်မှာ ဘင်္ဂလားဒေခ်ျက ဘိုးတော်ယောင်ယောင် ဗွေတော်ယောင်ယောင် ပုဂ္ဂိုလ်ကြီးတဦးဖြစ်သည်။ ဆရာကြီးတယောက် စတန့်ထွင်၍ မအောင်မြင်ခသော (န) ကို ကနိထက်ထိ သုံးစွဲလျှက်ဟိသည်။ နောက်အဆိုးရွားဆုံးမှာ ရခိုင်အနုပညာလောကမှ အထင်ကရပုဂ္ဂိုလ်တဦးက ကနိထက်ထိ (နဲ့) ကို သုံးစွဲလျက်ဟိသည်။ နောက်လိုက် အကောင်ချေ အကောင်မချေတိကလည်း ပြောမရဆိုမရ (နဲ့) ကို ခိုးယူသုံးစွဲလျှက်ဟိသည်။

ဤ (နဲ့) တလုံးတည်းကပင်လျှင် ရခိုင်သားများ၏စိတ်ဓါတ်အဆင့်အတန်း မည်သည်လောက် ဆိုးရွားနီရေလဲဆိုစွာကို ထင်ဟပ်ပေါ်လွင်လျှက်ဟိသည်။

(နဲ့) နှင့်ပါတ်သက်၍ (AMP) မှာ (နတ်မောင်) နှင့် အဓိက ရင်ဆိုင်တိုက်ပွဲဝင်ခရပါသည်။ (နဲ့) မသုံးသင့်ကြောင့်ဝေဖန်၍ စိတ်ဆိုးမာန်ပါသဖြင့် အကျွန်ုပ်အား ကဗျာဖြင့် ပြန်လည်တိုက်ခိုက်ပါသည်။ ၄င်းကဗျာအား (AMP) ကဗျာများတွင် သိမ်းဆည်းထားရာ မှတ်တမ်းအဖြစ် ဤနီရာတွင်ဖော်ပြပီးလိုက်ပါသည်။

အခွင့်အရေး
=======
ညက အိမ်မက်ကို
သင် ပြန်မက်ခွင့်ဟိပါ၏ --။

အနာဂါတ်၌ ပျံသန်းသူ ငါ့အား
တားဆီးပိုင်ခွင့် သင့်၌ မဟိ --။

ဝါဒမှိုင်းကပ်နီသော သင့်ခေါင်မိုးအား
အတ္တအရောင်သုတ်ခွင့် သင့်၌ ဟိ၏ --။

မြူမှုံကင်းသော ငါ့ပြတင်းပေါက်ကို
ကျင့်ဝတ်လိုက်ကာ လာချခွင့် သင့်၌မဟိ --။

အိုးတွင်ထွင်းထားသော သင့် ရှိရိုးပန်းသဏ္ဍန်၌
သင်နှစ်သက်ခွင့် ဟိ၏ --။

ကွဲပြားဆန်းသစ်သော ငါ့ဒီဇိုင်းများအား
ပြစ်တင်ပယ်ဖျက်ခွင့် သင့်၌မဟိ --။

ဆင်၏နှာမောင်းကို ကိုင်မိသော
သင့်အသိကို အမှန်တရားဟု မှတ်ယူနိုင်၏ --။

ခြီထောက်ကိုကိုင်မိသော ငါ့အား
မှားသည်ဟုယိုးစွပ်ခွင့် သင့်၌ မဟိ --။

(နတ်မောင်)

အခု (ကိုနတ်မောင်) နာမည် လုံးဝမကြားလိုက်ပါယာ။ တခြားကလောင်နာမည်ပြောင်းလားခစွာလည်းဖြစ်နိုင်သည်။

ရခိုင်စာပီကို စဦးအလျင်ဖော်ထုတ်သူမှာ ဆရာတော်စက္ကိန္ဒဆိုလျှင် မှားမည်မဟုတ်ပါ။ ဆရာတော်ဖော်ထုတ်ခသော ကျောင်းသုံးစာအုပ်ပါ “မောင်တော်တမ်း အလွမ်းပြေ” “ကျွဲကျောင်းသား” ကဗျာများသည် ရခိုင်စာပီအတွက် တန်ဖိုးမဖြတ်နိုင်သော ကဗျာများဖြစ်သည်။ (အလွမ်းပြေ) လား (အလွမ်းပြီ) လား ရခိုင်စာပီလောက၌ လက်ငြင်းကြုံတွိနီရသော (အီ) သရ လွန်ကျွန်မှုပြဿနာကို ဖြီယှင်းပီးထားသည်။ (မှာ) လား (မာ) လား (သတ်ပုံဖျက်) ပြဿနာကိုလည်း  ဖြီယှင်းပီးထားသည်။ မြန်မာကျောင်းသုံးစာအုပ်ပါ မူရင်းကဗျာများကို (Scan) ဆွဲ၍ မူရင်းအတိုင်းပြန်လည်ရဟိနိုင်ဖို့ မှာယူထားပါသည်။ လက်ထဲသို့ရောက်လာသောအခါ ပြန်လည်၍ ၀ီငှပီးပါမည်။

ဆရာတော်ရွီးရေ (စကားပြော) အရွီးအသား ရခိုင်ဝတ္ထုချေများကို တပုဒ်စ နှစ်ပုဒ်စ ရခိုင်မဂ္ဂဇင်းများတွင်ဖတ်ရသည်။ (စကားပြင်) အရွီးအသားဖြင့်ရွီးလျှင် မြန်မာပိုင်ယှောင်ရွီးသည်။ ယေဇူး ရခိုင်မှာ (စကားပြင်) အရွီးအသာမဟိလား မီးခွန်းတက်လာသည်။ ရခိုင်ပုံသီဝတ္ထုကို ရခိုင်ပိုင်ယှောင် (စကားပြင်)(စကားပြော) ဖြင့်ရွီးကေ ဇာဖြစ်တေလဲ။ ရခိုင်စာပီကို ဖော်ထုတ်စွာမဟုတ်လား။  မြန်မာစကား မြန်မာစာဖြင့်ရွီးလို့ ရခိုင်စာ တိုးတက်လာဖို့လား မီးခွန်းဖြစ်လာပါသည်။

(ဟိ) ကို ဖော်ထုတ်ခသော ဆရာကြီးမောင်စံဖော်ကို ကောင်းကောင်း ကျေးဇူးတင်ရပါမည်။ ဆရာကြီးမောင်စံဖော်၏စနစ်ကျသော (မှာ) အရွီးအသားကို မြန်မာနှင့် တူရေဆိုပြီးကေ တတိုင်သားက (ဟ) ထိုးဖြုတ်လျှက် ရခိုင်စာပီလောကသည်လည်း ဖောင်ပျက်ဝါးယှောင် ဘရုသုက္ခ ဗြန်းစိကာရ ဖြစ်ချင်တိုင်းဖြစ် ပျက်ချင်တိုင်းပျက်လျှက်ဟိသည်။ အဆိုးဆုံးမှာ တသက်လုံးစားရေကွမ်း သံဖရာတခြမ်း (ဧ့) အလုံးဖြစ်သည်။

ရခိုင်စာပီလောကတွင် အကျွန်ုပ်က (ဧ့) ဆရာကြီးကို ဘုရားတဆူ ဂူတလုံးအဖြစ် တသက်လုံးကိုးကွယ်လာခသူဖြစ်သည်။ (ဧ့) ပေါ်လာပြီးသည့်နောက်ပိုင်း (ဧ့) ဆရာကြီးအား ကြောခိုင်းလိုက်ရပါသည်။

(ဧ့) ဆရာချေတယောက် ဝေဖန်ထောက်ပြရေပိုင် ပျံလွန်လားခပြီးဖြစ်သော ရခိုင်ဝေါဟာရအဘိဓါန်ဆရာတော်မှာလည်း (ယှိ) အသုံးမပြုတ်နိုင်ခ။ ကွယ်လွန်လားပြီးသူများအား မဝေဖန်ကောင်းပါ။ ဆရာတော်ကြီး၏ရခိုင်ဝေါဟာရအဘိဓါန်မှာ ရခိုင်စာပီအတွက် တန်ဖိုးဖြတ်နိုင်မည်မဟုတ်ပါ။ သို့သော် လက်ထဲသို့ မရောက်လာသိမ့်သဖြင့် အမှားအမှန် မမြင်ရသိမ့်။ သို့သော် အဓိပ္ပါယ်ဖွင့်ဆိုချက်မှာ (မြန်မာ) ပိုင်ယှောင်ဖွင့်ပါသည်။ ရခိုင်အဘိဓါန်ကို ပဇာအတွက်ကြောင့် ရခိုင်ပိုင်ယှောင်မဖွင့်သနည်း။ စကားပြင်အရွီးအသား ရခိုင်စာပီမှာမဟိ၍လား (သို့မဟုတ်) ရခိုင်စကားပြင်အရွီးအသား မရွီးတတ်၍လား မီးခွန်းတက်လာပါသည်။

ဤနီရာ၌ ခေါက်ရိုးကျိုးနီပြီးဖြစ်သော အပ်ကြောင်းထပ်နီပြီးဖြစ်သော (မြန်မာ) များလည်းနားလည်ယောင်ဟူသော အကြောင်းပြချက်မှာ ယုတ္တိမဟိပါ။ ရခိုင်စကားပြင်အရွီးအသားတိုးတက်ဖို့ အီးယောအီးယောလုပ်နီ၍မရယာ၊ ရခိုင်စကားပြင် ဆောင်းပါးဝတ္ထုများရွီးသားကတ်ဖို့လိုအပ်လျှက်ဟိကြောင်း မီးမောင်းထိုးပြလျှက်ဟိသည်။

ဝေဖန်လို့ မာန်ပါကေလည်း မတတ်နိုင်ပါ။ ရခိုင်စာပီတိုးတက်လာရီး၊ သန့်စင်လာရီးအတွက် မဖြင်သင့် မဖြစ်ထိုက်သည်ကို ထောက်ပြဝေဖန်၍ ပြုပျင်လားကတ်ရမည်ဖြစ်သည်။

ယခုလောလောဆယ်တွင် (ဧ့) တလုံး ကောင်းကောင်း သောင်းကျန်းလျှက်ဟိသည်။ ရခိုင်စာသင်ရိုးကလည်းလက်မခံ၊ (AA) ကလည်းလက်မခံ၊ ရခိုင်စာပီယဉ်ကျေးမှုဂျာနယ်ကလည်းလက်မခံ၊ ပြည်တွင်းထုတ်ရခိုင်မဂ္ဂဇင်းများကလည်း လက်မခံ၊ မလေးသျှားသတ်ပုံဟုခေါ်ရမည်ဖြစ်သော ဤ (ဧ့) အလုံးကို (USA) ထုတ် မဂ္ဂဇင်းတခုက လက်ခံဖော်ပြပီးလိုက်သဖြင့် ယခုလောလောဆယ်တွင် အလွန်မြောက်ကြွသောင်းကျန်းလျှက်ဟိသည်။

သို့သော် ငါးမျက်စိကဲ့သို့ အမြစ်ပြုတ် အရင်းပြုတ်လျှင် အကင်းများလည်း အလိုအလျှောက် ကင်းပျောက်လားပါလိမ့်မည်။

(ရခိုင်ပေါင်းကူး သာလှဦး)
July 26, 2017 (Wednesday)(ဗုဒ္ဓူးနိ)

Thursday, July 13, 2017

ဝက်နှစ်ကောင်

ဝက်နှစ်ကောင်
==========

ဝက်နှစ်ကောင်ရောင်းလို့
အိမ်ကထွက်လို့လာ --။

မလေးသျှားမှာ
ညီညီလွင်ထိုးဖောက်
ရဖျူဂျီလျှောက်
သိန်းထီဆုကြီးပေါက်
အမေရိကားရောက် --။

လူမှုရီးလည်း မဟုတ်
စီးပွားရီးလည်း မလုပ်
ဘာသာရီးမှာ ဟိတ်ဟန်ထုတ်
နိုင်ငံရီးမှာ ခလိမ်ယှုတ် --။

ဗိုလ်ချုပ်မောင်မောင်
ဝက်နှစ်ကောင် --။

(အောင်သာလူ)

Monday, July 10, 2017

မင်းမဲ့တိုင်းပြည်


မင်းမဲ့တိုင်းပြည်
******************

လွန်ခရေ နှစ်လေးငါးဆယ်လောက်က
ရခိုင်ပြည် ခရမ်းသီးဇာတ်လောကမှာ
စွယ်စုံရ ဇာတ်မင်းသမီးတယောက်
လျှမ်းလျှမ်းတောက်နာမည်ကြီးခရေ --။

စာတလုံးလည်း ရွီးဖို့ဖတ်ဖို့မတတ်
ပါရမီအရ ဇနပုဒ်ရွာသူမချေတယောက်
ဇာတ်ကံကောင်းရေဘဝမှာ ရုပ်ရည်ကလည်း
ယင်းခေတ်က ဘိုင်စကုတ်မင်းသမီး
ကြည်ကြည်ဌေးနန့် နင်လားငါလား --။

အဆိုအငို အပြောအဟော
အော်ပရာ ပြဇာတ် တပါးသွား နှစ်ပါးသွား
နောက်ပိုင်း ဇာတ်ထုတ်အထိ်
တပင်တိုင်ခေါင်းဆောင်မင်းသမီး
ကျမကောက် ပျောက်မရှာ ရှာမတွိ --။

အရွယ်မရွီး လူကြိုက်များရေပိုင်
မင်းသမီး လင်ရွီများစွာလည်း
အရုပ်က လှလို့ --။

မင်းသား၊ ပတ်ဆရာ၊ နှဲသမား လူပျက်တိကိုထား
ကားဆွဲ၊ မောင်းထုမကျန်
မင်းသမီးနန့် မရဖူးလူမဟိ ---။

"ငါ မကြိုက်မှရာ တချက်
ငါ ကြိုက်လို့ကတော့
ဇာယောက်ျား ဇာလောက်တင်းတင်း
အမိဝမ်းတွင်း ဝင်ပြီးနိုင်မှ လွတ်ဖို့"

လောကကို ခါးစောင်းတင်ပနာ
မောင်းခတ်ထားရေ --။

အဖိုးသျှင်ရို့တနှစ်
ဇာတ်ပေါင်းထောင်ကတ်ခါ
ဇာတ်ရာသီပွဲခါနီး
မူစဲကမ်း ဇီးကိုင်းတောင်ဦး ဘုရားပွဲမှာ
အဖိုးသျှင် ကကောင်းဖျားလို့
ဇာတ်ချယ်ယာသျှင်တက်စား
သမက်အသစ်စက်စက် ပါပါကိုရာ
လွှတ်လိုက်တေ --။

နဂိုကပင် အနုပညာဝါသနာမပါ
တော်လှန်ရေး နိုင်ငံရေးသမားဆိုခါ
မိုးလင်းယံမှာ
မင်းသမီးက ခရမ်းသီးစကားနှင့်
“အမေလေး အဘလေး” ဆံပင်ကို ဖါးယားချ
မျက်ရည်ချောင်းစီး လွမ်းနီကတ်စွာ
ပါပါ လုံးဝမကြိုက် --။

ယောက္ခမကို မလွန်ဆန်နိုင်လို့
စီးပွါးရေး၊ ငွေရေးကြီးရေးလည်းဖြစ်နီခါ
အသိမ်းရာဆိုပြီးကေ လားခစွာ
တောင်ဦးပွဲရောက်တေမှာ
ဇာတ်ကံထရိုက်တာ
ဇာတ်ထောင်ဇာတ်ပိုင် ဇာတ်ဆရာတိ

"မောင်မောင် မင်းသမီးပျောက်ကေ လားယာ
နောက်ဆုံးပွဲသုံးရက် လွန်ဖို့က လိုရေ
ငြို့ဝါကြီးတရွီကို မှုန်မှုန်ချေပင် မမြင်
တချက်ထိန်းပီး အားကိုးရစီ"

ချက်ချင်းတာဝန်အပ်ကတ်တေ --။

တခုချေလည်း ရောလုံးယှက်တင် မလုပ်ချင်ဆိုခါမှ
ဇာတ်ကာကွယ်ရေးဦးစီးချုပ်တာဝန် တန်းခန့်ခံရ
ထားဖို့ဟိသိမ့်လာ
ပါပါက

"မင်းသမီး ဇာတ်မပြီးဘဲ ယီးတီးယားတားတချက်မလုပ်ကဲ့
ဇာတ်စင်အောက်က ဒါးကိုင်လို့
မိုးတလင်းစောင့်နီဖို့"

ဒါးကြိမ်းကြိမ်းထားရေ --။

ဇာတ်ပွဲကြည့်ဝါသနာမပါရေ ပါပါ
ညည့်ဦးကပင် မိုးတလင်း
မျက်တောင်တချက်မခတ် ကင်းစောင့်
နိခင်းလည်း မအိပ်
ကျလိုက်တေ ၀ဋ်ဒုက္ခ
နောက်ဆုံးည နှစ်ပါးသွားပြီးခါ
နောက်ပိုင်းဇာတ်ထုတ်ရာ ကျန်ယာလို့
စိတ်စကေချ မျှိုင်းပါလားစွာ
ရရောင်းသတ်ဆူကာလို့
နိုးပါလတ်တေ --။

ဇာတ်စင်ထက်မှာ
နောက်ပိုင်းဇာတ်ထုတ် "ပြည်တည်ခန်း"
ရာဇပလ္လင်နောက်ခံနန့် ဝန်ကြီးတိထွက်လို့
ပလ္လင်ထက်မှာ သျှင်ဘုရင်မဟိ --။

ဇာလေချင့် ကြည့်လည်းကြည့်
နားထောင်ကြည့်မှာ
ဝန်ကြီးတယောက်က

"မင်းကြီးများ
ငြို့မှာပြည်တည်ဖို့ သျှင်ဘုရင်မဟိလိုက်ယာ
မင်းသမီးနန့် ခိုးရွာလိုက်
ပါလားခယာ"

"ဘုရင်မဟိကေ ငြို့ဝန်ကြီးတိ အစာလုပ်ခန့်ရောင်
မင်းမဲ့တိုင်းပြည်
ချင်ဆီ ပျင်ချင်စွာပျင်
လုပ်ချင်စွာ လုပ်ဖိ"

နှစ်ပါးသွားကို ညွတ်ပါအောင် ကကတ်တေ --။

ဇာတ်စင်အောက်က ပွဲကြည့်ပရိဿတ်
ရရောင်းကြီးသတ်ပနာ
ကြံပိုင်းနန့် ဒုတ်ပိုင်း
ဇာတ်စင်ထက်ကို လက်ခဲနှက်
ပြိုရေ ပြိုရေ --။

ဝါရင့်ကားဆွဲဆရာက
ကုလားကာကို ပရုန်းနရုန်းချ
လက်လျင်လို့ ကံကောင်း --။

ယေနန့်
ဇာတ်ပွဲဆိုစွာ
မိုးကြဲကြဲလင်းလို့
(ဗုဒ္ဓံပူဇေမိ) ပြီးခါမှ ပွဲသိမ်း
ပတ်စာခွါ ဖျာသိမ်းရေလို့
ပုံသီ တရားသီ မှတ်ထားလို့မရ
ကားချလည်း အရေးကြီးရေ --။

ရခိုင်သား ခရမ်းသီးဇာတ်မှာ
ဇာတ်ထုတ်အစ ပြည်တည်ခန်းအဆုံး
သျှင်ဘုရင် ပျောက်လားခလို့
ကားဆွဲကားချဆရာတိ မကယ်ကေ
“မလွယ် မလွယ်” လူရို့လေ --။

ပံသုခင် (ရခိုင်ပြည်)
ဝါဆိုလဆုပ် (၁) ရက် (တလဂုင်္နီနိ)(၂၀၁၇)( အေးနုစိန်)
ဆရာမ ပံသုခင်၏ (မိုးလင်းယံက မင်းမဲ့ပြည်) ၀တ္ထုအား (ကဗျာဝတ္ထု) အဖြစ် ပြန်လည်ဆန်းသစ်ကြည့်ခြင်းဖြစ်သည်။ (သာလှဦး)

Sunday, May 3, 2015

သာလှဦး

သာလှဦး
=====

သာလှဦးဆိုသည်မှာ နာမည်နှင့်လိုက်အောင် သာလည်းသာ လှလည်းလှ ဦးလည်းဦးသူဖြစ်သည်။ သူသည် သူ့ကိုသူ ရခိုင်စာပီသုတေသီကြီးအဖြစ် အလှပလှ ဘ၀င်မြင့်လျှက်ဟိသည်။ ရခိုင်စာပီနှင့်ပါတ်သက်၍ ဆောင်းပါးများစွာ စာအုပ်များစွာ ရွီးသားထုတ်ဝီပြီးဖြစ်သဖြင့် ပရိသာတ်ထောက်ခံမှုအား အပြည့်အ၀ရဟိထားသူဖြင့်သဖြင့် မိမိကိုယ်ကို ကောင်းကောင်း ကြေနပ်အားရဖြစ်လျှက်ဟိသည်။ သို့သော် သူ၏စိတ်ထဲမှာ တခုခု ဘ၀င်မကျဖြစ်လျှက်ဟိသည်။ တခြားသော ရခိုင်စာပီပညာသျှင်များမှာက သတ်ပုံတယောက်တလုံးကျစီ ပိုင်ပိုင်နိုင်နိုင်ဖျက်ဆီးနိုင်လိုက်ပြီးဖြစ်သည်။ ဖျက်ဆီးဖို့ သတ်ပုံမကျန်လိုက်ပျာဖြစ်လို့ သူ့ခမျာ အကြံမရအကျပ်ရိုက်နီသည်။ တခါတရီ (ဤ) ကို (ကျွဲ) ပြောင်းကေကောင်းဖို့လား စဉ်းစားကြည့်သည်။ ပြောင်းခါနီးဆဲဆဲ နာမည်ကြီးစကားပုံကို လားပြောင်းခီကေ လူသိပြီးသား နာမည်မရ ကော်နှက်ခံရဖို့ ဆိုပျာ နောက်ဆုတ်လိုက်သည်။ (၏) လည်း မကျန်လိုက်ပျာ။ (မှာ) လည်း မကျန်လိုက်ပျာ။ ပြောင်းဖို့ကျန်ရေအလုံးက (ဤ) နှင့် (၍) (၌) အေသုံးလုံးရာကျန်ပျာ။ တခါတခါ (ဤ) ကို (ဣေ) ပြောင်းကြည့်ကေ ကောင်းဖို့လား စိတ်ကူးရသည်။ ဖြစ်တန်ခြေဟိသည်။ (၌) ကို (နှိုက်) လို့ ပြောင်းခီပြန်ကေလည်း အယင်ခေတ်က ခေတ်ဟောင်းစာပီတိမှာ ဟိခပြီးသား။ မသိနားမလည်ရေ အချေတိပါးမှာ မျက်နှာရကေလည်း စာပီဗဟုသုတ အနည်းအကျဉ်းဟိရေ လူတိပါးမှာ အဆဲကျဖို့ နောက်ဆုတ်လိုက်သည်။ (၍) ကို ကျခါ ငါးဂဏန်းကို ပွတ်တင်လိုက်ကေ (၅ိ) ဖြစ်တေ။ အရာတယောက်လည်း မလုပ်သိမ့်။ လူမလုပ်သိမ့်ရေ အလုပ်ကို လုပ်မှ ပါရဂူဖြစ်ဖို့ မဟုတ်ကေ နောက်လိုက်ကျည်း ရက်ပြတ်ဖြစ်နီဖို့။ ရခိုင်စာပီလောကမှာ သတ်ပုံမဖျက်ရ မချင်း ပါရဂူမဖြစ်နိုင်။ ထို့ကြောင့် သာလှဦးမှာ (၅ိ) သားသတ်ပုံကို စီမံကိန်းချလျှက်ဟိသည်။ (ဆက်ရန်)

သာလှဦး၏စာကြည့်ခန်းသည်ကား ဖုံတက်ကြပ်လိုက်လျှက်ဟိသည်။ ပင့်ခူအိမ်ကြက်လျှက် စာအုပ်အင်တန်များများမှာ ခြကိုက်စားလျှက်ဟိသည်။ သူ့သူငယ်ချင်းများက ဆရာကြီးစာကြည့်ခန်းက အဂယင့် ရှိဟောင်းသုတေသနပြတိုက်နှင့်တူရေဟုဆိုလျှင် သာလှဦးမှာ ဘ၀င်ခွေ့လျှက် ငါးသလောက်ပြုံး ပြုံးနီတတ်သည်။ သာလှဦးသည် အချေကပင် မျက်စိအားကောင်းသူဖြစ်သည်။ စာဇာလောက်ဖတ်ဖတ် မျက်စိမှုန်သည်မဟိ။ ယင်း မျက်စိကောင်းသည်ကိုပင် သူက စိတ်ပျက်လျှက်ဟိသည်။ သူ မျက်မှန်တပ်ချင်သည်။ မျက်မှန်တပ်မှ ပညာဟိနှင့်တူသည်။ ထို့ကြောင့် မျက်စိကောင်းသော်လည်း ပါဝါပါသည့်မျက်မှန်ကို စတပ်ကြည့်သည်။ အစပိုင်းတွင် တစိချေ အခက်အခဲဟိသည်။ သုံးမိနိလောက် တပ်ကြည့်သည်နှင့် ခေါင်းနည်းနည်းကိုက်လာသည်။ ကြာလာသောအခါ ကျင့်သားရလာသည်။ သို့ဖြင့် မျက်မှန်တပ်လျှက် လမ်းလျှောက်ကြည့်သည်။ မိမိ အခန်းထဲတွင် ခေါက်တုန့်ခေါက်ပြန်လမ်းလျှောက်ကြည့်သည်။ အဆင်ပြေသည်။ ထို့ကြောင့် ပါဝါမျက်မှန်ဝယ်ပြီး သုံးရက်မြောက်သောနိတွင် စပွဲထုတ်သည်။ စစ်တွေကောလိပ်သို့ စတက်သောနိလည်းဖြစ်သည်။ စာသင်ခန်းက ဒုတိယထပ်တွင်ဖြစ်နီသည်။ လှီကားထစ်ဖြင့်တက်ရသည်ကို အစတွင် စိုးရိမ်စိတ်ဟိသည်။ သတိထားပြီးတက်ကြည့်သောအခါ အားလုံးအဆင်ပြေသည်။ အထစ်အငေါ့မဟိ။ ကောလိပ်သည်ကား ဆယ်တန်းနှင့်မတူ။ ကျောင်းသားများမှာ အခန်းအတည်မဟိ။ ဘာသာရပ်လိုက် အခန်းပြောင်းပြောင်းသင်ရသည်။ နောက်တဘာသာမှာ အောက်ထပ်ဖြစ်နီသည်။ သာလှဦးကား စာသင်ခန်းတွင်လည်း ရှိဆုံးက ထိုင်ရမှ ကြေနပ်သည်။ ထို့ကြောင့် အယင်ထိုင်ခုံနီရာဦးဖို့ စာအုပ်ကို လက်ဆွဲလျှက် ကမန်းကတန်း ပြီးဆင်းပါလတ်သည်။ ပါဝါမျက်မှန်တပ်ထားသည်ကို သူက မိနီသည်။ အတက်တွင် အဆင်ပြေသော်လည်း အဆင်းတွင် ပါဝါမျက်မှန်ကြောင့် လှီကားထစ်ကို အနီးချေထင်၍ ချနင်းလိုက်သည်တွင် ခြီခေါက်လျှက် သာလှဦးမှာ သမံတလင်းကြမ်းပြင်တွင် ဒုန်းပေါက်ဆောက်၍ကျသည်။ ကံကောင်းထောက်မ၍ မျက်မှန်ကားမကွဲ။ လက်ခေါက်ကျသဖြင့် တစိချေနာလားသည်။ မမချေတိရှိမှာ အရှက်မရအောင် ဒယွားကိုဖုန်ခါလျှက် စာသင်ခန်းမထဲသို့ အယင်အယင် လှမ်းဝင်လိုက်သည်။ အစပိုင်းတွင် သွီးပူနီ၍ ခြီထောက်မနာ။ နောက် တဖြည်းဖြည်းကိုက်လာသည်။ စာသင်ခန်းထဲက ပြန်ထွက်သောအခါ ဣနြေ္ဒမပျက်အောင် မနည်းကြိုးစားအားထုတ်ပြီး မိမိ၏ဗိမာန် ဝေသာလီဆောင် အခန်းနံပါတ် (ရ) သို့ အယင်အရောက် လမ်းလျှောက်လာလတ်ရသည်။ တော်ပါသိမ့်ယင့်။ မျက်မှန်ကြောင့် လှီကားထစ်က လူးကျသည်ကို တယောက်ချေလည်း မရိပ်မိ။ (ဆက်ရန်)

သတ်ပုံတလုံးပြောင်းသည်မှာ အလွယ်ချေမဟုတ်။ ကျိုးကြောင်းဆီလျှော်မှု ယုတ္တိဟိဖို့လိုသည်။ ထို့ကြောင့် သူ့မှာ အကျိုးအကြောင်းကို လိုက်ရှာရသည်။ (၍) ဆိုသည်မှာ (ငါရို့) က ဆင်းသက်လာခြင်းဖြစ်သည်။ ရှိအယင်က (လည်းကောင်း) ကို (၄င်း) ဟူ၍ ဂဏန်းနှင့် အက္ခရာပေါင်းပြီးရွီးသားခကတ်သည်။ အခုလည်း (၅) ဂဏန်းနှင့် ပွတ်လုံးပေါင်းစပ်လိုက်ခြင်းသည် မူရင်းအဓိပ္ပါယ်နှင့် မူလအရွီးအသား (ငါရို့) ကို အနီးစပ်ဆုံးဖေါ်ဆောင်ခြင်းဖြစ်သည်။ မြန်မာနှင့် မတူကွဲပြားသည်။ သို့ဖြင့် များမကြာ သာလှဦးသည် သူတပည့်တယောက်၏ Facebook Account ကို အသုံးပြုလျှက် ပေါင်းကူးအိန်တာနတ်ထက်တွင် (၅ိ) သား သတ်ပုံကို စတင်မိတ်ဆက်ပီးလိုက်သည်။ တခဏနှင့်ချက်ချင်း တောမီးလောင်သကဲ့သို့ ကမ္ဘာတ၀ှမ်း ပျံ့နှံ့လားသည်။ ထောက်ခံမှု မဲအများဆုံးရဟိသည်မှာ မလေးသျှားနိုင်ငံရောက် ရခိုင်စာပီအုပ်စုဖြစ်သည်။ လက်ခုပ်လက်ဝါးဖြောက်ဖြောက်တီး၍ ကြိုဆိုလက်ခံကတ်သည်။ အမေရိကသို့ ရောက်ဟိနီသော သူများကလည်း လိုက်ရွီးကတ်သည်။ ဘင်္ဂလားသို့ ရခိုင်ပြည်သီးခြားလွတ်လပ်ရီးအတွက် ရောက်ဟိနီသူများကလည်း လက်ခံလာကတ်သည်။ တချို့မဂ္ဂဇင်းများတွင် ပုံနှိပ်စာလုံးအဖြစ်မိတ်ဆက်ပီးလာသောအခါ သာလှဦး၏(၅ိ) သား သတ်ပုံမှာ နောင်းနောင်းနင်းနင်း အောက်ခြီခိုင်လာသည်။ ဦးသန်းစိန်လက်ထက် ဒီမိုကရေစီရခါစ ရခိုင်သားများကို ရခိုင်စာပီသင်ကြားပိုင်ခွင့်ပီးလာသောအခါ မူလတန်းရခိုင်စာသင်ရိုးညွှန်းတမ်းတွင်ပါ ပါလာသောကြောင့် သာလှဦး၏ (၅ိ) သားသတ်ပုံ အတည်ဖြစ်လားလီပါသည်တည်း။ သာလှဦးမှာ မိမိရည်မှန်းချက် ပြီးပြည့်စုံလားပြီးဖြစ်သည်အတွက် ကောင်းကောင်းကြီးကြေနပ်အားရဖြစ်ကာ ရခိုင်စာပီလောက ထာဝရအနားယူလိုက်ပါသည်။ (ဆက်ရန်)

သို့သော် လူ့အလိုကို နတ်မလိုက်နိုင်ဆိုသောစကားအတိုင်း တခုပြည့်စုံလျှင် တခုလိုလာသည်။ သာလှဦးသည် တဘ၀လုံး စာအုပ်ပုံကြား၌ သူ့ဘ၀ကို မြှုပ်နှံခရသဖြင့် အစားဆင်းရဲ အ၀တ်ဆင်းရဲ အနီဆင်းရဲ နီခရသည်။ ထို့ကြောင့် မယားလည်း အသက်လေးဆယ်ကျော်မှ ရသည်။ မယားမရခင် သူ ရခိုင်သမတယောက်ရဖို့ Facebook ထက်တွင် အသဲအသန်လိုက်ရှာခပါသည်။ Facebook ထက်တွင် ရခိုင်သမအလှပချေတိကို တွိသည်။ ယေကေလည်း အားလုံးသူက မြန်မာစကားဖြင့်ရွီးနီကတ်သည်ကို ရခိုင်စာပီသမားပီပီ ဘ၀င်မကျ။ တခါတခါ မချေရခိုင်သမ မဟုတ်လား၊ ရခိုင်ပိုင် ရွီးပါပလင် ပြောပါပလင်ထောက်ပြခီကေ အများနားလည်အောင် မြန်မာပိုင်ရွီးရစွာပါဆိုပြီးကေ သာလှဦးကို Block လုပ်လိုက်ကတ်တေ။ ရခိုင်အခြင်းနှင့် ရွီးကတ်တေ မမချေတိကို တွိခီပြန်ကေလည်း အရုပ်ကမလှ အသက်ကကြီး သာလှဦးမှာ မျောက်သစ်ကိုင်းလက်လွတ်ဖြစ်ပြီးသနာ နောက်ဘိတ်ဆုံးမှာ ချင်းမနှင့်ရာ ယူဖို့ကျသည်။ (ဆက်ရန်)

သာလှဦးမှာ တဘ၀လုံးဆင်းရဲခရသဖြင့် ဘ၀၌လူရတတ်ကြီးဖြစ်ဖူးချင်ပါသည်။ ထို့ကြောင့် နိမအား ညအား အလုပ်နှစိခုလုပ်သည်။ မကြာခင် ဒေါ်လာမြောက်များစွာ စုဆောင်းရဟိလာသည်။ ထို့ကြောင့် ရန်ကုန်တွင် တိုက်ခန်း (၂) ခန်း စစ်တွေတွင် အိမ်တအိမ်၊ မြောက်ဦးတွင် ခြံနှစ်ခြံလှမ်းဝယ်လိုက်သည်။ သို့သော် သူ့အလိုကား မပြည့်စုံသိမ့်။ ၀မ်းမပူသိမ့်။ ၀မ်းမပူဘဲ ဇာပိုင် သူဌီးဖြစ်ဖို့လဲ။ ၀မ်းပူအောင် လေ့ကျင့်ရသည်။ ရီများများသောက်ပြီး လီမျာများလျှူရသည်။ အဆီပါသော ၀က်သားကို ညိတိုင်းချက်စားသည်။ မကြာခင် ၀မ်းဗိုက်ထွက်လာသည်။ သူငယ်ချင်းများက ယာ သာလှဦးမှာ မယားဝမ်းမပူဘဲ လင်ကရာ ၀မ်းပူလာရေကားဆိုလျှင် သာလှဦးက ကောင်းကောင်း ပျော်သည်။

ဦးသိန်းစိန်လက်ထက် လွတ်ငြိမ်းချင်းသာခွင့်ပီးသဖြင့် သာလှဦး ကိုယ့်တိုင်းပြည်ကို အဖမ်းအဆီးမဟိပြန်လာရသည်။ နိုင်ငံခြားပြန် ဒေါ်လာသူဌီးကြီးဖြစ်နီသဖြင့် သာလှဦးမှာ လားလီရာရာ မျက်နှာပန်းလှ စန်းပွင့်လှပါသည်။ လူတိုင်းလူတိုင်းက ထမင်းခေါ်ကျွေးဖိတ်ကြားခြင်းခံရသည်။ ရခိုင်စာပီဟောပြောပွဲတိုင်း မနားတမ်းလိုက်ဟောရသည်။ နားချိန်မဟိ။ သို့သော် သာလှဦးကား မပျော်။ သူ့မှာ နှလုံးရောဂါမဟိ။ သွီးတိုးရောဂါမဟိ။ နှလုံးရောဂါ သွီးတိုးရောဂါမဟိဘဲ မြန်မာပြည်မှာ ဇာပိုင် သူဌီးစာရင်းဝင်ဖို့လဲ။ သွီးတိုးရောဂါဖြစ်ဖို့ ညိတိုင်းဆားအများကြီးစားပီးရသည်။ သွီးတိုးဖြစ်မဖြစ် ဆီးခန်းညိတိုင်းလားစစ်သည်။ သူငယ်ချင်းဆရာဝန်က သူငယ်ချင်းမှာ သွီးတိုးမဟိ စာဖတ်များလို့ လိုင်ကြောတက်စွာရာပြောကေ လုံးဝသဘောမကျ။ တရက်နိ သူငယ်ချင်းဆရာဝန်က အမြင်ကပ်ကပ်နှင့် ဂိုးချေမှာ သွီးတိုးဟိနီယာ နှလုံးရောဂါလည်း ဟိနီယာမြှောက်ပြောလိုက်သောအခါ သာလှဦးမှာ ကောင်းကောင်းပျော်ပါသည်။

များမကြာ (၅ိ) သားဆရာကြီး သာလှဦးတယောက် မိမိမွီးရပ်ဇာတိ မြောက်ဦးမြို့တွင် မရဏနှင့်ဈာန်ကြွပါသည်။ လူအများက အထူးကြည်ညိုလေးစားခြင်းခံရသော ရခိုင်စာပီသုတေသီကြီးတဦးဖြစ်သဖြင့် ဆရာကြီးဦးသာထွန်းနှင့် တတန်းတည်းထားကာ သာလှဦး၏အရိုးပြာကို ဂူသပ်လျှက် သျှစ်သောင်းဘုရား၌ မြှုပ်နှံခြင်းခံရသည်။

သာလှဦး၏အရိုးပြာအုပ်ဂူ၌စာတမ်းထိုးထားသည်မှာကား

အမျိုးသီလ နှစ်ဌာနကို
ပြည့်ဝမဏ္ဍိုင် စောင့်စွမ်းနိုင်၅ိ (အသံထွက် (၅ိ) သား)
ရက္ခိုင်နာမ ဘွဲ့မည်လှဖြင့်
အနွတ္တသညာ ခေါ်အပ်စွာတည်း --။
ဟူ၅ိ (အသံထွက် (၅ိ) သား) ဖြစ်ပါလီသည်တည်း။

(ရခိုင်ပေါင်းကူး သာလှဦး)
မေလ (၃) ရက် ၂၀၁၅ ခု တလဂုင်္နီနိ မိုးထ (၄) ချက်တီး အချိန်တိတိတွင် ရွီးပြီးဆုံးပါသည်။

Saturday, May 2, 2015

အဖမြီ

အဖမြီ
===

( က )
အထင်ကရသမိုင်း
ဖျောက်ဖျက်မရရေ သမိုင်း
ဂန္တဝင် သမိုင်းများကို
ရင်ဖက်တိထဲမှာ
ကိုယ်စီကိုယ်ငှ
ထိုးထွင်းထားကတ်တေ --။

သမိုင်းဆိုရေ စကားလုံးတိစွာ
ရိုးအီနီကေလည်းသော့
သမိုင်းဆိုစွာ "ဇာတိမာန်"
ယင်းဇာတိမာန်ကို
သမိုင်းက မွီးပီးလိုက်တေ....။

( ခ )
မြီဖုံးခရေ မြို့ပြများ
ပြာဖုံးခရေ မြို့ပြများ
သွီးစွန်းခရေ မြို့ပြများ
ယင်းမြို့ပြတိစွာ
လူးလှိမ့်ပနာ လှုပ်လျှား
ဒါးသွီးရေ အသံတိ
ဘဝဂ်ညံဖို့ဒေ...။

( ဂ )
အစဉ်အလာကြီးမားခြင်း
ရွှီရောင်လွှမ်းရေ မြို့ပြများ၏
ယဉ်ကျေးမှု ပြယုဂ်တိစွာ
ငါရို့ နှလုံးသားထဲမှာ
ငါရို့ သွီးသားထဲမှာ
ခိုင်မာစွာ တည်ဟိ
ခြွီဖျက်မရရေ သမိုင်းခွန်းအား
ဒေမြီစွာ
ငါရို့ အဖမြီ --။

( ဃ )
ပြာဖြစ်လားရေ ရခိုင့်ရွှီနန်းတော်
ဒေမြီမှာ ပြန်ပနာ ကျရောက်ခ
ငါရို့ သွီးများစွာ
နှလုံးသွီးသားတိနန့် တသားတည်းဖြစ်
ယုံကြည်သူရို့
အသက်နန့် ထုဆစ်ခကတ်တေ
အတောက်ပဆုံး သမိုင်း
အခမ်းနားဆုံးသော သမိုင်းအဖြစ်
ရဲရင့်ရေ ရက္ခိတ သွီးတိနန့် ထုဆစ်ကတ်
ဖျောက်ဖျက်မရရေ သမိုင်းတွန်းအား
ဒေမြီစွာ
ငါရို့ အဖမြီ --။

( င )
တော်လှန်သူရို့၏
သွီးတိ
ချွေးတိ
ဘဝတိ
အသက်တိနန့် ထုဆစ်ကတ်ကေ
ရွှီရောင်နိသစ်တိစွာ
ဂန္တဝင်သစ်၏ အမှတ်တရ
ဂန္တဝင်သစ်၏ အထင်ကရ သမိုင်းဖြစ်ရဖို့ဒေ
မမိနိုင်ရေ သမိုင်းစွမ်းအား
ဒေမြီစွာ
ငါရို့ အဖမြီ...။

( စ )
ဒေမြီစွာ ရက္ခိတမြီ
အဖမြီ
ဘူမိ ရက္ခိတ ပုတ္တရမြီ
ဂန္တဝင်မြီ
ငါရို့မြီ
အို.......အဖမြီ ---။ ။

ခိုင်လင်း (မေဃ၀တီ)
10/6/2005

Saturday, April 11, 2015

စဉ်းစားလို့ တုန့်ပြန်ပါ

စဉ်းစားလို့ တုန့်ပြန်ပါ
==========

မောင်ကြီးသျှင် လာရေ လာရေ
ရီလောင်းကတ်ပါမည်
နှစ်သစ်ကူး သင်္ကြန်ပွဲမှာ
မရီးရို့နန့် အတူပြိုင်လို့
ရီလောင်းဖို့ လာရေ --။

ကျန်းခန့်သာ မာစီကြောင်းကို
တောင်းဆုမိတ္တာ ပို့ပါရေ
ဒေနှစ် သင်္ကြန်ပွဲမှာလေ
သူနိုင်ကိုယ်နိုင် ရှိဆိုင်လောင်းကတ်မည် --။

မင်္ဂလာအပေါင်းနန့် ပြည့်စီကြောင်း
ဆုမွန်တောင်းပျာယ် မိတ္တာဝီ
အခါသင်္ကြန် နှစ်သစ်ပြောင်းမှာ
လောင်းလိုက်မည် အတာရီ --။

မာစီသာစီ ကျမ္မာချမ်းသာ ဖီးကင်းကတ်စီ
ဌာနီဖြာဝီ စီးပွားဥစ္စာ တိုးပွားကတ်စီ
သူငါတူညီ စွမ်းဆောင်ကြိုးပန်းပါလီ
ပြည်ရခိုင်လေးဝတီ တပြည်းညီ ဖွံ့ဖြိုးတိုးတက်စီ --။

နှစ်ဆန်းစ မင်္ဂလာချိန်မှာ
ပိတောက်ရွှေဝါ ဖူးပွင့်ပါလို့
အတာရီသဘင် သင်္ကြန်ပွဲကို
ဆင်နွှဲနှစ်စိုင် မပျက်ပါ --။

ရခိုင်ဓလေ့ ရခိုင်ဘာသာ
ဖိုးဖီးစိုင်လာ ထူးလှပါယင့်
မြူးပျော်ရွှင် ရိုးရာပွဲမှာ
ယဉ်ကျေးမှုနှင့် ပြည့်ဝပါယင့်လေ --။

ရှိအဆက်ဆက် အစိုင်အလာ
ရခိုင့်ရိုးရာ ဟိခပါယင့်
နံသာရီစင် ၀ိုင်းပျာယ်သွီး
ဆိုတီးကခုန် မြူးကာ --။

ဘုရားတရား မြတ်သံဃာ
မိဘဆရာ ကန်တော့ပါယင့်
ကိုယ့်ရိုးရာ သင်္ကြန်ပွဲကို
အမြဲမပျက်အောင် ကျင့်ပပါယင့်လေ --။

အခါတော် တန်းခူးလ
သင်္ကြန်ကျလို့ မောင်ရို့ပျော်ရေ
ပိတောက်ခိုင်ညှာ ရွှေဝါဖူး
ဥသြကျူးလို့ မြူးပျော်ရွှင်ရေ --။

အတာရီ စုပျာယ်လောင်းရေ
မာစီသာစီ ဆုမွန်တောင်းရေ
မာပါစီ သာပါစီ
ကျန်းကန်းသာလို့ မာကတ်ပါစီ --။

မောင်ကြီးသျှင် ၀ိုင်းတော်သား
မိတ္တာထားလို့ ပြောကြားပါမည်
သင်္ကြန်ခါ ပြုံးရွှင်ပြီး
နှလုံးဘ၀င်အီးဖို့ တေးဖွဲ့ဆိုရေ --။

ပန်းပိတောက်ပိုင် မွှီးပါကတ်စီ
သင်္ကြန်ရီပိုင် အီးပါကတ်စီ --။

အယင်ခါ ရွှေထီးဆောင်း
ယင်းအကြောင်းကိုကျည်း မပြောစီချင်ပါ
အခုချိန်ခါ တိုင်းပြည်အကျိုး
ကြိုးစားလုပ်မှ တိုးတက်သာယာ --။

စကားကို လျှော့ပါလျော့ပါ
လုပ်အားကို တိုးပါတိုးပါ
ပြည်သာယာ ပြည်သာယာ
ဖြစ်လာစီဖို့ အနာဂါတ်နောင်ခါ --။

မရီးအလှ အသွင်ရူပါ
မောင်မောင့်ရင်မှာ စွဲမိပါယင့်
အတာရီစင် လောင်းနီတုန်း
ရွှင်ပြုံးအီးမြ အလှပို --။

မျက်လုံးက ရွှန်းစိုစို
မျက်နှာချိုချို အီးချမ်းသာလို့
ပန်းပိတောက်ပိုင် လှပုံဆန်း
စွဲလန်းလို့ ချစ်မိပါယင့်လေ --။

ချစ်ရဖို့ လူကိုရှာခါ
ငွေဖလားကိုင်ကာ ပြုံးပြနီယင့်
ထိုမှာမြင်ပျာယ် မဏ္ဍပ်ကြား
လောင်းအနားက မရီးချေ --။

 ငွေဖလားကြီးနန့် ရီကိုယူပျာယ်
မရီးပျိုဖြူ လောင်းလိုက်ပါဖိ
မူယာပျူငှာ ခြောက်ပြစ်ကင်း
ညမင်းအရုပ် မျက်နှာ --။

တွိရလို့ ဒေချိန်ဒေခါ
မောင်မောင့်ရင်မှာ ချမ်းမြေ့ပါယင့်
ခါတော်သင်္ကြန် ရက်မြတ်များ
လွန်လားလတ်မည် စိုးရေ --။

မဏ္ဍပ်တွင်းက လမင်းတရာ
ဝင်းဝါပြိုင်တူ ထွက်တေအလား
အသက်လျှူ ပင် မှားလောက်ပါယင့်
အသဲကြားမှာ စွဲထားချင်ယင့်လေ --။

ရီတဖလားလောက် လောင်းပါမည်
ချစ်တေဆိုရေ စကားကိုလည်း
နားလည်အောင် ပြောခပါယင့်
စဉ်းစားလို့ တုန့်ပြန်ပါဖိလေ  --။

(စစ်တွေ ညိုသန့်)

Thursday, April 2, 2015

ဆရာကြီးဦးသာထွန်းသို့ ဂုဏ်ပြုကဗျာ

ဆရာကြီးဦးသာထွန်းသို့ ဂုဏ်ပြုကဗျာ
============================

ရခိုင်လူမျိုး တိုးတက်ခကြောင်း
မီးမောင်းထိုးပြ လမ်းညွှန်ခရေ
အာဂသမိုင်းဆရာကြီး --။

ရခိုင်လူမျိုး တိုးတက်စီကြောင်း
မီးမောင်းထိုးပြ ဟောပြောခရေ
အာဂသမိုင်းဆရာကြီး --။

ဆရာကြီးရေ
ဒီမိုကရေစီ တန်းတူညီရေး
အရေးတော်အတွက် ရှိကတက်၍
ဆောင်ရွက်ကြိုးပန်းလီခရေ --။

ဆောင်ရွက်လီယင်း  ကြိုးပမ်းယင်းပင်
ထောာင်တွင်းစံရ ကွယ်လွန်ခဗျာယ်
စီးကျမျက်ရည် ဖြေမဆည်နိုင်
ရခိုင်သားရို့အားလုံးတည်း --။

ဆရာကြီးအား
ခြီဖျားဦးတိုက်  ရှိခိုးလိုက်၏
ဖြစ်ရာဘ၀ ဘ၀ဆက်ဆက်
အမျိုးတွက်ကို ဆောင်ရွက်ဦးဆောင်
အောင်မြင်ပါစီ သာကီမျိုးကောင်း
သူတော်ကောင်းကြီး ဆရာကြီးရေ
မ၀ီးနိဗ္ဗာန် စံဝင်နိုင်စီ
ဆုပန်ခြွီယင့် ဇီတင်ယင့် --။

(ဆရာကြီး၏အသုဘတွင် ဖြန့်ဝီခွင့်မရခသောကဗျာ)

ရခိုင်ရာမယနဇတ်

ရခိုင်ရာမယနဇတ်
========

ဗီဇကပင် ဇတ်ကဖို့ဝါသနာပါလို့
ပတ်သံကြားစွာနန့်
ရွစိစိဖြစ်ပါလတ်တေ --။

မယ်သီတာကို ဒသာဂီရိခိုးခန်း
ပတ်ကြမ်းကြမ်းနန့်
တခန်းနွှဲလိုက်ချင်ရေ --။

ဟာနုမန်မျောက်ကလည်း
လိမ္မာလိုက်တေနန့်
သိန်းခိုပြည်ကို မီးတိုက်လို့
အလောင်းတော်ရာမဖက်က
စစ်ကူတိုက်တေ --။

ဇတ်သိမ်းမှာ
အလောင်းတော်ရာမနန့် မယ်သီတာပေါင်းဖက်
ပရိဿတ်ကျမျက်ရည်
ဝမ်းသာကြည်နှုးဖြစ်ရရေ --။

ရခိုင်သားတိ မျန်မာစကား မပီကလာ ပီကလာနန့်
ကပြရေ ခရမ်းသီးဇတ်ကို
ရှိဆုံးက ဖျာခင်း
မိုးတလင်းကြည့်လည်း မညီး --။

ယေလည်း လက်တွိမှာ
မယ်သီတာကို ဒသာဂီရိ ခိုး
မုဒိမ်းလည်းကျင့် အသီသတ်
ခေါင်းလည်းဖြတ်ပစ်လိုက်တေ --။

အလောင်းတော်ရာမလည်း သူခိုးလိုက်စွာ
သူခိုးက အပြန်လိုက်လို့
ဒယွားမရ ထွက်ပြီးဖို့ကျရေ --။

ဟာနုမန်မျောက်ကလည်း
ရိက္ခာတိုက်ကို ၀င်ဖောက်လို့
ထမင်းငတ်ကေ
မြို့ထဲပြန်ဝင်လာရရေ --။

ညီတော်လက္ခဏလည်း
ကာလနဂါးဖြစ်လို့
ကောက်ရိုးပုံထက်မှာ အိပ်နီစွာ
မိုးကြိုးပစ်လို့ မနိုး --။

ပတ်သံ ဗုံသံ နှဲသံကြားကေ မနီနိုင်လို့
တချက် ထကကြည့်ခီမှာ
အလောင်းတော်ရာမနန့် ညီတော်လက္ခဏ
မျက်ရည်စက်လက်နန့်
(နောက်ဘိတ်ဆုံးမှာ)
မယ်သီတာအုပ်ဂူရှိမှာ
ပန်းခွီချဖို့ရာကျရေ --။ ။

(သာလှဦး) (April 2, 2015, (ကသစ်ဗုဒ္ဓိ) နိ။

Tuesday, March 31, 2015

ရခိုင်ထီးဆက်မင်းဆက်ဇယား

ရခိုင်ထီးဆက်မင်းဆက်ဇယား
================

ဒွါရာဝတီ[သံတွဲ]ခေတ်မင်းဆက်များ(သမိုင်းမတင်မီကာလ)
ဦးရေ။မင်းအမည်။နန်းတက်နှစ်။နန်းကျနှစ်။နန်းစံနှစ်။ မှတ်ချက်
(၁)၀ါသုဒေ၀မင်း(နန်းတက်နှစ်မပါ)(နန်းကျနှစ်မပါ)(နန်းစံနှစ်မပါ)ဘီစီ(၃၃၂၅)မတိုင်မီ။
(၁)ဗြဟ္မကာရာဇာမင်း(နန်းတက်နှစ်မပါ)(နန်းကျနှစ်မပါ)(နန်းစံနှစ်မပါ)
-ဘီစီ(၃၃၂၅)မတိုင်မီ။
(၅)ဗြဟ္မသုန္တရမင်း(နန်းတက်နှစ်မပါ)(နန်းကျနှစ်မပါ)(နန်းစံနှစ်မပါ)ဘီစ(ီ၃၃၂၅)မတိုင်မီ။
(၁၅)ဗြဟ္မသိန္ဒိမင်း(နန်းတက်နှစ်မပါ)(နန်းကျနှစ်မပါ)(နန်းစံနှစ်မပါ)ဘီစီ(၃၃၂၅)မတိုင်မီ။
(၁။)ဿရဘန်မင်း(နန်းတက်နှစ်မပါ)(နန်းကျနှစ်မပါ)(နန်းစံနှစ်မပါ)ဘီစ(ီ၃၃၂၅)မတိုင်မီ။

ဓည၀တီ[ပဋ္ဌမ]ခေတ်မင်းဆက်များ
ဦးရေ။မင်းအမည်။နန်းတက်နန်းကျနှစ်။နန်းစံနှစ်။ မှတ်ချက်
(၁)မာရယုမင်း(၃၃၂၅-၃၂၆၃)ထိ(၆၂)နှစ်-ဘီစီ(ခရစ်တော်မပေါ်မီကာလ)
(၂)မာရဇေတုမင်း(၃၂၆၃-၃၂၃၁)ထိ(၃၂)နှစ်(၁)၏သား
(၃)မာရအုံမင်း(၃၂၃၁-၃၁ရ၈)ထိ(၅၃)နှစ်(၂)၏သား
(၄)မာရရွယ်မင်း(၃၁ရ၈-၃၁၃၀)ထိ(၄၈)နှစ်(၃)၏သား
(၅)မာရတင်မင်း(၃၁၃၀-၃၀ရ၅)ထိ(၅၅)နှစ်(၄)၏်သား
(၆)မာရဇိန်မင်း(၃၀ရ၅-၃၀၄၂)ထိ(၃၃)နှစ်(၅)၏သား
(ရ)မာရတင်မင်း(၃၀၄၂-၃၀၂၀)ထိ(၂၂)နှစ်(၆)၏သား
(၁)ငဆက်အို(မျိုးခြား)(၃၀၂၀-၂၉၉၉)ထိ(၂၁)နှစ်(မျိုးခြားမင်း)
(၈)ဒေါလစန္ဒရားမင်း(၂၉၉၉-၂၉၅၉)ထိ(၄၀)နှစ်(ရ)၏သား
(၉)သောလစန္ဒရား(၂၉၅၉-၂၉၂၆)ထိ(၃၃)နှစ်(၈)၏သား
(၁၀)သူရိယစန္ဒရား(၂၉၂၆-၂၈၈၉)ထိ(၃ရ)နှစ်(၉)၏သား
(၁၁)ကာလစန္ဒရား(၂၈၈၉-၂၈၄၉)ထိ(၄၀)နှစ်(၁၀)၏သား
(၁၂)ကဉ္စန္ဒရား(၂၈၄၉-၂၈၁၈)ထိ(၃၁)နှစ်(၁၁)၏သား
(၁၃)မဓုစန္ဒရား(၂၈၁၈-၂ရ၉ရ)ထိ(၂၁)နှစ်(၁၂)၏သား
(၁၄)ဇေယျစန္ဒရား(၂ရ၉ရ-၂ရ၅ရ)ထိ(၄၀)နှစ်(၁၃)၏သား
(၁၅)မောက္ခစန္ဒရား(၂ရ၅ရ-၂ရ၃၁)ထိ(၂၆)နှစ်(၁၄)၏သား
(၁၆)ဂုနစန္ဒရား(၂ရ၃၁-၂ရ၁၉)ထိ(၁၂)နှစ်(၁၅)၏သား
(၃)မျိုးခြားအမတ်(၃)ဦး(၂ရ၁၉-၂ရ၁၈)ထိတစ်လသာစံရသည်။
(၁ရ)ကံရာဇာကြီး(၂ရ၁၈-၂၆ရရ)ထိ(၄၁)နှစ်(၁၆)၏သား
(၁၈)ကံရာဇာငယ်(၂၆ရရ-၂၆၄၁)ထိ(၃၆)နှစ်(၁ရ)၏သား
(၁၉)အိန္ဒသူရိယ(၂၆၄၁-၂၆၀၆)ထိ(၃၅)နှစ်(၁၈)၏သား
(၂၀)အသူရိန္ဒသူရိယ(၂၆၀၆-၂၅ရ၆)ထိ(၃၀)နှစ်(၁၉)၏သား
(၂၁)သာရမိတ္တ(၂၅ရ၆-၂၅၄၈)ထိ(၂၈)နှစ်(၂၀)၏သား
(၂၂)သူရိယမင်း(၂၅၄၈-၂၅၁၅)ထိ(၃၁)နှစ်(၂၁)၏သား
(၂၃)မင်းထီး(၂၅၁ရ-၂၄၉၅)ထိ(၂၂)နှစ်(၂၂)၏သား
(၂၄)မင်းပါ(၂၄၉၅-၂၄ရ၃)ထိ(၂၂)နှစ်(၂၃)၏သား
(၂၅)စည်ပေါင်သူ(၂၄ရ၃-၂၄၄၅)ထိ(၂၈)နှစ်(၂၄)၏သား
(၂၆)တံတိုင်းသင်(၂၄၄၅-၂၄၁၄)ထိ(၃၁)နှစ်(၂၅)၏ညီ
(၂ရ)ကျော်ခေါင်စည်(၂၄၁၄-၂၃၆၁)ထိ(၅၃)နှစ်(၂၆)၏သား
(၂၈)သူရိယစန္ဒမိတ္တ္ဋ(၂၃၆၁-၂၃၄၀)ထိ(၂၁)နှစ်(၂ရ)၏သား
(၂၉)အနန္ဒဘယ(၂၃၄၀-၂၃၁၀)ထိ(၃၀)နှစ်(၂၈)၏သား
(၃၀)လင်္ကျာစည်သူ(၂၃၀-၂၂၈၀)ထိ(၃၀)နှစ်(၂၉)၏သား
(၃၁)သီဟကုစ္ဆိ(၂၂၈၀-၂၂၃ရ)ထိ(၄၃)နှစ်(၃၀)၏သား
(၃၂)မင်းဘုန်းသန်(၂၂၃ရ-၂၂၀၆)ထိ(၃၁)နှစ်(၃၁)၏သား
(၃၃)သက္ကမွေး(၂၂၀၆-၂၁၅ရ)ထိ(၄၉)နှစ်(၃၂)၏သား
(၃၄)ဇေယျနန္ဒသူ(၂၁၅ရ-၂၁၀၅)ထိ(၅၂)နှစ်(၃၃)၏သား
(၃၅)တက္ကသူ(၂၁၀၅-၂၀၅၉)ထိ(၄၆)နှစ်(၃၄)၏သား
(၃၆)လက္ခဏ(၂၀၅၉-၂၀၂၂)ထိ(၃ရ)နှစ်(၃၅)၏သား
(၃ရ)ဂုဏရာဇ်(၂၀၂၂-၁၉၈၀)ထိ(၄၂)နှစ်(၃၆)၏သား
(၃၈)သီဝရာဇ်(၁၉၈၀-၁၉၃၉)ထိ(၄၁)နှစ်(၃ရ)၏သား
(၃၉)မင်းလှမွှေး(၁၉၃၉-၁၉၁၈)ထိ(၂၁)နှစ်(၃၈)၏သား
(၄၀)ပူရိန္ဒ(၁၉၁၈-၁၈၅၈)ထိ(၆၀)နှစ်(၃၉)၏သား
(၄၁)မင်းသိဒ္ဒက်(၁၈၅၈-၁၈၃၆)ထိ(၂၂)နှစ်(၄၀)၏သား
(၄၂)မင်းလှကြီး(၁၈၃၆-၁ရ၈၉)ထိ(၄ရ)နှစ်(၄၁)၏သား
(၄၃)ထွေးလုပ်ကြီး(၁ရ၈၉-၁ရ၆၅)ထိ(၂၄)နှစ်(၄၂)၏သား
(၄၄)စေရာဇ်(၁ရ၆၅-၁ရ၂ရ)ထိ(၃၈)နှစ်(၄၃)၏သား
(၄၅)ချက်နှာဝန်း(၁ရ၂ရ-၁ရ၀၃)ထိ(၂၄)နှစ်(၄၄)၏သား
(၄၆)လက်ရုံးကြီး(၁ရ၀၃-၁၆ရ၆)ထိ(၂ရ)နှစ်(၄၅)၏သား
(၄ရ)သီရိကမ္မ္မသုန္ဒုရ(၁၆ရ၆-၁၆၄၆)ထိ(၃၀)နှစ်(၄၆)၏သား
(၄၈)နန္ဒကောဘယ(၁၆၄၆-၁၆၁၉)ထိ(၂ရ)နှစ်(၄ရ)၏သား
(၄၉)မင်းနံဖြူ(၁၆၁၉-၁၅၉၉)ထိ(၂၀)နှစ်(၄၈)၏သား
(၅၀)မင်းနံလှ(၁၅၉၉-၁၅ရ၁)ထိ(၂၈)နှစ်(၄၉)၏သား
(၅၁)မင်းခေါင်ငယ်(၁၅ရ၁-၁၅၅၁)ထိ(၂၀)နှစ်(၅၀)၏သား
(၅၂)လောက်ခေါင်ရာဇာ(၁၅၅၁-၁၅၃၆)ထိ(၁၅)နှစ်(၅၁)၏သား
(၅၃)မင်းသီဟ(၁၅၃၆-၁၅၁၅)ထိ(၂၁)နှစ်(၅၂)၏သား
(၅၄)မင်းငယ်ပျော်လှစည်သူ(၁၅၁၅-၁၅၀၈)ထိ(ရ)နှစ်(၅၃)၏သား
(၃)မျိုးခြားအမတ်(၃)ဦး(၁၅၀၈-၁၅၀ရ)ထိ(၁)လတစ်ဦးစီလပိုင်းစံရသည်။

ဓည၀တီ[ဒုတိယ]ခေတ်မင်းဆက်များ
ဦးရေ။မင်းအမည်။နန်းတက်နန်းကျနှစ်။နန်းစံနှစ်။မှတ်ချက်။
(၁)ကမ္မရာဇာ(ကံရာဇာကြီး)(၁၅၀ရ-၁၄ရ၀)ထိ(၃ရ)နှစ်။အချို့ကကံရာဇာကြီးဟုခေါ်သည်။
(၂)သီလရာဇာ(၁၄ရ၀-၁၄၂၉)ထိ(၄၁)နှစ်(၁)၏သား
(၃)၀ါသုရ(၁၄၂၉-၁၃၉၈)ထိ(၃၁)နှစ်(၂)၏သား
(၄)နန္ဒသူရိယ(၁၃၉၈-၁၃၅၈)ထိ(၄၀)နှစ်(၃)၏သား
(၅)သူရိယနန္ဒ(၁၃၅၈-၁၃၂၆)ထိ(၃၂)နှစ်(၄)၏သား
(၆)သူရနန္ဒ(၁၃၂၆-၁၃၁၃)ထိ(၂၃)နှစ်(၅)၏သား
(ရ)စန္ဒမာဂု(၁၃၁၃-၁၂ရ၁)ထိ(၃၂)နှစ်(၆)၏သား
(၈)သီရိစန္ဒာ(၁၂ရ၁-၁၂၃၁)ထိ(၄၀)နှစ်(ရ)၏သား
(၉)သီဟရာဇာ(၁၂၃၁-၁၁၈၅)ထိ(၄၆)နှစ်(၈)၏သား
(၁၀)သီဟယနု(၁၁၈၅-၁၁၆၅)ထိ(၂၀)နှစ်(၉)၏သား
(၁၁)ပယာက(၁၁၆၅-၁၁၃၄)ထိ(၃၁)နှစ်(၁၀)၏သား
(၁၂)နီလဂုဏ်(၁၁၃၄-၁၀၉၃)ထိ(၄၁)နှစ်(၁၁)၏သား
(၁၃)ရောဟဂုဏ်(၁၀၉၃-၁၀၆၃)ထိ(၃၀)နှစ်(၁၂)၏သား
(၁၄)သီရိဂုဏ်(၁၀၆၃-၁၀၉၃)ထိ(၂၄)နှစ်(၁၃)၏သား
(၁၅)သမံဇာ(၁၀၃၉-၁၀၀၄)ထိ(၃၅)နှစ်(၁၄)၏တူ
(၁၆)သုဝဏ္ဍကုမ္မာ(၁၀၀၄-၉၈၄)ထိ(၂၀)နှစ်(၁၅)၏သား
(၁ရ)သက်တင်ဖြူ(၉၈၄-၉၄၄)ထိ(၄၀)နှစ်(၁၆)၏သား
(၁၈)သက်တင်ဦး(၉၄၄-၉၀၂)ထိ(၄၂)နှစ်(၁ရ)၏သား
(၁၉)ဇေတ၀န်(၉၀၂-၈၆၆)ထိ(၃၆)နှစ်(၁၈)၏သား
(၂၀)မုဉ္စိယ(၈၆၆-၈၃၉)ထိ(၂ရ)နှစ်(၁၉)၏သား
(၂၁)ကုမ္မရာဝိသုက(၈၃၉-ရ၆၂)ထိ(ရရ)နှစ်(၂၀)၏သား
(၂၂)၀ါသုမဏ္ဍလ(ရ၆၂-ရ၂၈)ထိ(၃၄)နှစ်(၂၁)၏သား
(၂၃)ပုရိန္ဒ(ရ၂၈-၆၉ရ)ထိ(၃၁)နှစ်(၂၂)၏သား
(၂၄)ရာလာမာယု(၆၉ရ-၆ရ၅)ထိ(၂၂)နှစ်(၂၃)၏သား
(၂၅)နာလမာယု(၆ရ၅-၆၄၄)ထိ(၃၁)နှစ်(၂၄)၏သား
(၂၆)၀ရတကုနိ(၆၄၄-၆၂၂)ထိ(၂၂)နှစ်(၂၅)၏သား
(၂ရ)၀ိသုရာဇာ(၆၂၂-၆၁၀ထိ(၁၂)နှစ်(၂၆)၏သား
(၂၈)သီရိရာဇာ(၆၁၀-၅၈၀)ထိ(၃၀)နှစ်(၂ရ)၏သား

ဓည၀တီ[တတိယ]ခေတ်မင်းဆက်များ
ဦးရေ။မင်းအမည်။နန်းတက်နန်းကျနှစ်။နန်းစံနှစ်။မှတ်ချက်။
(၁)စန္ဒသူရိယမင်း(၅၈၀-၅၂ရ)ထိ(၅၃)နှစ်။သီရိရာဇာ၏သား
(၂)သူရိယာဓိပတိ(၅၂ရ-၄၈၀)ထိ(၄ရ)နှစ်(၁)၏သား
(၃)သူရိယာပတိပါတ်(၄၈၀-၄၂၄)ထိ(၅၆)နှစ်(၂)၏သား
(၄)သူရိယရုပ(၄၂၄-၃ရ၉)ထိ(၄၅)နှစ်(၃)၏သား
(၅)သူရိယစန္ဒာလ(၃ရ၉-၃၁၅)ထိ(၆၄)နှစ်(၄)၏သား
(၆)သူရိယစက္က(၃၁၅-၂ရ၁)ထိ(၄၄)နှစ်(၅)၏သား
(ရ)သူရိယနထ(၂ရ၁-၂၉၉)ထိ(၄၂)နှစ်(၆)၏သား
(၈)သူရိယ၀ံသ(၂၉၉-၁၈၉)ထိ(၄၀)နှစ်(ရ)၏သား
(၉)သူရိယဗန္ဒ(၁၈၉-၁၆၃)ထိ(၂၆)နှစ်(၈)၏သား
(၁၀)သူရိယကလျာကာ(၁၆၃-၁၂၅)ထိ(၃၈)နှစ်(၉)၏သား
(၁၁)သူရိယမုခ(၁၂၆-၉၅)ထိ(၃၀)နှစ်(၁၀)၏သား
(၁၂)သူရိယတေဇ(၉၅-၄၅)ထိ(၅၀)နှစ်(၁၁)၏သား
(၁၃)သူရိယပုည(၄၅-၁၀)ထိ(၃၅)နှစ်(၁၂)၏သား
(၁၄)သူရိယကုလ(ဘီစီ၁၀မှအေဒီ၂၆)ထိ(၃၆)နှစ်(၁၃)၏သား(ခရစ်တော်ပေါ်ပြီးကာလ)
(၁၅)သူရိယပဘာ(၂၆-၈၀)ထိ(၅၄)နှစ်(၁၄)၏သား
(၁၆)သူရိယစိတ္တရ(၈၀-၁၁၆)ထိ(၃၆)နှစ်(၁၅)၏သား
(၁ရ)သူရိယဇေဌ(၁၁၆-၁၃၈)ထိ(၂၂)နှစ်(၁၆)၏သား
(၁၈)သူရိယ၀ိမလ(၁၃၈-၁၅၆)ထိ(၁၈)နှစ်(၁ရ)၏သား
(၁၉)သူရိယယေနု(၁၅၆-၁ရ၈)ထိ(၂၂)နှစ်(၁၈)၏သား
(၂၀)သူရိယကံသ(၁ရ၈-၁၉၄)ထိ(၁၆)နှစ်(၁၉)၏သား
(၂၁)သူရိယသကျ(၁၉၄-၂၀၂)ထိ(၈)နှစ်(၂၀)၏ဘထွီး
(၂၂)သူရိယသီရိ(၂၀၂-၂၂၂)ထိ(၂၀)နှစ်(၂၁)၏သား
(၂၃)သူရိယကေသီ(၂၂၂-၂၄၁)ထိ(၂၁)နှစ်(၂၂)၏သား
(၂၄)သူရိယကုမ္မာ(၂၄၁-၂ရ၃)ထိ(၃၂)နှစ်(၂၃)၏သား
(၂၅)သူရိယကေတု(၂ရ၁-၃၂ရ)ထိ(၅၆)နှစ်(၂၄)၏သား

ဝေသာလီ[ကျောက်လှေကား]ခေတ်နှင့်စမ္မ၀က်ခေတ်မင်းဆက်များ
ဦးရေ။မင်းအမည်။နန်းတက်နန်းကျနှစ်။နန်းစံနှစ်။မှတ်ချက်
(၁)မဟာစန္ဒြ္ဒ္ဒ္ဒ္ဒ္ဒား(၃၂ရ-၃၈၄)ထိ(၅ရ)နှစ်။သူရိယကေတု၏သား
(၂)သူရိယစန္ဒြား(၃၈၄-၄၃၃)ထိ(၄၉)နှစ်(၁)၏သား
(၃)မောလစန္ဒြား(၄၃၃-၄၈၁)ထိ(၄၈)နှစ်(၂)၏သား
(၄)ပေါလစန္ဒြား(၄၈၁-၅၂ရ)ထိ(၄၆)နှစ်(၃)၏သား
(၅)ကာလစန္ဒြား(၅၂ရ-၅ရ၆)ထိ(၄၉)နှစ်(၄)၏သား
(၆)ထူလစန္ဒြား(၅ရ၆-၅၉၅)ထိ(၁၉)နှစ်(၅)၏သား
(ရ)သီရိစန္ဒြား(၅၉၅-၆၆ရ)ထိ(ရ၂)နှစ်(၆)၏သား
(၈)သင်္ဂစန္ဒြား(၆၆ရ-ရ၃၃)ထိ(၆၆)နှစ်(ရ)၏သား
(၉)စူဠစန္ဒြား(ရ၃၃-ရ၆၉)ထိ(၃၆)နှစ်(၈)၏သား
(၁)အမြတူ(မြို)(ရ၆၉-ရရ၆)ထိ(ရ)နှစ်(မျိုးခြားမင်း)
(၂)ပဲဖြူ(ရရ၆-ရ၉၃)ထိ(၁ရ)နှစ်(အမြတူ၏ညီသား)
-မင်းမဲ့ကာလ(ရ၉၃-၇၉၄)ထိ(၁)နှစ်(မင်းမရှိသောကာလ)
(၁၀)ငတုံမင်း(ရ၉၄-၈၁၈)ထိ(၂၄)နှစ်(စူဠစန္ဒြား၏သား)

ပဉ္စာခေတ်မင်းဆက်များ
ဦးရေ။မင်းအမည်။နန်းတက်နန်းကျနှစ်။နန်းစံနှစ်။မှတ်ချက်
(၁)ခေတ္တသင်(၈၁၈-၈၂၈အေဒီ)ထိ(၁၀)နှစ်(စူဠစန္ဒြရားတူစန္ဒကူး၏သား)
(၂)စန္ဒသင်(၈၂၈-၈၄၃)ထိ(၁၅)နှစ်(ခေတ္တသင်၏ညီ)
(၃)မင်းသင်ဖြူ(၈၄၃-၈ရ၃)ထိ(၃၀)နှစ်(၁)၏သား
(၄)နာဂသူရိယ(၈ရ၃-၉၀၄)ထိ(၃၂)နှစ်(၂)၏သား
(၅)ပုဏ္ဍက(၉၃၆-၉၆၉)ထိ(၃၃)နှစ်(၄)၏သား
(၆)မင်းကြီးဖြူ(၉၆၉-၉၈၄)ထိ(၁၅)နှစ်(၅)၏သား
(၁)စည်သဘင်(၉၈၄-၉၈၆)ထိ(၂)မျိုးခြားမင်း
(ရ)မင်းနု(၉၈၆-၁၀၁၄)ထိ(၂၈)နှစ်(မင်းကြီးဖြူ၏သား)
(၈)မင်းလာတော်(၁၀၁၄-၁၀၃၄)ထိ(၂၀)နှစ်(ရ)၏သား
(၉)မင်းကုလား(၁၀၃၄-၁၀၆၂)ထိ(၂၈)နှစ်(၈)၏သား
(၁၀)မင်းဘီလူး(၁၀၆၂-၁၀၆၈)ထိ(၆)နှစ်(၉)၏သား
(၁)၀ရောင်းငှက်အသင်္ခယာ(၁၀၆၈-၁၀ရ၆)ထိ(၈)နှစ်(ကြားမင်း)
(၂)မင်းဘုန်းသန်(၁၀ရ၆-၁၀၉၀)ထိ(၁၄)နှစ်(အသင်္ခယာ၏သား)
(၃)မင်းမတ်(၁၀၉၀-၁၁၀၃)ထိ(၁၃)နှစ်(မင်းဘုန်းသန်၏သား)

ပရိန်[ပဋ္ဌမ]ခေတ်မင်းဆက်များ
ဦးရေ။မင်းအမည်။နန်းတက်နန်းကျနှစ်။နန်းစံနှစ်။မှတ်ချက်
(၁)လင်္ကျာမင်းနန်(၁၁၀၃-၁၁၀၉)ထိ(၆)နှစ်(မင်းဘီလူး၏မြီး)
(၂)မင်းသီဟ(၁၁၀၉-၁၁၁၀)ထိ(၁)နှစ်(၁)၏သား
(၃)ရာဇာကြီး(၁၁၁၀-၁၁၁၃)ထိ(၃)နှစ်(၂)၏သား
(၄)သကျဝင်ကြီး(၁၁၁၃-၁၁၁၅)ထိ(၂)နှစ်(၃)၏သား
(၅)သကျဝင်ငယ်(၁၁၁၅-၁၁၁၈)ထိ(၃)နှစ်(၄)၏သား
(၆)ကောလိယ(၁၁၁၈-၁၁၂၃)ထိ(၅)နှစ်(၅)၏သား

ပရိန်[ဒုတိယ]ခေတ်မင်းဆက်များ
့ဦးရေ။မင်းအမည်။နန်းတက်နန်းကျနှစ်။နန်းစံနှစ်။မှတ်ချက်
(၁)ဒဿရာဇာ(၁၁၂၃-၁၁၃၉)ထိ(၁၆)နှစ်(ကောလိယ၏သား)
(၂)အနန္ဒသီရိ(၁၁၃၉-၁၁၄၂)ထိ(၃)နှစ်(၁)၏သား
(၃)မင်းဖုန်းစား(၁၁၄၂-၁၁၄၉)ထိ(ရ)နှစ်(အနန္ဒသီရိ၏ညီ)
(၄)ပဉ္စဏလ၀တ်(၁၁၄၉-၁၁၅၁)ထိ(၂)နှစ်(၃)၏သား
(၅)ဓနရူပေါ(၁၁၅၁-၁၁၆၀)(၉)နှစ်(၄)၏သား
(၆)စလင်ကာဗိုလ်အမတ်(၁၁၆၀-၁၁၆၁)ထိ(၁)နှစ်(၅)၏သား
(ရ)မဉ္စူသင်(၁၁၆၁-၁၁၆၁)ထိ(၅)နှစ်(ဓနရူပေါ၏သား)
(၈)ငရံမံ(၁၁၆၆-၁၁၆၈)ထိ(၂)နှစ်(ရ)၏သား
(၉)မင်းပုဂံ(၁၁၆၈-၁၁ရ၀)ထိ(၂)နှစ်(၈)၏သား
(၁၀)ငရက္ခိုင်(၁၁ရ၀-၁၁ရ၃)ထိ(၃)နှစ်(၉)၏သား
(၁၁)မင်းကြုံ(၁၁ရ၃-၁၁၈၅)ထိ(၁၂)နှစ်(၁၀)၏သား
(၁၂)မင်းဆူ(၁၁၈၅-၁၁၉၀)ထိ(၅)နှစ်(၁၁)၏သား
(၁၃)ရွှေသင်(၁၁၉၀-၁၁၉၃)ထိ(၃)နှစ်(၁၂)၏သား
(၁၄)မင်းခေါင်ကြီး(၁၁၉၃-၁၂၀၄)ထိ(၆)နှစ်(၁၃)၏သား
(၁၅)မင်းခေါင်ငယ်(၁၁၉၉-၁၂၀၄)ထိ(၅)နှစ်(၁၄)၏သား
(၁၆)ကမ္ဘာလောင်ကြီး(၁၂၀၄-၁၂၁၀)ထိ(၆)နှစ်(၁၅)၏သား
(၁ရ)ကမ္ဘာလောင်ငယ်(၁၂၁၀-၁၂၂၀)ထိ(၁၀)နှစ်(၁၆)၏သား
(၁၈)သကျဝင်ကြီး(၁၁၂၀-၁၂၂၂)ထိ(၂)(၁ရ)၏သား
(၁၉)သကျဝင်ငယ်(၁၂၂၂-၁၂၃၂)ထိ(၁၀)နှစ်(၁၈)၏သား
(၂၀)သနပင်ဖြူ(၁၂၃၂-၁၂၃၅)ထိ(၃)နှစ်(၁၉)၏သား
(၂၁)နယ်သိမ်း(၁၂၃၅-၁၂၄၆)ထိ(၁၁)နှစ်(၂၀)၏သား
(၂၂)ငနလုံး(၁၂၄၆-၁၂၅၀)ထိ(၄)နှစ်(၂၁)၏သား

လောင်းကြက်ခေတ်မင်းဆက်များ
ဦးရေ။မင်းအမည်။နန်းတက်နန်းကျနှစ်။နန်းစံနှစ်။မှတ်ချက်
(၁)လောမာဖြူ(၁၂၅၀-၁၂၅၆)ထိ(၆)နှစ်(ငနလုံး၏သား)
(၂)ရာဇာသူကြီး(၁၂၅၆-၁၂၅၈)ထိ(၂)နှစ်(၁)၏သား
(၃)စောလူး(၁၂၅၈-၁၂၆၁)(၃)နှစ်(၂)၏သား
(၄)ဥစ္စနာကြီး(၁၂၆၁-၁၂၆၉)ထိ(၈)နှစ်(၃)၏သား
(၅)စောမွန်ကြီး(၁၂၆၉-၁၂ရ၃)ထိ(၄)နှစ်(၄)၏သား
(၆)နန်းကျကြီး(၁၂ရ၃-၁၂ရရ)ထိ(၄)နှစ်(၅)၏သား
(ရ)မင်းဘီလူး(၁၂ရရ-၁၂၈၁)ထိ(၄)နှစ်(၆)၏သား
(၈)စည်သဘင်အမတ်ကြီး(၁၂၈၁-၁၂၈၃)ထိ(၂)နှစ်
(၉)မင်းထီး(၁၂၈၃-၁၃၈၉)ထိ(၁၀၆)နှစ်(မင်းဘီလူး၏သား)
(၁၀)ဥစ္စနာငယ်(၁၃၈၉-၁၃၉၁)ထိ(၂)နှစ်(၉)၏သား
(၁၁)သီဝရာဇ်(၁၃၉၁-၁၃၉၂)ထိ(၁)နှစ်(၁၀)၏ညီ
(၁၂)နန်းကျငယ်(၁၃၉၂-၁၃၉၄)ထိ(၂)နှစ်(၁၁)၏ညီ
(၁၃)ရာဇသူ(၁၃၉၄-၁၃၉၆)ထိ(၂)နှစ်(၁၂)၏သား
(၁၄)စည်သဘင်အမတ်(၁၃၉၆-၁၃၉ရ)ထိ(၁)နှစ်
(၁၅)မြင်စည်စားအမတ်(၁၃၉ရ-၁၃၉ရ)ထိ(၅)လ
(၁၆)ရာဇသူမင်း(၁၃၉ရ-၁၄၀၁)ထိ(၄)နှစ်
(၁ရ)သိင်္ဂသူ(၁၄၀၁-၁၄၀၄)ထိ(၃)နှစ်(၁၆)၏ညီ

မြောက်ဥ[ပဋ္ဌမ]ခေတ်မင်းဆက်များ
ဦးရေ။မင်းအမည်။နန်းတက်နန်းကျနှစ်။နန်းစံနှစ်။မှတ်ချက်
(၁)မင်းစောမွန်(၁၄၀၄-၁၄၃၃)ထိ(၂၉)နှစ်(ရာဇသူ၏သား)
(၂)အလီခင်(၁၄၃၃-၁၄၅၈)ထိ(၂၅)နှစ်(၁)၏ညီ
(၃)ဘစောဖြူ(ကုလမသျှာ)(၁၄၅၈-၁၄၈၁)ထိ(၂၃)နှစ်(၂)၏သား
(၄)မင်းဒေါ်လျာ(ဆင်ဖြူရှင်)(၁၄၈၁-၁၄၉၁)ထိ(၁၀)နှစ်(၃)၏သား
(၅)မင်းညို(၁၄၉၁-၁၄၉၃)ထိ(၂)နှစ်(၄)၏ပထွီး
(၆)ရန်အောင်(၁၄၉၃-၁၄၉၄)ထိ(၆)လ(၄)၏သား
(ရ)စလင်္ကာသူ(၁၄၉၄-၁၅၀၁)ထိ(ရ)နှစ်(၆)၏ဦးကြီး
(၈)မင်းရာဇာ(၁၅၀၁-၁၅၁၃)ထိ(၁၂)နှစ်(ရ)၏သား
(၉)ကဇာပတိ(၁၅၁၃-၁၅၁၅)ထိ(၂)နှစ်(၈)၏သား
(၁၀)မင်းစောအို(၁၅၁၅-၁၅၁၅)ထိ(၆)လ(မင်းရာဇာ၏ပထွီး)
(၁၁)သဇာတာ(၁၅၁၅-၁၅၂၁)ထိ(၆)နှစ်(၄)၏သား
(၁၂)မင်းခေါင်ရာဇာ(၁၅၂၁-၁၅၃၁)ထိ(၁၀)နှစ်(၁၁)၏ညီ

မြောက်ဥ[ဒုတိယ]ခေတ်မင်းဆက်များ
(၁)မင်းဗာကြီး(၁၅၃၁-၁၅၅၃)ထိ(၂၂)နှစ်(မင်းရာဇာ၏သား)
(၂)မင်းတိက္ခာ(၁၅၅၃-၁၅၅၆)ထိ(၃)နှစ်(၁)၏သား
(၃)မင်းစောလှ(၁၅၅၆-၁၅၆၄)ထိ(၈)နှစ်ကျော်(၂)၏သား
(၄)စကြ၀ဒေး(၁၅၆၄-၁၅ရ၁)ထိ(ရ)နှစ်(၃)၏ညီ
(၅)မင်းဖလောင်း(၁၅ရ၁-၁၅၉၃)ထိ(၂၂)နှစ်(မင်းဗာကြီး၏သား)
(၆)မင်းရာဇာ(၁၅၉၃-၁၆၁၂)ထိ(၁၉)နှစ်(၅)၏သား
(ရ)မင်းခမောင်း(၁၆၁၂-၁၆၂၂)ထိ(၁၀)နှစ်(၆)၏သား
(၈)သီရိသုဓမ္မရာဇာ(၁၆၂၂-၁၆၃၈)ထိ(၁၆)နှစ်(ရ)၏သား
(၉)မင်းစနေ(၁၆၃၈-၁၆၃၈)ထိ(၂၀)ရက်(၈)၏သား

မြောက်ဥ[တတိယ]ခေတ်နောက်ဆုံးမင်းဆက်များ
(၁)နရပတိမင်း(ကုသလ)(၁၆၃၈-၁၆၄၅)ထိ(ရ)နှစ်
(၂)သတိုးဓမ္မရာဇာ(၁၆၄၅-၁၆၅၂)ထိ(ရ)နှစ်(၁)၏သား
(၃)စန္ဒသုဓမ္မရာဇာ(၁၆၅၂-၁၆ရ၄)ထိ(၂၂)နှစ်(၂)၏သား
(၄)ဥက္ကာဗလ(၁၆ရ၄-၁၆၈၅)ထိ(၁၁)နှစ်(၃)၏သား
(၅)၀ရဓမ္မရာဇာ(၁၆၈၅-၁၆၉၂)ထိ(ရ)နှစ်(၄)၏ညီ
(၆)မဏိသုဓမ္မရာဇာ(၁၆၉၂-၁၆၉၄)ထိ(၂)နှစ်(၅)၏နောင်တော်
(ရ)စန္ဒသူရိယဓမ္မရာဇာ(၁၆၉၄-၁၆၉၆)ထိ(၂)နှစ်(၆)၏ညီ
(၈)ငတုံနော်ရထာ(၁၆၉၆-၁၆၉၆)ထိ(၃ရ)ရက်(ရ)၏သား
(၉)မာရုပိယ(၁၉၆၉-၁၉၆ရ)ထိ(၁)နှစ်(ရဟန်းလူထွက်)
(၁၀)လာလကန္တတ်(၁၉၆ရ-၁၉၆၈)ထိ(၁)နှစ်(ရဟန်းလူထွက်)
(၁၁)ရွှေဝါနရာဓိပတိ(၁၆၉၈-၁ရ၀၀)ထိ(၂)နှစ်(မင်းသား)
(၁၂)စန္ဒ၀ိမလဓမ္မရာဇာကျော်သိင်္ဂ(၁ရ၀၀-၁ရ၀၆)ထိ(၆)နှစ်
(၁၃)သူရိယရာဇာသတိုးလှ(၁ရ၀၆-၁ရ၁၀)ထိ(၄)နှစ်
(၁၄)စန္ဒ၀ိဇာရာဇာတန္တဗိုလ်(၁ရ၁၀-၁ရ၃၁)ထိ(၂၁)နှစ်
(၁၅)သာမစန္ဒသူရိယရာဇာ(၁ရ၃၁-၁ရ၃၄)ထိ(၃)နှစ်(၁၄)၏သမက်
(၁၆)နရာအဓိပတိ(၁ရ၃၄-၁ရ၃၅)ခု(၁)နှစ်(၁၅)၏သား
(၁ရ)န၀မရရာဇာ(၁ရ၃၅-၁ရ၃ရ)ထိ(၂)နှစ်(၁၆)၏ညီ
(၁၈)စန္ဒ၀ိဇယ(၁ရ၃ရ-၁ရ၃ရ)ထိ(၈)လ(၁ရ)၏ဘကြီးသားညီ
(၁၉)သူရတန်ရာဇာ(၁ရ၃ရ-၁ရ၃ရ)ထိ(၃-ရက်)မျိုးခြား
(၂၀)မေတ္တရာဇ်(၁ရ၃ရ-၁ရ၄၂)ထိ(၅)နှစ်(စန္ဒ၀ိဇယ၏ညီ)
(၂၁)နရအဘယရာဇာ(၁ရ၄၂-၁ရ၆၁)ထိ(၁၉)နှစ်(၂၀)၏ပထွီး
(၂၂)သီရိသုရာဇာ(၁ရ၆၁-၁ရ၆၁)ထိ(၃)လ(၂၁)၏သား
(၂၃)စန္ဒပရမရာဇာ(၁ရ၆၁-၁ရ၆၄)ထိ(၃)နှစ်(၂၂)၏ညီ
(၂၄)အဘယမဟာရာဇာ(၁ရ၆၄-၁ရရ၃)ထိ(၉)နှစ်(၂၃)၏ယောက်ဖ
(၂၅)ဒါးပိုင်သောကြာ(စန္ဒသုမန)(၁ရရ၃-၁ရ၃ရ)ထိ(၄)နှစ်
(၂၆)စန္ဒ၀ိမလ(အမတ်ပိုးရွှေ)(၁ရရရ-၁ရရရ)ထိ(၄၀-ရက်)
(၂ရ)စန္ဒသတိဿရာဇာ(အောင်စုန်)(၁ရရရ-၁ရ၈၂)ထိ(၅)နှစ်
(၂၈)မဟာသမ္မတရာဇာ(သတိုးအောင်)(၁ရ၈၂-၁ရ၈၄)(၂)နှစ်(၂ရ)၏တူမလင်

ရွှေတူငွေတူ

ရွှေတူငွေတူ
======

တခွန်းခေါ် ခေါ်လို့မထူး
နှစ်ခွန်းခေါ် ခေါ်လို့မထူး
တရွာနီ တပြည်သားကို စိတ်ခြားလို့လား
မချစ်ဆို မလိုလို့လား --။

ဇာက လာကေ
ဇာရွာသားရောင်
စကားအရာ
ပျားသကာ
ချိုပါရေကား
ပျိုသက်ထားလေ --။

မောင့်လက်ကိုကိုင်
မေ့လက်ကိုဆွဲ
ငွေတူပင်မှာ
ရွှေတူရစ်ယောင်
ရစ်ပစ်ကတ်မည် --။

မျက်စိကမြင် ဝမ်းကကြင်
စိတ်တွင်ကချစ်
ပုချေမောင်ကို မိတ္တာရစ်လို့
အချစ်စွဲကာ ကြားကလူ
အောင်သူဖျက်လို့ ဖျက်ရဖို့လား --။

ဆံစကေညို
လှနဂိုလေ ပျိုနှမမှာ
ကိုယ့်ရပ်ရွာ ကိုယ့်ရွာထက်မှာ
လက်ဖျားတင် ကြင်သူများက
ဟိထားရေလား --။

သခြင်းဆို လူပျိုမောင်ယေ
ကိုယ့်ရပ်ရွာ ကိုယ့်ရွာထက်မှာ
လက်ဖျားတင် ကြင်သူများက
ဟိမထားပါ --။

ဒေတောခေါင် ဒေတောင်ယေကြားမှာ
စကားသာချို ဒေမေဆို ပျိုစကား
ကြားရရေခါ စိတ်ဝမ်းသာ
ထဗျာကလို့ ကြည့်ရဖို့ယာ --။

ဥဒေါင်းယေကြိုးကြာ သာရကာကေ
ဟင်္သာငှက်မ
အခါခါ မောင့်ကိုတမ်းလို့
လွမ်းတငိုခါ မောင်ရောက်ရာ
ထဗျာကလို့ ကြည့်ရဖို့ယာ --။

မှတ်ချက် ။ ။ ကျောက်ဖြူမြို့တည် (၁၈၀) ပြည့်အထိမ်းအမှတ် “ကျောက်ဖြူ” ၂၀၀၉ မဂ္ဂဇင်း “ဇာနီအောင် (ရမ္မာဝတီ)” ရွီးသားပြုစုသည့် “ရမ်းဗြဲကျွန်းက ချစ်ခွန်းတီတာ တေးကဗျာ” ဆောင်းပါးက ဇမ်းကဗျာကို တင်ပြပီးလိုက်ပါသည်။

ဒေးဝန်းအောင်ကျော်ရွှီ၏ကိုယ်တွိရခိုင်ပြည်သိမ်းတိုက်ပွဲမှတ်တမ်း (စကားပြင်)

ဒေးဝန်းအောင်ကျော်ရွှီ၏ကိုယ်တွိရခိုင်ပြည်သိမ်းတိုက်ပွဲမှတ်တမ်း (စကားပြင်)
==========================================
၂၀၁၅ ခု ဇန္န၀ါရီလ (၁) ရက်နိ (ကသစ်ဗုဒ္ဓိနိ) တွင်ကျရောက်သည့် ရခိုင့်တော်လှန်ရေးနိအတွက် ဖတ်ကြားတင်သွင်းသည့်စာတမ်း
====================

အပိုဒ် (၁) (ပင်းဝါ၊ မြောက်ဦးသိမ်းတိုက်ပွဲ) မှသည် အပိုဒ် (၁၉) ရန်တပိုစာချုပ်ချုပ်သည်အထိ။ အပိုဒ် (၂၂) ရန်ကုန်ရောက်သည်အထိ။ (အစ/အဆုံး)

ဒေးဝန်းကြီး အောင်ကျော်ရွှီရတု
===================
နောက်သားနောင်လာ၊ နောက်ထပ်ပါရို့
ဆရာသုံးလက်၊ ရှိကံဖက်၍
အသက်ခန္ဓာ၊ လူရို့မှာကား
တခါတရံ၊ အဘိုးတန်၏ ---။

တရံတခါ၊ ဆိုတုံပါလည်း
သူသာလာလျှက်၊ ဖိနှိပ်စက်က
အသက်ထိုခါ၊ ဆုံးတတ်ရာ၏ ---။

ပြည်ရွာတိုင်းဖွား၊ မျိုးလေးပါးရို့
တရားလမ်းမှန်၊ ကျင့်ကြောင်းကြံလျှက်
အမှန်မုက္ချ၊ သက်စွန့်ကြလော့ ---။

ဓမ္မတာလမ်းမမှန်၊ ဆိုးကြောင်းကြံလျှက်
တန်စိုးကိုစား၊ လိမ်လှည့်ဖျားသော်
နောင်သားတဖန်၊ သည်းမခံနှင့် ---။

နိုင်ငံတကာ၊ ဟူရာရာ၌
ပညာနှင့်ညာဏ်၊ သင့်စွာဖန်၍
တာဝန်မပျက်၊ သစ္စာရွက်လျှက်
အသက်ကိုလှီး၊ သွီးချောင်းစီးမှ
အပြီးကြံ့ခိုင်၊ နိုင်ငံတိုင်းမြို့
အစို့စို့နှင့်၊ ကိုယ့်ရို့ရပ်စည်
ကိုယ့်တိုင်းပြည်ကို၊ ရမည်မုက္ချ
ဤလောကသည်
အောက်ကျမခံချင်သောကြောင့် ---။ ။

(ဒေးဝန်းကြီးအောင်ကျော်ရွှီ)

အပိုဒ် (၁)

ဇေယျန္တု။ ။ ဗုဒ္ဓသျှင်တော်မြတ်အားတိုင်တည်ပြီး လျှောက်တင်ပါသည်။ ရဟန်းသျှင်လူ ပြည်သူအများ ရွှီနားတည်လော့။ အနောက်ဖက်မဇ္ဈိမဒေသဟု အမည်ရသော အန္ဒိယတိုင်းပြည်ကြီးသည် ထက်နတ်ဘုံတမျှ သာယာစည်ကားလှပါ၏။ ဂင်္ဂါသီတာမြစ်ရီသည်လည်း အရပ်လေးမျက်နှာ၌ သာယာလှပစွာ စီးဆင်းလျှက်ဟိနီပါ၏။ ဘိလပ်မြို့ဟိ အင်္ဂလိပ်မင်းများအား တရာ့တပါးသော ထီးဆောင်းမင်းအပေါင်းရို့သည် ရိုသေဦးခိုက်လျှက် အခွန်ဘဏ္ဍာငွေ အဖူးလက်ဆောင်များ ဆက်သကတ်ရပါ၏၊ ကာလကတ္တားမြို့တော်တွင်လည်း ဗော်ရော်လာသတ်က အာဏာစက်ဖြင့် အုပ်ချုပ်လျှက်ဟိပါ၏။ အရှိတောင်ဖက်အရပ် စစ်တကောင်းမြို့တွင်လည်း ဝေါနော်သတ်သည် မြို့ဝန်အရာ ခန့်အပ်ခြင်းခံရပါ၏။ သက္ကရာဇ် တထောင်တရာသျှစ်ဆယ်နှစ်ခုနှစ် (၁၁၈၂) ခုနှစ်တွင် သာသာစကားတတ်ကျွမ်းသူ အကျွန်ုပ်အောင်ကျော်ရွှီမှာ စကားပြန်အဖြစ် တာဝန်ပီးအပ်ခြင်းခံရပြီး စစ်တကောင်းမြို့ဝန် ဝေါနော်သတ်ထံတွင် ကောင်းစွာအမှုထမ်းရပါသည်။ လစာငွေ တလနှစ်ဆယ်ရဟိပါသည်။ တိုင်းပြည်ကိစ္စအ၀၀ကို ဆောင်ရွက်ရပြီး လူအများ၏ကြည်ညိုလေးစားခြင်းကိုလည်း ခံရပါသည်။

အပိုဒ် (၂)

သက္ကရာဇ် တထောင်တရာ့သျှစ်ဆယ်ငါးခုနှစ် (၁၁၈၅) ခုတွင် သျှင်မဖြူ၊ကျွန်းတွင်တပ်ချထားသော အင်္ဂလိပ်စစ်သည်ရဲမက်များကို မြန်မာများက လုပ်ကြံသတ်ဖြတ် ရန်စရှာလာသည့်သတင်းကို လာသတ်မင်းကြီးကြားလီသောအခါ ကတ်တင်(Captain) ဘေးကာသတ်နှင့် ၀ီသတ်အား စစ်တကောင်းသို့ အပြင်းချီတက်ခိုင်း၏။ စစ်တကောင်းသို့ရောက်သောအခါ ရခိုင်မူးမတ်မျိုးနွယ် အကျွန်ုပ် သော်တလီအောင်ကျော်ရွှီသည် ဘာသာပြန်အဖြစ် ကာနယ်သုပိလုင်၊ ဗဲကာသတ်၊ ကတ်တင်(Captain) ၀ိသတ်ရို့နှင့်အတူလိုက်ပါလျှက် ဖလောင်းချိတ်မြို့သို့ ချီတက်လာရပါ၏၊ ဖလောင်းချိတ်တွင် လူအင်အားတထောင်ကျော်ကို စုဆောင်းလျှက် သျှင်မဖြူကျွန်း နတ်မြစ်ဝသို့ ချီတက်တပ်စွဲပါ၏၊ ယင်းတွင် အကျွန်ုပ်ရို့ တပ်အင်အားဖြင့် ခြင်္သေ့လားသို့ တသောသော အင်အားပြလျှက်နီသောအခါ မြန်မာများမှာ ကြောက်ရွံစွာ ပုန်းအောင်းနီကတ်ရပါ၏။ အင်္ဂလိပ်မင်းလည်း စစ်တကောင်းမြို့ဝန် ဝေါ်နော်သတ်ကိုခေါ်၍ ရာပသိန်သတ်အားဦးစီးခိုင်းပြီး မြန်မာများကိုနှိမ်နင်းရန် တပ်စေလွှတ်တော်မူ၏၊ မြန်မာအင်းဝဘုရင် သိမ်းပိုက်ထားသော တိုင်းပြည်များအား တိုက်ခိုက်သိမ်းပိုက်ရန် အာဏာချတော်မူ၏၊ ထို့ကြောင့် အကျွန်ုပ်ရို့သည် ရခိုင်ပြည်သို့ တပ်ချီတက်လာရပါ၏။

အပိုဒ် (၃)

ရခိုင်ပြည်သို့ ချီတက်လာသောအခါ ရာပသိမ်သတ်က မင်းအာဏာနှင့် ဇော်နေ(General) ခေါ်ဟရီသျှိန်ဗိုလ်ချုပ်ကြီးအား စစ်သည်ရဲမက်များကို ကောင်းစွာစုရုံးပြီး အမြောက်၊ ဗုံးစကြာ၊ မီးကျည်တန်းများကို၊ အလျှင်အမြန်စုဆောင်းလျှက် ငါ့နောက်တော်သို့လိုက်ရမည်ဟု အာဏာချတော်မူ၏၊ လေးပါးသောစစ်အင်္ဂါဖြင့် ကမ္ဘာမြီကြီးထိန့်ထိန့်တုန်မျှ စစ်ချီတက်လာလျှက် ရာပသိမ်သတ်သည် နတ်မြစ်မော်သျှင်မဖြူ၊ကျွန်းတွင် ချထားသောတပ်များအား ဗိုလ်ရှုခံတော်မူစဉ် မြန်မာတမန် နားခံမောင်လုံးလာလျှက် အသနာလီကဒီကုလားအား ဘာသာပြန်စီခိုင်းပြီး သည်တခါကို ကျွန်တော်တို့မိုက်ပါ၏ တပ်စောင့်ချထားသူများအား အသက်ချမ်းသာပီးပါ၊ တပ်တော်ကို နောက်ဆုတ်ပီးပါဟု ဆိုလာကျင်၏၊ သျှင်မဖြူကို အသျှင်တို့ပိုင်သည် မြန်မာများသည် ကျော်ကူး၍မလာပါတည်း။ အမှားခံလျှောက်ခြင်းရာကို ရာပသိမ်သတ်သည် အဟုတ်ထင်မှတ်ကာ တပ်တော်အလုံးကို နှုတ်သိမ်းယူ၍ ကောင်လောင်ဗိုလ်၊ သူပီလုင်၊ အစဟိသော ဗိုလ်အားလုံးသည် ပင်းဝါဖလောင်းချိတ်သို့ ဆိုက်ရောက်လာကတ်ကုန်၏၊ ကမ္ဘာမြီလုံးထိန့်မျှ စုရုံးပြီးနီစဉ်ခါ ရာပသိန်သတ်က အကျွန်ုပ်အား ရခိုင်စစ်သည်များကိုလည်း စုဆောင်းပီးရမည်ဟုဆိုလာသောကြောင့် ကတ်တင်(Captain) ပိန်းကော်သတ်နှင့်တိုင်ပင်၍ ရခိုင်စစ်သည် ငါးရာကျော်အား ယင်းတွင် ခန့်အပ်စုဆောင်းပီးရပါ၏၊၊ ကုလားဘာသာအားဖြင့် (စဖာအိပ်) ဟု ခေါ်ဆိုပါ၏၊ သေနတ်ခြင်းများကိုလည်း မကျန်ကြွင်းအောင် ပြသပီးရကာ ကတ်တင်(Captain) ပိန်းကောသတ်ဦးစီးလျှက် ပင်းဝါအရပ်တွင် တပ်ချနားနီရပါ၏

အပိုဒ် (၄)

ပင်းဝါအရပ်တွင် တပ်ချ၍နီစဉ်တွင် ရခိုင်ပြည်ဟိ အမည်နာမအားဖြင့် မောင်စံသာဟုခေါ်ဆိုသော မြန်မာအတွင်းဝန်၊ ငအောင်မာန်ခပါ အခွန်ဝန်နှင့် ရခိုင်မြို့ဝန် မြန်မာမောင်စံပျော်ရို့သည် နားခံတော်မောင်လုံးခေါ် စွန်းလွန်းဗိုလ်အား နားခံတပ်ထောက် ချထားလီသတည်း။ စာရွီးတော်င၀ိုက်ကေက မြန်မာတပ်များကို စုဆောင်းဦးစီးလျှက် ပင်းဝါအရပ်ကိုတိုက်သော် ငါတို့နိုင်ရပါအံ့၊ အရှိမှာ မြန်မာသျှင်ဘုရင် ကြားလီငြားသော် သူကောင်းပြုမည်ထင်၏။ ရှိနောက်အမြော်အမြင်မဟိဘဲ ထိုသို့တိုင်ပင်ပြောကြားပြီးနောက် မြန်မာသူယုတ်များသည် ဗိုလ်တပ်အင်အားနှင့် တပ်ချီလာကုန်၏။ ရခိုင်သားကျွန်းအုပ်ငပြီကြီးလည်း လောဘစိတ်ဝင်၍ အမ်းစားသားသာကျော်ဝေ ရွှီငွေင်္ဒဂါး ကျွဲနွားအများအပြားရမည်မှတ်၍ သုံးယောက်သား ချိတ်ချိတ်ရယ်ကာ ၀မ်းကြီးသာ၍ ကခုန်လျှက်ပေ မြန်မာအောက်သားနောက်သို့ ကပ်လျှက်လိုက်လတ်လီသတည်း။ မြန်မာတပ်များသည် ခိုးကြောင်ခိုးဝှက်ပုန်းလျှိုးလာလျှက် ဝေလာတောင်၌တပ်ချပြီး ရုတ္တနာအရပ်တွင် တပ်ဦးချထားသော တပ်စောင့် ကတ္တင် (Captain) လုလ္လင်သတ်အား အငိုက်ဝင်တိုက်၍ လူအင်အားမမျှသဖြင့် ညည့်သန်းခေါင်မှာ တပ်ဆုတ်လာရပြီး ပင်းဝါအရပ်တွင် တပ်ချထားသော ပိန်းကောသတ်ဦးစီးသောတပ်နှင့်ပူးပေါင်းပြီး နီရပါ၏၊ မြန်မာတပ်များသည်လည်း ကတ်တင် (Captain) ပိန်းကောသတ်တပ်တပ်ဟိရာအရပ်သို့ ချီတက်တိုက်ခိုက်လာပြန်၏၊ တွိဟိရာရာကို ဖွီရှာဖမ်းဆီးသတ်ဖြတ်မီးလောင်တိုက်သွင်းလျှက် ကုန်အောင်ညက်ညက်မွှီကုန်၏။ ပင်းဝါမြီရာဇာဖက်အရပ်တွင် တပ်မစွဲလုပ်လျှက် တပ်ချနီကုန်၏၊ ထို့ကြောင့် ဟာလဘင်း ပင်းဝါ၊ စုက္ကရာနှင့် နတ်မော်အရပ်မြီ၌ ဟိဟိသမျှသော သျှင်လူအများ၊ ချင်းနှင့် ကယင်၊ မြုံလျှင် ဒိုင်းနက် နှမ်းစိသားမရွီး၊ လင်းကဲပေါင်းစုံ သက်မူသျှမ်းစုစသည့် တောင်မြို၊ ကုလား၊ မရမာ အကုန်ပြီး၍လာရပါ၏၊ ကိုယ်စီသားမယားနှင့် တသောသောလာလတ်ရာ အင်္ဂလိပ်ဖလောင်းမင်းဟိရာ စစ်တကောင်းအရပ်သို့ရောက်မှ ချမ်းသာရကုန်၏၊ ထိုသို့ ထွက်ပြီးလာလတ်ပြီး တဲအုံချ၍ ဆိုင်းရပ်နီသောအခါ ၀န်တင်ကျွဲနှင့် တိုက်ကျွဲများလိုအပ်သဖြင့် စုဆောင်းရှာဖွီလျှက် လိုအပ်သည့် ၀န်ဆန်ပစ္စည်းများကို ထောက်ပံ့ကူညီပီးရပါ၏၊ စံရှီဖွေကျွန်းအုပ်ကား ကျီစိုးအရာစား၍ ငှဝီပီးလျှက် ၀န်တင်လှည်းများကို အုပ်ချုပ်စီရင်ရ၏။ ထို့ကြောင့် အင်္ဂလိပ်ဗိုလ်ချုပ် မာရသျှိန်က အကျွန်ုပ်နှင့် အကျွန်ုပ်၏ဇနီးသားမယားအား မိမိရင်၌မွီးသော သားသမီးရင်းချာမခြား ချစ်ကြင်မြတ်နိုးလျှက် လွန်စွာကြေနပ်အားရဖြစ်လီသည်တည်း။
(ပီအဆက်ပြတ်)

အပိုဒ် (၅)

ရှိဘုန်းကံကြမ္မာကြောင့် ခုနှစ်ဆက်သည် ကောင်းမှုဟိလီဖူး၍ ရာပသိန်သတ်က ငါ့ဆီရောက်စီသောဝ်ဟု ခေါ်ယူငြားလီသောခါ အကျွန်ုပ်မှာ လွန်စွာ အားရ၀မ်းသာဖြစ်ရပါသည်။ ကုမ္ပဏီရီးကိစ္စအ၀၀ကို မှန်စွာဆောင်ရွက်ပီးပါ ရခိုင်ပြည်ကိုပြန်ရလျှင် စိတ်ဟိရာရာ လိုသမျှအကုန် ငါမစ၍၊ သူကောင်းပြုခမည်ဟု ကတိက၀တ်ပြုသဖြင့် အကျွန်ုပ်မှာ လွန်ဝမ်းသာလျှက် နောက်နောင်အကျိုးကို မျှော်ထောက်ထား၍ အခမေးနာ ငွေတပြားတချပ်မျှမယူပါဘဲ လိုသရိကို ထမ်းပိုးရွက်ဆောင်၍၊ အရှိရန်ကုန်သို့ ငါးရာလူကို အလျှင်အမြန်လွှတ်ချင်သည်ဆိုသောကြောင့် ကောင်းရာလူကို လွယ်ကူရွီးချယ်ပါလျှက် ငါးရာရခိုင်သားအား အကျွန်ုပ်သည် ယင်းခါစုဆောင်းပီးတုံငြားက လှီသင်္ဘောနှစ်စင်းမှာ တင်ယူဆောင်လျှက် လျှင်အောင်အရောက်လားလီပါ၏။ လမ်းထွင်သား ရခိုင်သားလူငါးရာအား ဖောင်သာရှီကို အကြီးခန့်၍ ဣသျှိကာကာတင်သတ် ဣရာဇီအား လက်တည့်အပ်နှံကာ ရခိုင်သားအပါအ၀င် ဘေးကပ်ငါးထောင်ကျော်နှင့် သူရဲတော်များစီးနင်းရန် လှီများအားလုံးကို စုဆောင်းရှာဖွီပီးရပါသည်။ ရခိုင်ပြည်လားဖူးသူ ကုန်းကြောင်းလမ်းနှင့်၊ ရီကြောင်းလမ်းနှစ်ပါးစုံကို ပြနိုင်သူရှာပီးရမည်ဆို၍ လမ်းသိထွန်းပေါ်ဝေ၊ ဖသက်နှံနှင့်၊ ချီခံသတိုးဝေကို ခေါ်ယူပြီးခါ ကတ်တင် (Captain) ဒေါင်ရောင်မော်သတ်လက်တွင်း အပ်နှံပီးရပါ၏။ မကြာစုံစီ စစ်သည်ဗိုလ်ခြီသူရဲ သိန်းသန်းကုဋီကို ယင်းခါစုဆောင်းမိက သျှင်မင်းကြီးမှာ လွန်စွာဝမ်းသာအားရ ဖြစ်လီသည်တည်း။ အလျှင်အမြန်ချီတက်ရန် သျှင်မင်းမြတ်က ရောင်ဇနောင်ကို ယင်းတွင်အာဏာချ၍ စစ်သည်သူရဲ လှီသင်္ဘောအပြည့် ပြောင်းကြီးဇ၀ါ ဗုံးစက္ကြာများကို ယင်းမှာတင်ဆောင်ယူ၍ ကုန်းကြောင်းတစချီလားလျှက် ရထားမြင်းဆင် လှည်းငင် ၀န်တိုက်နွားနှင့် ရဲမက်များအထောင်အသောင်းကို ရခိုင်ဗိုလ်ဒေးသျှိန်သတ်သည် တပ်ဦးချီ၍
တပ်နောက်ဝယ် ဟိန္ဒုတ်စပါအိတ်စစ်သားများ၊ မောင်းဂွတ်မြင်းစီးစစ်သားများက မီးကျည်တန်ခေါ် သေနပ်နှင့် လှဲကမံလက်နက်များကိုဆောင်ယူ၍ ကြီးစည်ခရာဗောတီးမှုတ်လျှက် သောင်းဇမ္ဗူတခွင် ထိန့်ဆူကျော်နှံ့ကြားမျှ တသောသော စစ်ချီတက်လာလတ်သောအခါ ရာပသိန်သတ်မင်းမြတ်၏နောက်တော်ဝယ် အကျွန်ုပ်ကပ်၍ပါလျှက် ဆံတမြွှာမယွင်းခွတည်း။ ဖွဲ့ဒါကြီး၊ အသောင်းအဒူလာနှင့် အဟောဒါမာတဒိန်၊ စီရင်ထွေ တိုးအောင်ကြွယ်သည်လည်း နောက်တွင် ကပ်လျှက်ပါ၏၊၊ ဒါးပိုင်ကြီးအမတ်တော်၏သားကြီးအမ်းစားသားလည်း နောက်ဝယ်ပါ၏ တိမ်ကြားဗိုလ်နှင့် မာလုံသတ်သည် ရီကြောင်းချီလျှက် စစ်တကောင်းမြစ်ကိုကူးပြီးဆန်တက်လီသော် လက်ဝဲနား ဘောင်းဒွတ်တောင်ကိုကျော်လွန်ပြီး လက်ယာနား ပြင်သာကြီး ဖောက်ကျီဈီးကို လွန်၍လားလီပါလျှက် ကန်ရှည်၊ ဆိုက်မနား၊ ဟာလဘင်း၊ စုက္ကရာရွာများကို ကျော်၍လားသော် ရီကင်းနား၊ ဆည်ကြီးရွာ ပတ္တလီကို ထိုခါဆိုက်ရောက်ပါ၍ ပင်းဝါရွာမရောက်ခင်၊ ရခိုင်ဝန် မြန်မာမောင်စံပျော်သည် ယင်းခါ ကြားလီကျင်၍ သားတော်င၀ိုက်ကေလည်း ငါရို့အသက်သည် ခုပင်သီရတော့မည်ဟု ဖက်ယင်းငိုကတ်လီသောခါ မြန်မာအတွင်းဝန်သည်လည်း ကြောက်ကြီးသံဖက်ဝင်လျှက် မိုးဦးကျဖားမြည်သကဲ့သို့ တသောသောငိုလျှက်ပေ မြန်မာတပ်လုံးသားသည် ယင်းတွင် ထွက်ပြီးလားလီပါက ဘုန်းကံအကြောင်းကြောင့် တစစ်အောင်လီသည်တည်း။

အပိုဒ် (၆)

ဆက်၍မတန့်မနား ချီတက်လားလီပါသော် ဖလောင်းချိတ်မှာ ရောက်တုံပါ၍ တောင်ကြောင်းမျှောင်လားလီသောအခါ ရဲစုချောင်းကို ကျော်လွန်မြောက်၍ လက်ဝဲဖက်တွင် ပန်းမော်အရပ် သင်းပေါင်းချောင်းအရပ်များကို လွန်ခပါလျှက် မြင်းမျက်နှာတောင်အနား လားလီပါသော် နတ်မော်သို့ဆိုက်ရောက်၍ ရဲမက်ဗိုလ်ပါအားလုံး ညောင်းညာဖြီလျှက် မောင်တောတပ်တွင် ဆိုင်းငံ့နီကတ်ရပါသည်။ မောင်တောတပ်မှာ ဆိုက်ရောက်သောအခါ မြို့စာရွီးဥာဏက လက်ဝဲဖက်တပ်ကို ဖြိုကာထွက်၍ပြီးလျှက် ကြောက်ဝှန်ကြီးတုန်လှုပ်ကာ မြန်မာများသည် လျှို့ဝှက်နီလီပါ၏၊ ယင်းသောခါ အကျွန်ုရို့သည် အနောက်ငယ်ကို လက်ဝယ်သိမ်းယူကျင်၍ အစလျှင်ပဌမ နှောင်းဖော်ရွှီကို ကျွန်းအုပ်ခန့်ပီးခလျှက် ချီတက်လာလတ်သောအခါ အလယ်သညာသို့ ရောက်လီပါ၏။ ယင်းတွင်မရပ်နား ကျောက်ပန်းစွယ်ကို လက်ယာပါယ်ယှောင်ထားလျှက် တသောသောချီသောအခါ ပြည်ရွာထိပ်မှတ် မယူနတ်ကြီးမော်သို့ ဆိုက်ရောက်ခါတုံပြီးမှ များဗိုလ်ပါသည် ယင်းတွင်တပ်ကြီးချ၍ တန့်ရပ်နီလီသောခါ မိမ္မသားသူငယ်များသည် ဥပမာမူ သားလင်ရောက်လာငြားသို့ လွန်စွာပျော်ပါးဝမ်းကြီးသာ၍ အဖူးလက်ဆောင် များမြောင်ပို့ဆက်လာကတ်ပါ၏၊ ဆက်၍ချီတက်လားလီပါသော် ဦးရာဇ်တောင်သျှင်ပင်ဓါတ်သို့ရောက်၍ အထွတ်ဖျားစေတီမှာ တင်းခွန်ကုက္ကား မုလေးပွားကို လျှင်ငြားပူဇော်ပါလျှက် လားလီကတုံခါပေ ကုလားပုံးကို လက်ဝဲထားခသည်တည့်။ ဆင်ခံဝယ်ဆိုက်ရောက်က ယင်းတွင်တပ်ဦးချလျှက် ကုလားအဟောဒါ မာတဒိန်ကို စာနှင်စီလွှတ်ပါ၏၊ ချောင်းဖလာတပ်ထဲဝယ် မြန်မာများကို အလျှင်ထွက်လာစီဟု တမန်လွှတ်လျှက် ခေါ်ပတ်ပြောတုံသော်လည်း ထွက်မလာသဖြင့် နင်ရို့များသည် ကျင်းကျင်းအကုန်စွာကို ရဲမက်တော်ဂူရာက ခုပင်သတ်ဖြတ်မည်ဟု အကယ်တည့်တည့်ပြော၏၊ ခုလျှင်လျားတုတ်နှောင်မည်ဆိုတုံသော်လည်း နားမလည်သော မြန်မာစာရွီးကြီးင၀ိုက်ကေနှင့် နားခံမောင်လုံးစသောသူများသည် ကောင်းမည်ထင်ပျာ အမှားမှားအယွင်းယွင်း ကြွက်ဟန်ပမာ ယင်းတွင်တွင်းတူးလျှက် နီလီပါ၏၊ ထိုအခါ သျှင်မင်းကြီးမှာ မာန်ကြီးပါ၍ ဂေါ်မီတော်မော်သတ်နှင့် မောဇော်ကတ်တင်၊ သောက်သတ်လျင်အား ခုပင်ချီလားလီဟု အာဏာချသောအခါဝယ် ရီဗိုလ်ချုပ်သည် လျှင်စောချီတက်လီ၍ တိုက်လီပြီးတုံသောခါ မြန်မာများသည် ပြီးငြားမလွတ်ပါတည်း။ နားခံတော်မောင်လုံးမှာ လက်ဝါးပေါက်လျှက် ပုန်းရှောက်ထွက်ပြီးကာ င၀ိုက်ကေစာရွီးစသော မြန်မာများသည်လည်း ကြောက်ကြီးသံဖက်ဝင်၍ အငတ်မှုမစစ်သာဘဲ လင်းကဲအသွင် တောထဲဝင်၍ ထွက်ပြီးလားလီပါသော် ချောင်းဖလာတပ်ကြီးကို ဘုန်းတော်အားနှင့် ကောင်းစွာအနိုင်ရလီသည်တည်း။

အပိုဒ် (၇)

ထိုသို့ တိုက်ပွဲသတင်းကို အုန်းတပင်တပ်မမှ မြန်မာမိုးကောင်းဗိုလ်နှင့် ငချေးကြားလီပါက တပ်လုံးသူသည်၊ ဆောင်းတွင်ချုပ်ထားငါးသို့ ကြောက်ဝှန်ကြီး၍ ထွက်ပြီးလီပါ၏။ ထိုအခါ ဆက်ချီတက်လျှက် ကျွဲခြံတောင်မှာ လျှင်စွာဆိုက်ရောက်ကျင်က ရခိုင်ပြည်ဝယ်ဟိသည့်လူအများကို စုလုံးခေါ်ကျင်၍ သလွန်တောင်ကို စီရင်အုပ်ထိန်းပြီး ကျွန်းအုပ်ငရှောက်ဖွေအား တောင်ဖက်ကျွန်းကို ထိမ်းသိမ်းစီရင်စီ၏၊ ကျွန်းအုပ်ဖော်ရှီသည်လည်း ၀မ်းကြီးသာ၍ လျှင်စွာရောက်လာသည်တည်း။ မူဇဲကျွန်းအုပ် ငကြောင်ပြိန်းတောလည်း လျှင်စောပေါက်ချလာလျှက် စစ်တွေမှာကောင်းစံရွှီ၊ တောင်ရင်းကျွန်းတွင် ပေါ်ထွန်းဝီနှင့် ပြချေအား ၀င်းကျွန်း၊ အသက်နှံအား ပြားကျွန်းစားစီ၏၊ ကျိန်းရှိနောက်မှ ကျွန်းအုပ်မောင်သာကြံနှင့် ပြည်လုံးသားသည် သောသောရုရုဆာ၍ ဆိုက်ရောက်လာလတ်တုံပြီး လိုလိုသမျှသော ကျွဲနွား၊ ဆန်ရီစပါး၊ ဆီပျားထောပတ်များကို လက်ဆောင်ယူလာပီးကတ်ပါ၏၊ ချီတက်ရာတသောသော ပါးတော်တောင်မှာ လျှင်စွာဆိုက်ရောက်ငြားက ရခိုင်သားစဖာအိပ်၊ တပ်မင်းမြဖော်၊ သုဗတာနှင့်၊ ဂူရာနှစ်ပါးသည် မြန်မာများအားဖိလျှက်တိုက်သတ်ပြီး မြန်မာများထွက်ပြီးသည်ကို တောင်ထိပ်ဖျားက ကြင်းကြင်းမြင်ရပါ၏၊ မြန်မာပုခန်းဗိုလ်နေမျိုးသူရိန်နှင့် မက္ကရာမြို့သူကြီးသည် မျက်စိပြောင်းပြန် ထိပ်ဆံအသက်လုလျှက် ဟစ်ကြော်ကျွီးမြည်၍သာ စိုက်စိုက်မတ်မတ်တန်းလျှက် ကိုယ့်ရွာရောက်အောင် ပြီးရလီပါသည်တည်း။

အပိုဒ် (ဂ)

မြန်မာပုခန်းဗိုလ်နေမျိုးသူရိန်နှင့် မက္ကရာမြို့သူကြီးရို့ ကိုယ့်ပြည်ရောက်အောင် ထွက်ပြီးလားလီပါသော် ဆက်၍ချီတက်လိုက်လီပါက ဇီးဇာပြင်မှာ လျှင်စွာဆိုက်ရောက်တုံပြီး တဖက်ကမ်းမှာ မဟာထီး၊ ငါးရကောက်၊ ချောင်းနားမော်အရပ်တွင် တပ်စွဲထားသော မြန်မာတပ်များကို အထင်းသားမြင်ရပါ၏။ ထိုအခါ ဗိုလ်ချုပ်မင်းလည်း လျှင်ပြင်းချီလားလီပါ၍ သူရဲတော်ဂူရာများ၊ တောင်းလောင်ကျီကို အညီစိုင်သင့်ထားလျှက် လက်ယာဖက်တွင် မြင်းစီးသား၊ လက်ဝဲဖက်တွင် ဟိန္ဒုတ်သာနီကုလားတပ်နှင့် တပ်တော်ဦးက ရခိုင်စစ်သားများ ကြီးစည်ဗောမှုတ် သံဝါခြိမ်းမောင်းငြာလျှက် ချီလားတိုက်ကတ်လီသောအခါ မဟာထီးမှာ တပ်စွဲထားသော မြန်မာတပ်များအကုန်စွာမှာ ပျက်ပြိုလီသောကြောင့် မြန်မာဇေတဗိုလ်သည်လည်း ကြံရာမရဖြစ်ကာ ပုခန်းဗိုလ်ဦးစီးသောမြန်မာတပ်များသည်လည်း ကျားကိုမြင်သော် သမင်မြိုင်ချောင်တောက ကြောက်ဝှန်ကြီးစွာ ထွက်ပြီးလားသို့ အသီးသီးထွက်ပြီးလားကတ်လီကုန်ပါ၏၊ မြန်မာများသည် တောတောင်ဦးဖျား ပြီးငြားပုန်းယှောင်လားလီပါက ဆက်ချီတက်ခါ ပေါင်းတုတ်ပြင်မှာ ရောက်တုံပါလျှက် ဆိုင်းရပ်ပြီးနီသောခါ ပြည်သူများသည် တပ်တော်တာအား ထိုခါ ၀ိုင်းအုံကြည့်ရှုလာကတ်ပါ၏ မြို့အနားတောင်ရိုးတလျှောက် မြန်မာများသည် မဲမဲပြုတ်ပြုတ်ဆာလျှက် ကွန်းစီးပေါင်းဝက မြန်မာဝန်မောင်စံပျော်၊ နားခံငကျက်ကေ၊ စာရွီးတော်င၀ိုက်ကေ မက္ကရာမြို့သူကြီးသည် ကြီးကြပ်အုပ်ပြုပါ၍ ပန်းတလေ၀န်ဟောင်း ပေါင်းကာစု၍ တောင်ထိပ်ထက်တွင် သောသောရုရုဆာလျှက် မြီကတုတ်ထဲဝင်ပုန်းကာ ပေါင်တံလက်တံ အသားမဲမဲ သွားကြဲကြဲ ခေါင်းစုတ်ချွန်းနှင့် တောမျောက်အသွင်ဟိနီလီကုန်ပါ၏၊ မြန်မာစာရွီးကြီးင၀ိုက်ကေလည်း ထိုခါ လက်ခုပ်ဖောင်ဖောင်တီးလျှက် ခွတ်သတ်မည့်ဟန်အယောင်၊ ပုဏ္ဏားတောင်ထိပ်တွင် ညာဏအောက်သားသော်ကား တပ်နှင့်စီး၍ပေ လီသာတောင်ခံတပ်တွင် မြန်မာမြို့အုပ် ဗိုလ်လုပ်လျှက် မောင်ဗျဲမြန်မာ၊ ငပွင့်တပ်အားလုံးသူသည် ကခုန်ကာတသောသော ဟန်ဆောင်တကားကားနှင့် မြန်မာအတွင်းဝန်ကား ဗိုလ်ချုပ်လုပ်လျှက် ငမောင်စသည် နောက်ကပုန်းနီပါ၏၊ ကြောက်ခြင်းဟန်ပြင်မထုတ်ဘဲ ထိုခါဥပါယ်ပြုလျှက် ၀သဲဖက်တွင် ပုန်းအောင်းလျှက်ဟိလီပါ၏၊ မုတ်ဆိတ်ရှည်ငကျော်ဇံက မျက်နှာလိုခံ၍ ပြည်လုံးသားကို မွှီလျှက်ဂုံးတိုက်သည်ကား ရခိုင်သားကိုသတ်ရမည် တိုးတိုးချပ်ချပ်ဆိုလျှက် မြို့တွင်းထဲပြီးဝင်၍ ပုန်းအောင်းလျှက် ဟိနီလီပါသည်တည်း။

အပိုဒ် (၉)

ယင်းသောခါ ရာပသိန်သတ်က တောင်ထိပ်ဟိ မြန်မာတပ်များကို ခဏချင်းနှင့် လျှင်စောတိုက်ကတ်ဆိုလျက် အာဏာပီးလီသောအခါ ဇော်နော် (General) မာရိသျှိန်သည် ခြိမ်းမဲတိုက်မောင်းကြော်၍ ရဲမက်တော်ကို စိုင်ကာအသင့်ချလျှက် ပြည်ရွာထိန့်လန့်ချောက်မျှ ပုလီစောင်းညှင်း ကြီးနင်းစည်ပုတ်ကေနှင့် ခရာ၊ နှဲ၊ သံကောက်၊ စည်ကြီးတီးကာ ဗောမှုတ်ကာဖြင့် တယောက်တစစီ အောက်သားတပ်ကို နင်း၍တိုက်သတ်လီ၏။ လက်နက်ဗုံးစက္ကြာအား တချက်ပစ်သော် ထွတ်ဖျားထက်အာဏာသို့ တက်လီပါတုံပြီးမှ အာကာမိုးပေါက်ကျသို့ ကျလတ်ပါသော် ဆင်မြင်းကစ အားလုံးမြန်မာမှန်သရိကို သီကြီပျောက်ဆုံးစီ၏၊ မီးကျည်တန်းခေါ် အမှန်ထိုလက်နက်ကို တချက်ပစ်လွှတ်သောခါ တိမ်ကိုခွဲ၍ ၀ဲလျှက်တက်လီပါ၏။ ထက်အာကာမှ မိုးကြိုးသံသို့ ကျလာတုံပြီး မွှီလျှက်သတ်ခြင်းဟန်ကား ချောက်မြောင်တောင်ကြား ပုန်းလျှိုးနီငြား အားလုံးမြန်မာ ပြီးလားမလွတ်ပါတည်း။ သုံးရက်ဝီ၀ီဝင်းဝင်း တောတောင်မြီလုံးလင်းမျှ တိုက်ရပါသည်။ တိုင်ပင်ငြားတနည်းမှာ လီသာတောင်ကို ဦးအောင်နင်းကတ်ပါဟု အာဏာချလတ်ခါတုံပေက ဇော်နော် (General) ဇီရီသတ်သည် လွတ်လွတ်ချီလျှင်းပါလျှက် တပ်ရှိဦးက ဂူရာသည် တောင်လောင်ကျီလည်း ယင်းခါနောက်ထပ်ကပ်၍ ညည့်တလပ်သန်းခေါင်တွင် လီသာတောင်ကို လျှင်အောင်တက်တိုက်ကျင်က မျက်တောင်ပင်မခတ်မှီ မြန်မာမြို့အုပ်ငမောင်ဗျေသည် လွယ်လွယ်ပြီးလားလီ၏။ ပုဏ္ဏားဆီတောင်ထိပ်မှာ ညာဏအောက်သားသော်ကား ကြောက်ဝှန်တုန်လှုပ်ပြီး အိမ်မှာသားမယားကို စောင်းလှည့်မကြည့်ငြားဘဲ ကိုယ့်အသက်ကို လွတ်ကြောင်းပြီးလီကျင်၏။ ကွန်းစီးပေါင်းဝမှာ တပ်ချထားသော မြန်မာများသည်လည်း သောသောရုရုဆာလျှက် ပြီးလီခါတုံကပေ မြန်မာမောင်စံပျော်နှင့် နားခံငကျက်ကေ င၀ိုက်ကေ၊ မောင်ရဲ လေးယောက်စုံသည် ပူးတုံဖက်လျှက် ငိုကြရာတသျှုတ်သျှုတ် ကြက်သီးဝှန်သည် လိပ်ပြာထွက်လုတ်လုတ်တည်း။ ဆစ္ဆီစုတ်မျောက်ရီငန် သူငယ်သားကို ဖမ်းစားဟန်သို့ မျက်ဆန်ခပြူးပြူး ဆံပင်ဖားရား ၀မ်းဖားဖားနှင့်၊ ခြီကိုကားရားပြုလျှက် ဖားပြုတ်အသွင် မြန်မာအောက်သားများ ပြီးငြားလားလီကျင်သည် ငွေတောင်ပေါက်ဝကလေး။

အပိုဒ် (၁၀)

ငွေတောင်ပေါက်က ပြီးလားပါသည်ယင်းခါတွင် မြန်မာင၀န်မင်းလည်း သဲဖျားကြက်သီးဝှမ်၍ ကြံရှာမရ ဘီလူးမတန်းခါးဝမှ ပြီးလားလီပါသည်တည်း။ ပန်းဈီးမြောင်းကိုကျော်လွန်မြောက်၍ မိုးကြိုးဂျိုင်ကို စိုင်ကာလားလီပါလျှက် ၀က်ချောင်းကို လွန်၍တက်လီပါသော် ချင်းရွာတောင်ခြီနား ပုန်းလျှိုးကုတ်ရှုတ်ကာ မြန်မာအတွင်းဝန်သည် ဧကန်အမှန်ပြီးလီပါက တသောသောရှာသောအခါ ဂျီဒရယ်သည် ဆတ်ငယ်ကိုယ်အလားသို့ လမ်းစပ်ကြားခြုံထဲမှာ မြန်မာမြို့သူကြီးကို အလျှင်ဖမ်းမိပါ၏၊ သက္ကရာဇ်မှာ တထောင်ဖြစ် တရာ့သျှစ်ဆယ် စွန်းဝယ်ခုနှစ် (၁၁၈၇) ခုနှစ် တန်းခူးလဆန်းဆယ့်လေး (၁၄) ရက် သောက်ကြာနိ တပိုဝ်ကျော်နီထွက်တွင် ရန်ခပ်သိမ်းကို ပျောက်ငြိမ်းအောင်မြင်ပေက ဓည၀တီ ရခိုင်ပြည်ကြီးတွင်၌ ပုရိန်ပြင်အထဲမှာ မြသွင်နတ်ကို ပသပူဇော်ပါလျှက် ကောင်းသည့်ခါနိရက်ဝယ် ရဲမက်ဗိုလ်ပါ လူတကာကို ယင်းမှာစုရုံးစီ၍ ရခိုင်ပြည်မြို့ထဲမှာ ဘာသာလျှောက် ပြောင်းမီးပေါက်ကို ပစ်မြှောက်ပူဇော်ပါလျှက် မြန်မာပိုင်ကာလ မြန်မာဘုရင်နန်းသက်ဖော်၍ မြန်မာတိုက်ဝန်တည်ထားခသော ရွှီဂူမစေတီကို ဖြိုဖျက်ကာပစ်လျှက်ပေ ယင်းတောင်ထိပ်မှာ အိမ်ကြီးဆောက်လုပ်စီ၏၊ သိုက်ထွက်စာကိုလိုက်၍ မြန်မာများသည် ငရို့ပြည်သျှင်မင်းကြီး ကောလိယမင်းတည်လုပ်ပါသည့် သျှင်တော်မဟာထီးကို ချိုးဖဲ့လွှင့်ပစ်ကာ စောမွန်တည်ပြု၊ မင်းဗာလုပ်သည့် တံတိုင်းမြို့ဝင်းတော်ကိုလည်း ဖြိုဖျက်ပစ်လီသည်တည်း။၊ နောင်ခါဝယ်တုံပြီးမှ အကျွန်ုပ်အား ယင်းတွင်အာဏာချလျှက် ဂူရာနှင့်မြင်းစီးစစ်သည်စဖာအိတ်များနီဖို့ လိုင်းအိမ်တော်ကို ဆောက်လုပ်ကာပီးရမည် တောင်းလတ်ပါသော် လွတ်လပ်ခန့်ခွဲပေလျှက် ၀ါးသက်ကယ်ကြိမ်သစ်ပင် ဗဲကပ်သားနှင့် လျှင်စောဆောက်လုပ်ကျင်၏။ ရာထောင်မကသော အိမ်များကို ဆောက်လုပ်ပီးရပါ၏။ ယင်းခါတဌာန ရာပသိန်သတ်က ရမ်းပြည့်မြို့နှင့် သံတွဲမာန်အောင်၌ဟိနီသည့်အောက်သားများကို ဇော်နေ (General) မယ်ကာရီသတ်အား လွတ်လပ်တိုက်ခီဆိုက ကတ်တင် (Captain) ဗိုလ်မေဇော်သတ်သည် မြစ်မှာစင်းချင်းစပ်မျှ သင်္ဘောစီးကာ လွတ်လပ်ချီလားပါသော် မာန်အောင်မြို့မှာ လျှင်စောရောက်လီ၏တည်းလေး။

(ပင်းဝါ၊ မြောက်ဦးသိမ်းတိုက်ပွဲ ဤတွင်ပြီး၏)

အပိုဒ် (၁၁)

မာန်အောင်မြို့ကို လျှင်စောရောက်လီကျင်က မြန်မာများနှင့်တိုက်ပြန်လီသောအခါ မြန်မာဝန်ရဲစက်ကေသည် ကြောက်ဝှန်ငြားမကြံသာ ကိုယ့်မယားကို လက်ဖျားဆွှဲကိုင်ကျင်လျှက် များတကာဖော်မရ နှစ်ယောက်တည်းပင် တောထဲဝင်၍ ခြုံတွင်ပုန်းလျှိုးနီလျှက် တခဏနီသောခါ ဇော်နော် (General) မက်ကာရီသတ်သည် ၀န်းပတ်ထားလျှင်းပါ၍ ဖမ်းဆီးကာယူ၍ပေ နှစ်ယောက်စုံကို လွယ်ကူရလီသည်တည်း။ သင်္ဘောတွင်ဆောင်ပြီးခါ ကုလီကတ္တာမြို့သို့ လျှင်စွာပို့လီပါ၏၊ ရမ်းပြည့်ဝန်မောင်ယံလည်း အကယ်ကြားလီတုံက မောင်ဗျဲအခွန်ဝန်နှင့် နှစ်ယောက်သားတိုင်ပင်၍ ငါတို့အားလုံးသူသည် အသတ်ခံရတော့မည်။ သူရို့မရောက်ခင် မြို့ကိုလွှတ်ကျင်လျှက် ထွက်၍ပြီးကြပါအံ့။ ပြောတိုင်ပင်ပြုပြီးခါ မြန်မာများသည် လျှင်စောထွက်လားပြီးလီပါ၏၊ သံတွဲမှာတဌာန မြန်မာမြို့သူကြီးငပန်းစံကို လျှင်မြန်ခွတ်ထစ်သတ်ပစ်ပါ၏။ မြို့ဝန်ရွှေမန်းစသော မြန်မာများသည်လည်း သောသောရုရုဆာလျှက် တောင်ရိုးစီး၍ ပြီးငြားလားလီပါသည် အရှိနိုင်ငံပြည်သို့တည်းလေး။ ဖမ်းဆီးဖွေရှာမရ သုံးမြို့စုံကို လက်ဝယ်သိမ်းရုံးရ၏။ ပိုးလောက်မျှတကောင်ပင် မြန်မာများကို ငေါက်ငေါက်ထောင်၍မမြင်ပါတည်း။ ရခိုင်ပြည်မြို့ကြီးမှာ ရာပသိမ်သတ်က ငါရို့ပြည်ရွာ ကျွန်းများစွာဝယ် တန်သည့်သူကို အရာခန့်အပ်မည်ဟု ပြောဆိုလီတုံသောခါ အသီးသီးသော ကိုင်းချောင်းကျွန်းများစွာကို ကျွန်းအုပ်ချောင်းစားခန့်၍ ပရန၀ါ ထိုခါပီးဆင့်ခတ်နှိပ်ပါ၏။ နောက်တထပ်အမိန့်တော်ချမှတ်တော်မူသည်ကား ငါ့ထံမှာမြဲခစား အကျိုးတော်ကို ပြီးအောင်ဆောင်ရွက်ငြား၍ သော်တလီအောင်ကျော်ရွှီအား ပီကျွန်းနှင့်ယိုးကျွန်း ဦးရစ်တောင်လည်း ယင်းတွင်ပါစီ၊ ပီချောင်း၊ လေးမြို့၊ ယိုးချောင်းနယ်လည်း ထိုခါထည့်လိုက်ပါ၍ အကျွန်ုပ်အား ကျွန်းအုပ်အရာခန့်လျှက် သားစိုင်မြီးဆက် မပျက်စားလီစီတည်းဆိုပေသောအခါ ဖွဲ့ဒါးကြီးသည် ငါးရွက်စာကို ပရန၀ါဆတ်ကြီးခတ်၍ လျှင်စောပီးလာသည်တည်း။ အကျွန်ုပ်လည်း ကျွန်းချောင်းဖျားကို သိမ်းငြားပြုစုပါ၍ သင့်ရာရာအားလုံးကို ကိုယ့်မှာသားရင်းပမာသို့ ချမ်းငြိမ်းသာယာမစပါ၏။ ရှိပြုကုသိုလ်ကံအကျိုးကြောင့် မိဘရပ်မြီရခိုင်ပြည်မှာ လွယ်လွယ်ရောက်လာပြန်၍ မွီးမိခင် နို့သျှင်ချွေးမများနှင့် မခြားဆံတမျှင် တရက်မကွာချင်ဘဲ စံပျော်ပါးတသောသော နွှဲပျော်ရွှင်နီရပါသည် ရှိသံသာ ကြမ္မာဘုန်းအကြောင်းကြောင့်တည်းလေး။

အပိုဒ် (၁၂)

ဘုန်းကြောင်းဧကန် နီရပြန်သည်ယင်းသောအခါ ရာပသိန်သတ်က ရခိုင်ပြည်တွင် ဇင်ပတ္တင်ကို မြို့ဝန်ခန့်အပ်မည်တည်း။ ရမ်းပြည့်ဝယ်ငါလားခါ ဖွဲ့ဒါကြီးလည်း မပြတ်နောက်တော်မှာ၌ ချီလားရာပါရမည်။ အောင်ကျော်ရွှီသော်တလီလည်း ငါ့ဆီလိုက်ရမည်ဟု ပြောဆိုလီသောအခါ ပတ္တင်သတ်ကို မြို့တွင်ထားလတ်ပါ၍ မိုးပွဲသော်နောင်အခါ စစ်တွေကျွန်းကို မြို့ကြီးတည်လုပ်ပေဟု ပြောပြီးနောက်မှ သင်္ဘောလှီတွင် ၀န်ဆန်ပျင်၍ မင်းအာဏာကြောင့် မနီရသည် အလျှင်ချီကြွလားလီပါက မွီးမည်တော်ရွှီနို့သျှင် အလျှင်မွီးသည် သမီးဦးလှပန်းသွင်နှင့် သားဦးထွန်းအောင်ကျော်ကို ဖခင်အောက်မိကာ နောက်တော်လားပါလီရာ လားလျှင်းပါသော် ထိုမှာ ၀ံဘိုဝ၌ ဆိုက်ရောက်လီသောအခါ လီသင်းထုံးသည် မုန်တိုင်းဟန်ပမာသို့ ထလတ်ပါ၍ ရွှီနို့သျှင်သည် မိခင်ချွေးမများကို အောက်မိတကာကာနှင့် တဆတ်ဆတ်သည် မပြတ်လားလီပါ၍ ရမ်းပြည့်သို့ အများမကြာ ယင်းတွင်ဆိုက်ရောက်ပါက မာန်အောင်နှင့်သံတွဲမှာ ဟိသမျှလူကြီးလူငယ်သော်ကား ၀မ်းသာအားရ လာလတ်ပါသည် သင်္ကြန်ပွဲမကတည်း။ ရိုတုတ်ကွအသွယ်သွယ် အသျှင်ထံတော်ဝယ်၌ ခယထွေနီသောခါ တန်သည့်သူကို ယင်းတွင်ရွီးချယ်ပါလျှက် ကျွန်းချောင်းမှာအသီသီး သူကြီးအရာခန့်အပ်ပါသည်။ ယင်းမှာဆတ်ခတ်ပြီးလျှင် လွန်ချမ်းငြိမ်းသာယာစွာ လေးမြို့စုံကို ညီအောင်ပြုလုပ်ကျင်၍ အရှိအင်းဝပြည် မြန်မာသျှင်ဘုရင်ကို ငါပင်တိုက်ချီမည်ဟု နောက်တော်ဝယ်မြဲမကွာ အောင်ကျော်ရွှီနှင့် ဖွဲ့ဒါးလိုက်ရမည်ဆို၍ သုံးပင်တိုင်သည် လှီယာဉ်သင်္ဘောထက်၌ လက်နက်ပြောင်းဇ၀ါ၊ သေနပ်များနှင့် ခဲယမ်းဗုံးစက္ကြာကို စုံအောင်ယူ၍ မီငုံသတ်လည်း ယင်းခါပါလီပါ၏။ အေသျှိမ်သော်ရာသတ် သျှင်ဘုရင်မှာ မြတ်ရာစီခန့်လွှတ်၍ ဗေတင်တတ်ပုဏ္ဏားတော်နံဒရင်နှင့် အမှာတော်ရွီး၊ နားခံငအုတ်ကေ၊ သားမယားနှင့်မကြွင်း ယူလီသည်တည့်။ ချီတက်လီတုံသောအခါ မွီးမိခင်ကို မမြင်ခရပါ၍ မေ့ချစ်စသည် နွမ်းလျော့စိတ်ဗျာပါနှင့် မွီးမည်တော်အိုယိုမစွမ်း သားကိုတ၍ လွမ်းပူပင်လျှက် ရောဂါစီး၍ မချိဟိလတ်မည်ကို စိတ်တွက်လျှက်သာ လီပွီမုန်တိုင်းထသို့ မျက်ရည်ယိုစီးကျလျှက် တမ်းတအောက်မိတကာကာနှင့် လှီသင်္ဘောထက် အကျွန်ုပ်ရို့နောက်တွင်ပါလီပါ၏၊ ချီလားရာယင်းကပင် သီတာမြစ်ကို လွှင့်ငြားတက်လီပါသည် ရန်ငုမ်မြို့ရွာသို့လေး။

အပိုဒ် (၁၃)

ရန်ငုမ်မြို့ရွာ ထွက်လားပါသည်ယင်းခါတွင် ကမ်းမမြင်သီတာမှာ လိပ်ကျောက်ငါးမန်း ပြွန်းပြွန်းပေါ်ပြန်လာက ငါးဆင်၊ ငါးတောက်သူလည်း ရီတွင်ဖြိုထိုးကြ၏၊ လင်းသျှူကပေါ်ကာကာ ရီမီးကျောင်းလည်း ကိုက်မည်ချည်းသာရှာလျှက် ပြင်သာမှာတဌာန ပတ်ကာဝန်းကာ ရစ်၍လာပါသည်။ လိပ်ငါးမန်း၊ ဆောင်းရှား၊ ငါးဒရှည်မှာ ရီတွင်ခုန်လွှားပြန်လျှက် ကဇတ်ဟန်သူ့ဘာသာ ငါးသဘင်ကို ယင်းတွင်မြင်ရပါ၏၊ ဝေဘူမှာမျောလျှက်၊ တင်းကျိတ်ငယ်လည်း ရီတွင်ငုတ်ကာစားလျှက် ဇင်ယော်နားပင်းက မြစ်လယ်ကြောဝယ် သောသောပျံဝဲကာနှင့် ကြိုးကြာမှာတဌာန အခြီစင်းစင်း လိုင်ကြင်းကြင်းနှင့် ခုန်ဆင်းခုန်ဆင်း၏၊ ရီငှက်မဟင်္သာမှာ မောင်နှံနှစ်ပါး တူစုံလား၍ တောင်ဖျားယှက်ခြုံကာနှင့် အစာခွန့်လျှက် လိုင်ချင်းယှက်တင် မြူးပျော်ရွှင်သည် ရီတွင်သဘင်ငှက်များကို မေ့ချစ်သက်မြင်သောခါ သားဦမိခင် ငယ်ကျွမ်းဝင်ကို ယင်းတွင် တွက်မြင်လာသည်တည်း။ မြစ်သီတာလွှင့်ကာလား ဖီးဖိုးစိုင်လာ ရံခါမရောက်ငြားဘဲ တလိုင်းများတိုင်းပြည်ရွာ ရန်ငုမ်တွင် လျှင်စွာရောက်လီကျင်က သူ့ပြည်ရွာဌာန၀ယ် ရီလည်းမတူ စားမူရွံ့ရှာဖွယ်ကြောင့် အကျွန်ုပ်နောက်ဝယ်ပါသူများ စာကိုင်နားပေါက်ကယ်နှင့် ဖောင်ရှီခိုင်းစေသား၊ တိုက်စိုးတိုးအောင်ကြွယ်၊ အိုးဖောက်ကယ်၊ စံရှီဖော်နှင့်၊ ငကြွင်းယေ၊ ကုလားမုန်သီးသာ၊ ဖွဲဒါကြီး၏ယောက်ဖ အကုန်သူမှာ ကာလနာလိုက်၍ တနိတည်းမှာ ကျင်းကျင်းစုတေ့သီကုန်ပါ၏၊ အစံယေပျာဒါကား လမ်းလားရာမှာ ခန္ဓာစုတေ့ငြား၏။ ရန်ငုမ်ရောက်သောအခါ ဒလဖက်မှာ ဟိသည်တလိုင်းစုဝယ် ရွှင်ပျော်မြူးစားသောက်ကာ လင်နှင့်မယား သမီးသားသည် ပျော်ပါးနီခြင်းရာကို မျှော်ကြည့်မိတုံကာဝယ် ပန်းသွင်မိခင် ငယ်ကျွမ်းဝင်နှင့် နို့သျှင်ချွေးမငယ်ကို အောင့်မိပေတုံသောအခါ ကိုယ်တွင်အသက် ထိပ်သို့တက်၍ ဇောသွီးပြန်လတ်လျှက် ကာလနာယှဉ်း၍ပေ အသက်လိပ်ပြာ သူ့ခန္ဓာသည် ယင်းခါထွက်လုဖွယ်တည်း ဖြစ်လတ်ပေတုံသောအခါ အနိစ္စနှင့် ဘုရားသာမပါဟု တိုင်တန်းကာကိုးကွယ်မှ ဖီးခပ်သိမ်းသည် ပျောက်ငြိမ်းချင်းချင်းကုန်က မြို့ရန်ငုမ်ရပ်ကို ပါယ်ယှောင်ထားခပါ၍ ချီတက်လားလီပါသည် အင်းဝမြို့တော်သို့လေး။

အပိုဒ် (၁၄)

အင်းဝမြို့တော် တက်လားပါသည်ယင်းခါလျှင် လက်ဝဲတွင်ဒလ၊ သရက်တပင်ထိပ်ဝတွင်၌ လျှင်လျှင်ဆိုက်ရောက်ကျင်က ချီကြွတက်လားလီသောအခါ လက်ယာမှာ ရန်ကင်းစံရာတည်း။ ဓနုဖြူ၊ကို ပါယ်ယှောင်၍ချီလီမူကား လက်ဝဲတွင်ဟင်္သတ၊ ထို့နောက် လက်ယာဝယ် ညောင်ဇရဲဟန် နာမရန်နှင့် ရွှေတောင်မြို့သို့ရောက်လီ၍ လက်ဝဲဖက်မြစ်နားမှာ ပုတောင်းမြို့ကို လျှင်စောရောက်လီပါက မြန်မာများသည် ညည့်ခါသူခိုးလားသို့ ကုတ်ရှုတ်ကာ ပုန်း၍လာလျှက် လမ်းစပ်ကြားခရီးမှာ ခိုးလျှက်သတ်မည်လာတုံပါက ချောင်းမြောင်းတောင်ကြား သီပျောက်များ၍ ရွံ့ငြားမလွတ် ထွက်ပြီးလားကတ်လီသောအခါ လျှင်လျှင်ချီတက်လာလျှက် ပြည်မြို့သို့ရောက်လီပါက ယင်းမှာ ကိုးသောင်းဗိုလ်နှင့် တွိကြုံပါ၏၊ ကြက်တောင်ဗိုလ်ဟု နာမဟိုးဟိုးကျော်လျှက် ဇော်နေ (General) ကမ်ရိသတ်ဗိုလ်ချုပ်ကြီးနှင့် တိုင်ပင်ပြောကြားကြီးကြပ်လျှက် မျက်မှန်ဗိုလ်ဟုနာမည်ကျော်သော မေဇော်ဇောသျှိန်သတ်တပ်ဦးဗိုလ်လည်း ယင်းတွင်ရောက်လာပြန်က ပျော်မှုဆင်၍ စားသောက်ခါ ယင်းမှာနီကတ်ပါသည် ပြည်မြို့ရပ်ဝယ်တည့်လေး။

အပိုဒ် (၁၅)

ပြည်မြို့ရပ်မှာ နီလျှင်းပါသည်ယင်းခါတွင် မြန်မာအောက်သား မိမ္မဗိုလ်သည် ယင်းတွင်ရောက်လာငြား၍ ပြည်မြို့အနီးရသေ့မြို့တွင် တပ်စွဲလာလျှက် လက်ဝဲမှာန၀င်းတပ်၊ ၀က်ထီးကန်မှာ မှန်စွာတပ်ကြီးရပ်၏၊ ကမ်းစပ်မြစ်နားမှာ ဖိုးဦးတောင်သည် မြင့်ခေါင်အထွတ်ချာ၌ တပ်စွဲကာနီလျှက်ပေ မြေထဲမြို့မှာ တတပ်တည်လျှက်နီ၏၊ ကခုန်ကာတသောသော ဟစ်မောင်းကြော်၍ သံဝါခြိမ့်ခြဲအ်ာလျှက် အမှားမှားအောက်သားမှာ ကောင်းမည်ထင်လျှက် ယင်းတွင်နီကတ်ပါ၏။ ကိုးသောင်းဗိုလ်ချုပ်ကြီးတပ်ဦးဗိုလ်ကို ယင်းတွင်အာဏာပီးလျှက် မြို့အနီးမြန်မာတပ်ကို လက်ဝဲကြောင်းချီဆိုလျှက် လက်ယာကို ငါတက်မည် မြင်းစီးများမှာ တောကပုန်း၍နီလော့၊ ပြောလတ်ပြီးတုံသောအခါ ရဲမက်များနှင့် လျှင်စောချီတက်ပါ၍ တပိုကျော်နီထွက်ဝယ် မြန်မာတပ်ကို၊ နင်းလျှက်တိုက်လီကျင်က ဂူရာသည်စာဖာအိတ်၊ မြင်းစီးများနှင့် သတ်ကတ်လီသောအခါ မြန်မာများမှာ လယ်မှာစပါးရိတ်သို့ ဗိုလ်လုပ်သူ မိသျှင်သဲလည်း ယင်းတွင် နိစ္စခန္ဓာကုန်၏၊ နီဝင်မူလည်း မြန်မာတပ်များမှာ ပြီးငြားမလွတ်ပါတည်း။ ရဲမက်တော်ဂူရာများ ရှာဖွီတိုက်သတ်ငြားက ၀က်ထီးကန်တပ်ထဲနီ အောက်သားမိုက်များသည် ကျင်းကျင်းမြုတ်လျှက်သီ၏၊ မိုးဦးတောင်ထိပ်က ဗုံးစက္ကြာကို ဆင့်ကာလွှတ်လိုက်ပါက မြန်မာအများ ပြီးငြားမလွတ် တောင်ကြားချောက်မြောင် နှမ့်အောင်ဖြန့်လျှက်သတ်၏၊ မြေထဲရပ်တပ်များကို ဂူရာစစ်သည်များက ပြီးလွှားတိုက်သတ်ပါက မြန်မာတပ်များသည် ကြောက်ဝှန်ကြီးစွာ အလျှင်ထွက်ပျာပြီး၏၊ ရန်တစိမပေါ်လာ မြန်မာများကို လျှင်စောနိုင်နင်းပါသည် ဘုန်းတော်အကြောင်းနှင့်လေး။

အပိုဒ် (၁၆)

ဘုန်းတော်အကြောင်းကြောင့် နိုင်နင်းပါသည်ယင်းခါလျှင် ပြည်မြို့ရွှေဆံတော်စေတီကို ယင်းမှာပူဇော်ပြီးမှ အသီးသီးချီလတ်ရာ မီးသင်္ဘောသည် ရီကြောင်းဆန်တက်ပါ၏၊ ကုန်းကြောင်းမှာတစလား နှဲပြီခရာ ဗောမှုတ်ပါသည် ပတ်သာအငြိမ့်များနှင့် ဆင်မြင်းရထား အနန္တသည် ရွီတွက်မရပါတည်း။ သူရဲတော်သိန်းသန်းကုဋီ လေးပါးစစ်အင်အားဖြင့် ချီတက်လားလီတုံသောအခါ ကာမမြို့ကို လက်ဝဲထားခပါလျှက် လက်ယာမှာ ဆင်ပေါင်ဝဲ၊ သရက်မြို့ကိုလွန်၍ တသဲသဲချီတက်ခါ ပဌနဂိုမြို့သို့ရောက်လီပါက ဆိုင်းရပ်တပ်ကြီးချလျှက် များဗိုလ်ပါသည် ယင်းမှာစုရုံးပါ၏၊ အနောက်ဖက်မြစ်နား မလွန်မြို့မြန်မာတပ်ဝယ် ပခင်းမင်း၏ညီအထွီးဆုံးကျီဝန်မင်းကို အကြီးပြုလျှက် ကောလင်းမင်းက တပ်မှုးအရာ ယင်းတွင်ပြုလုပ်သည်တည့်။ အာသံကိုတိုက်ချီသူ သီလ၀သည် စစ်ကဲပြုတုံလျှက် နားခံတပ်ထောက်ကား ဇေတဗိုလ်ပြုလုပ်ပါ၏၊ စကားပြန်ဒါဝိုက်ကေကို အမှန်တည့်တည့်ထားလျှက် အကျွန်ုပ်ရို့ သူရဲတပ်သုံးတပ်မှာ ငါးသောင်းလောက်ဟိပါ၏၊ နီလတ်ခါတုံပေ မလွန်တပ်ကို နင်း၍တိုက်ယူမည်ဟု ကြံလတ်သည်အခါတွင် မြန်မာမင်းက တမန်စီလွှတ်ကျင်၏၊ တပ်ကိုလျှင်ဆိုင်းရပ်ပါ၊ အမီးပုစ္ဆာပြသနာကို ပြီးအောင်ဖြေကြားပါအံ့။ ပြောလတ်တုံပြီးခါ မြစ်လယ်ကြောတွင် လှီဖောင်ဖွဲ့လုပ်နီ၏၊ မြန်မာကျီဝန်ကြီး၊ ကောလင်းမင်းသား လျှင်စောရောက်လာငြားက ဗိုလ်ချုပ်ကြီးကြက်တောင်ဖန်၊ ရာပသိန်သတ်မင်းမြတ်လားမည်ကြံက မျက်မှန်တပ်ဦးဗိုလ် ဇောသျှိန်းသတ်သည်လည်း နောက်ထပ်လိုက်မည်ဆို၍၊ သုံးပါးဗိုလ်ပေါင်းပြီးခါ မြစ်လယ်ဖောင်မှာ လျှင်အောင်ချီလားလီပါလျှက် နှစ်ဖက်မင်းစပ်ကြားမှာ ဒါဝိုက်ကေသည် ထိုဝယ်ပြန်၍ပြော၏၊ မြန်မာများကူး၍ပေ နတ်မော်ရပ်က ဖမ်းယူထားသည့် ရဲမက်ငယ်စဖာအိတ် အမိရိကာ ထိုမှာအင်္ဂလိပ်ကို ယူဆောင်ပြီးပီးပါမည်၊ ဆယ့်ငါးရက်နှင့် လိုသည်စရစ်ကို ပြေလည်အောင်ပီးဆပ်က ရန်ကုန်မြို့သို့လျှင် လျှင်စောဆုတ်လီပါလော့၊ ကျုပ်တို့မြန်မာများ နောင်တခါ ခိုက်ရန်မပြုလုပ်တော့ပါဟု ပြောဆိုရာနှစ်ဖက်သား လက်ဝါးရိုက်ကာ စာချုပ်ချုပ်လျှက် မှန်စွာကတိထား၍ ပုဏ္ဏားဆရာတော်နံဒရင်မှာ အမှာတော်ရွီးသာကာ နားခံငအုပ်ကေ အကုန်သူကို ယင်းတွင်လွှတ်ပေလျှက် ဗိုလ်ခြီရဲမက်အများ ဆယ့်ငါးရက်ကို ဆိုင်းငံစောင့်နီပါသည် ဥစ္စာကတိနှင့်လေး။

အပိုဒ် (၁၇)

ကတိသစ္စာ စောင့်နီပါသည်ယင်းခါတွင်၊ (ပီဆက်) မြန်မာသီလ၀ ကူး၍လာကာ ပြောဆိုလာသည် မြင်းပြိုင်စွဟု အရှိကမြင်းကို စိုင်း၍ပြီးသော် ငှက်သွင်လျှင်လှပါ၏။ အနောက်မှာ မြန်မာမြင်းများ ပြီးမလျှင်သည် နောက်ဖင်ကားရားနီ၏။ ထိုအခါ မျက်မှန်ဗိုလ်သည် မာန်ကြီးထလျှက် ခုလျှင်စောမြင်းယူခီ ပြိုင်၍ယှုံးသော် မြင်းကိုယူမည်ဟု လက်ဝါးရိုက်ပြီးမှ ငါးစီးမြင်းကို မြန်မာများမှာယူကြလျှက် မြန်မာဖက်က မြင်းစီးကသည်းမျိုးကို အစီးအပ်လျှင်းပါ၏။ ယင်းသောခါ မျက်မှန်ဗိုလ်အိမ်ရာဇီသည် ကတ်တင် (Captain) ဖလောင်းပျိုခေါ်၍ မြင်းအပ်ကာ၊ နှစ်ပါးစုံသည် အတူရပ်ပါ သိန်းသန်းဗိုလ်ပါလူသူများ ရှုကြည့်ရာသည် သဘင်ပွဲအလားတည်း။ မြင်းနှစ်ပါးစိုင်းသောအခါ အိမ်ရာဇီသည် အသျှင်မြင်းတုံသော်ကား ထက်အာကာငှက်ပျံဟန်၊ မြန်မာမြင်းကာ နွားလား၏သဏ္ဍန်သို့ ပြောင်းကာပြန်နောက်ကသာ သုံးခါစိုင်းသော်လည်း တချက်မမှီပါတည်း။ တစီးယှုံးတုံက နောက်ထပ်တစီးပြိုင်၏။ စိုင်းပြန်လီသောခါ၊ သုံးခေါက်လုံးကို တချက်မနိုင်ပါတည်း။ သောင်းသောင်းကြော်လက်ခုပ်ခတ် ယှုံးသည့်မြင်းကို သိမ်း၍ယူတုံလတ်က မြန်မာသီလ၀သည် အရူးပမာ ရှက်၍ပြန်လားပါလျှက် စာချုပ်ရာကတိရက် စိသောအခါ ငွေတော်မပီးဆက်၍ ကြန့်ကြာလျှက်ကျူးလွန်ခါ ရာပသိန်သတ်က မြန်မာများ ကတိမမှန် လင်းပြန်လူပျက်သားကို တပ်ဦးက မျက်မှန်ဗိုလ် (-----)၊ အောင်ကျော်ရွှီလည်း ယင်းမှာလားခီဆိုလျှက် ကိုးသောင်းဗိုလ်ကြက်တောင်ဖံ၊ ရဲမက်များနှင့် အသင့်စောင့်နီပြန်ဟု အာဏာချလတ်တုံသောအခါ မျက်မှန်ဗိုလ်နှင့် အကျွန်ုပ်ရို့အားလုံးသော်ကား လားလာရာတုံကပေ မလွန်တပ်မှာ လျှင်စောရောက်လီသည်တည်း။ မြန်မာကျီဝန်ကြီး ကောလင်းမင်းကို အယင်စကားမီး၏။ ထက်ကတိစာချုပ်မှာ ပါသရိကို အခုပီးအပ်ပါလော့။ မပီးသော်နက်ဖန်ခါ၊ နီတပိုတွင် အမှန်တိုက်လာမည်တည်း။ ပြောဆိုပေတုံသောအခါ ကျီဝန်မင်းသည် ချက်ချင်းတုန်လှုပ်ပါ၍ ကြောက်ဝှန်ကာမခံချိ၊ ငါးရက်ဆီကို ငံ့တော်ပြုပါဖိလော့။ ထက်ကတိဟိတိုင်းကို၊ ပြည့်စုံအောင်သည် ကျွန်တို့ပီးမည်ဆိုက မနာလိုငြင်း၍သာ မျက်မှန်ဗိုလ်နှင့် အကျွန်ုရို့ပြန်လာလျှက် လျှောက်လတ်လီသောအခါ နက်ဖန်ရက်မှာ လျှင်စောတိုက်မည်ဟု လက်နက်ဗုံစက္ကြာ၊ မီးကျည်တန်းနှင့် ရဲမက်ဗိုလ်ပါများကို အသင့်စီမံ၍ ထားလျှင်းပါသည်၊ တိုက်မည်အမှန်တည့်လေး။

အပိုဒ် (၁၈)

တိုက်မည်မှန်စွာ မိုးသောက်ပါ၍ ယင်းခါတွင် တပိုလျှင်နီတက်ခါ ဗုံးလက်နက်ကို တချက်လွှတ်လိုက်ပါက ထက်အာကာဝတိန်၌ ၀ရဇိန်အဟိန် မိုးကြိုးထစ်သို့ ကျတုံလစ်ယင်းတပ်မှာ လယ်စပါးကို ကြဲ၍ပစ်ခြင်းရာသို့ (ပီဆက်)
ဆင်မြင်းလူသူအများမှာ တချက်မှန်သော် ဧကန်မရဏတည်း။ မီးကျည်လက်နက်တော်အား တချက်ပစ်သော် ထွတ်ဖျားထက်အာကာသို့ ပျံဝဲကာတက်လီငြား သက်လတ်ပါသော် တပ်မှာမြီခေါင်းများ၌ ရှာတုံငြားမွှီ၍သာ သတ်လတ်ငြားသည် လူ၏ဟန်ပမာသို့ ဂူရာရဲမက်ကား ဇေရာဝတီမြစ်ဖျားကို ကူးလားငြားလိုက်၍ပေ မြန်မာတပ်ကို ၀င်လျှက်ခွတ်သတ်လီ၏၊ ညီတော်မင်းမြဖုံး ကျီဝန်ကြီးသည် ထိုခါတောမှာပုန်း၍ တပ်ပြတ်လုံးအောက်သားမှာ ကိုးကွယ်မရ လွန်ကြောက်လှ၍ လျှင်စောပြီးလီပါက တိုက်ကတ်ရာတခဏ သုံးတပ်စုံကို လွယ်ကူချက်ချင်းရ၏။ ချီတက်လားလီခါ မကွေးမြို့တွင် လျှင်ပြင်းရောက်လီသော်ကား နောက်တော်ပါဖွဲ့ဒါကြီး၊ အသောင်းဒူလာ၊ ထိုမှာရောဂါစီး၍ မကွေးမြို့တွင် မရဏသည် နိစ္စရောက်လီကျင်၏။ လားလီလျှင် ၀က်မစွတ်၊ ရေနံချောင်းကို လွန်၍ချီတက်လာလတ်ပြီးမှ လက်ယာမှာ စလေမြို့၊ လက်ဝဲဖက်တွင် ဆင်ဖြူကျွန်းနှင့် ကျားပင်းဆိပ်က တသောင်းလောက်မြန်မာများသည် စလင်းမြို့တွင် တပ်နှင့်စောင့်နီကျင်လျှက် ဗိုလ်ချုပ်မူကား မိဖုရား၏မောင်ရင်းတော်သည်ဟူ၏။ ဇာတိထောင်မှုးသားယောက်ဖတော် သခင်ကြီးဘုရားခေါ်တွင်သော မောင်အိုအောက်သားမိုက်သည် မိမ္မဟန်ပမာသို့ သတင်းကြားကာမျှ စစ်မရောက်ခင် အလျှင်ထွက်ပြီးနှင့်၏။ နှမနှင့်ယောက်ဖ နှစ်ယောက်စုံသည် ထံရင်းတော်ပါး ရောက်လီငြားသော် ကြောင်းလျားလျှောက်ခြင်းရာကား အယှိုတ်တက်ကာငို၍ပေ ပြူးတူးကြက်တက် အောင့်လျှက်ထိုသည်နှယ်သို့ ရှုံ့တွမျက်နှာ ပြောလတ်ပါသည် လျှင်စွာပြီးလီတော့လား၊ တိုက်သတ်ကြဆိုသောခါ ပြီးမလွတ်ဘဲ မချွတ်သီမည်သာဟု တိုးတိုးချပ်ချပ်ပြောဆိုလျှက် ချီးယိုပါသည် အောက်ပေါ်ဒေါလျားများ၏။ လူးလဲငြားဝမ်းခဲကွန် ခုချက်ချင်းသည် ကာလနာလိုက်သည့်ဟန်သို့ ဥပါယ်ပြု၍ ကြောက်ဝှန်ကြီးစွာ ယင်းမှာနီလျှင်းပါသည် နှမထံမှာတည့်လေး။

အပိုဒ် (၁၉)

(ရန်တပိုစာချုပ်အကြောင်း)

နှမထံမှာ နီလီပါသည်ယင်းခါလျှင် ချီတက်လားလီပါသော် လက်ယာဖက်မှာ အနန္ဒာဘုရား၊ လက်ဝဲနားကမ်းစမှာ တင်းကျီတောင်ဘုရားတည်း။ လက်ယာမှာ ပုဂံမြို့သို့ ဆိုက်ရောက်လီသောအခါ ယင်းမှာမြန်မာများက ဘုန်းတော်ကိုအာခံ၍ တပ်စွဲလျှက်နီပြန်၏။ ဂူရာပျံရဲမက်တော် မြင်းစီးစစ်သားများသည် လိုက်၍တိုက်လီပါက တသောင်းကျော်လူမက သီပျက်ပါသည် မြန်မာဖက်ကတည်း။ မြန်မာများ ထွက်ပြီးလီသောအခါ
ညောင်ဦးမြို့တွင် လျှင်စောရောက်လီပါက လက်ဝဲမြစ်ဆိပ်ကမ်း ပုခန်းကြီးမြို့ကို ကျော်လွန်၍ချီလားပါက (ပီဆက်)
ချင်းတွင်းမြစ်တွိခါ လက်ယာဖက်မှာ တရုတ်မြို့ဟိပါ၏။ ချီတက်သော်တုံကပေ ရန်တပိုမှာ လျှင်စွာဆိုက်ရောက်လီက ယင်းတွင်တပ်မချလျှက် မျက်မှန်ဗိုလ်မှာ လျှင်စွာချီတက်လာလျှက် နီလတ်ပေတုံသောအခါ မြန်မာမင်း၏ကျွန်ရင်းအမတ် လယ်ကိုင်းသားမြို့စား မင်းကြီးမဟာမင်းလှကျော်ထင်ဘွဲ့နာမည်တည်း။ အတွင်းဝန်ကြီး အခွန်ဝန်မှာ နာမည်ဘွဲ့တုံသော်လည်း မင်းမဟာမင်းလှသီဟသူဟု ယင်းမှာခေါ်ကတ်သည်တည်း။ နန်းတော်ဝယ် မောင်ရွှင်သံတော်ဆင့်လည်း ယင်းခါပါလျှင်းပါ၏။ ဆရာတော်ပါဒလီဇိန်သတ်ကို ရှိနီပြုလုပ်ပြီးလျှက် ခေါ်ယူလာ၍ မလွန်တပ်ဝယ် အထက်စာချုပ်ပါကို ခုယူပါပြော၍ ရွှီငွေင်္ဒဂါး၊ အများလက်ဆောင်နှင့် ဖမ်းလီသည်ဆာဖာအိပ် အမိရိကာ မှန်စွာအင်္ဂလိပ်ကို အပ်ဆက်ပြီးပီးမှသာ နှစ်ဖက်သားသည် လက်ဝါးရိုက်ပြီးခါမှ စာချုပ်လတ်ပါသည်။ အက္ကဗတ်ထွီ ဝေသာလီနှင့် အာသံမြို့လျှင်ပေတည်း။ မဏိပူရမှာ ရှိမင်းဟောင်းဂဘိရသျှိန်လည်း ပြန်၍မင်းပြုက မြန်မာမင်းမှာ ခိုက်ရန်မရှာရတည်း။ ထားဝယ်၊ ရဲမြို့၊ တနင်္သာရီ၊ ခေါ်သည်ဗိတ်မြို့နှင့် သံရှင်မြစ်ကို နယ်ခြား၍ ပိုင်လျှက်ယူတုံအံ့။ ရခိုင်ဓည၀တီ ဒွါရာဝတီသံတွဲစသား ရမ်းပြည့်နှင့်မာန်အောင် ဆယ့်နှစ်မြို့ကို ပိုင်ခြားသိမ်းယူအံ့။ ကျန်ကြွင်းရာမြို့များကို မြန်မာမင်းအား ငါရို့ပီးခမည်တည်း။ စရစ်ငွေအတွက်မှာ တကုဋီကို အမှန်ပီးပါအံ့လော့။ လေးပုံတပုံကား ရန်တပိုဝယ် ခုပင်ပီးအပ်လော့၊ တပုံကားရန်ငုမ်မှာ အခုနိက ရက်ပေါင်းရွီသော် တရာရက်တွင် ပီးတုံကျင်သောခါဝယ် တနှစ်တွင်းမှာ တပုံသွင်းရမည်တည်း။ တပုံငွေနောက်ပီးက ရန်ပုစ္ဆာကို နောင်မရှာရဟု နှစ်ဖက်မင်းများ ကတိထား၍ ယင်းမှာပြောကတ်ပါသည် တပ်မဟိရာတည့်လေး။

အပိုဒ် (၂၀)

တပ်မဟိရာ ပြောကတ်ပါသည်ယင်းခါတွင် ပိုင်စားနယ်ကို ခွဲဝီကျင်လီသောခါ ရခိုင်တိုင်းပြည် သံတွဲနယ်ကို တောင်ခွင်မော်ရုံထိ ရခိုင်မင်းတည်လုပ်သည့် မဟာစေတီကြီးကို မသိမကြားကွန် လယ်ကိုင်စားနှင့် ကျီဝန်ပြောကတ်ပြန်၏။ ပုသိမ်ဝန်စီရင်စု သံတွဲနယ်သည် အကယ်ပင်မဟုတ်တည်း။ မပီးအပ်ပါ ငြင်းခုံလတ်သော် အကျွန်ုပ်ပြောလျှင်းပါ၏။ လေးဆယ်ခြောက်ခုက ရခိုင်ပြည်ကို မြန်မာပိုင်လာလည်း ပုသိမ်ကမရပါ စေတီကြီးလည်း ရခိုင်မင်းရာဇာက တည်လုပ်ပါသည်၊ နယ်နမိတ်ဖြစ်ခြင်းဟန်ကို အကျွန်ုပ်ပြောလတ်ပါ၏။ စေတီထိနယ်ကိုပေ ရခိုင်ပြည်က အပိုင်ရလျှင်းစီတည်း။ အရှိပြည်အင်းဝမှာ စဖာအိပ်သည် သူရဲငါးကျိတ်ကျော်နှင့် ကတ်တင်အိမ်ရာဇီဗိုလ်တယောက်လည်း စောင့်၍နီအံ့။ ကုမ္ပဏီမြို့တော်မှာ ထားလိုက်ငြားသော် မြန်မာငါးကျိတ်ကျော်ကို မပြတ်သာစောင့်နီစီ၊ စစ်ရန်များကို မပြုလုပ်စီဟု သက္ကရာဇ်သည်တထောင်ဖြစ် တရာ့သျှစ်ဆယ်ခုနှစ် (၁၁၈၇) ခု၊ တပေါင်းလပြည့်ကျော် (၄) ရက်နိ တပိုအချိန်မှာ နှစ်ဖက်မင်းများစာချုပ်ထား၍၊ လက်မှတ်ချကတ်သည်တည်း။ သူ့ဘာသာ သူ့စရိုက် ပြောင်းဇ၀ါကို ထိုခါသံဆင့်ပစ်လျှက် လက်နက်ဗုံးစက္ကြာ မီးကျည့်တန်းကို အာကာမြှောက်လိုက်ပါ၍ ကျူးရစ်ကာပစ်တုံငြား ထိန့်ထိန့်ဆူသည် ဇမ္ဗူကျွန်းလုံးကြားမျှ ပျော်ရွှင်အောင်ပွဲခံလီသည်တည်း။ ဗင်တုတ်ရုတ်မှာ ကတ်တင်ဗိုလ် လောဗောသျှိန်တိန်အိမ်ရာဇီကို ယင်းခါစီလွှတ်ကလည်း ကတ်တင်နှင့် အကျွန်ုပ် နှစ်ယောက် အင်းဝမြို့မှာ လျှင်စောရောက်လီပါ၏။ နန်းတော်ဆီရောက်လီက မြန်မာမင်းနီရာတိုင်းကြီးမ၌ တံဆိပ်နှင့်ခတ်နှိပ်ပြီးခါ အပိုင်ခံ၍ လျှင်စွာပြန်လျှက်လာသည် တပ်မဟိရာသို့လေး။

အပိုဒ် (၂၁)

တပ်မဟိရာ ပြန်လျှက်လာ၍ရောက်ခါလျှင် ရာပသိမ်သတ်က စစ်သည်ဗိုလ်ပါရဲမက်များအား ခုလျှင်စွာ ပြန်ဆုတ်လားလော့ဆိုသဖြင့် ဗိုလ်လုံးသားသည် ပြန်လျှက်ဆုတ်လီပါ၍ ပုဂံသို့ရောက်က ရွှေစည်းခုံစေတီကို ပူဇော်လီသောခါ အောက်သားမများသည် ၀ိုင်းအုံကြည့်ရှုလာပါ၏။ မြင်ခီသော်ရွံဖွယ်အတိ အခြီစင်းစင်း လက်ကျင်းကျင်းသည် ၀တ်ခြင်းပင်ရင်မစိတည်း။ မွီးသည်မိအသရေ ပြင်ကိုထုတ်လျှက် မရှက်ပြနီ၏။ လက်ယာခြီဒူးဆစ်မှာ ခြည်မျှင်မဲကိုပတ်၍ချိုင်ထားပါလျှက် သားမြတ်မှာချက်အထိ အသားမဲမဲ သွားကြဲကြဲသည် ခေါင်းလည်းခပိပိနှင့် မျက်စိလည်းပြူးတူးသာ ဆံကိုဖြတ်၍ မျက်နှာဖုံးထားပါလျှက် ရူးခြင်းရာဟန်မပြား တချက်မြင်သော် ကြောက်ချင်ဖွယ်များ၏၊ မောင့်သက်ထားမျိုးအိမ်သူ နို့သျှင်ချွေးမ သက်လုံးမျှကို နှိုင်းယှဉ်သော်ဖက်မမျှ မြော်မြင်သောသူ စိတ်ဝမ်းပူသည် နတ်ဘုံသူမကတည်း။ ယင်းဌာနသူ့ရပ်မှာ တပေါင်းမင်းလွင် ရွက်ကျင်တောင်လီလာက ဥသြဖိုးခေါင်ကျူး၍ နွီပေါက်သံဝါ ငှက်တကာသည် မြူးပျော်ကျူးမြည်လာက သားဦးမိခင် ငယ်ကျွမ်းဝင်ကို အကျွန်ုပ်လျှင် အောက်မိလှ၍ တမ်းတရုမကြံသာ ဟာလာအသက် ပြင်ထွက်ဟန်ပမာသို့ မေတော်ချွေးမကြောင့်စိတ်ပူဆာ၍ လွမ်းဆွတ်၍သာ တဆတ်ဆတ်သည် ပြန်လျှက်ချီကြွလာလျှက် ပြည်မြို့သို့ဆိုက်ရောက်က များဗိုလ်ပါသည် ယင်းမှာတပ်ကြီးချလျှက် ဆိုင်းငံ့ပြီးနီသောအခါ ဈီးတန်းပြင်မှာ အကျွန်ုပ်လျှင်မြင်ခီသည်ကား သားသူငယ်သည် အမိထံမှာ မပီတွတွ ပီတွတွ အဘကိုခေါ်လျှက် လူးလဲငို၍ ငါ့ဘခင်ကို ခုပင်ပီးရမည်ဟု တွလျှက်တောင်းလတ်ပေသောအခါ မွီးဘခင်သည် လျှင်လျှင်ပြီး၍လာလျှက် သားကိုရွက်၍ ဖက်ကာနမ်းကာ မွီးမိခင်ကိုလည်း ယင်းတွင်တစဖက်ထားပါ၏။ ရယ်နှုတ်ဆက်အလှယ်လှယ် လင်မယားသား နှစ်ပါးပျော်သည်ကို မျှော်ကြည့်ခီပေတုံသောအခါ အကျွန်ုပ်၏အူသဲခြီကို နှုတ်ယူသည့်ပမာသို့ မျက်ရည်ကျ၊မိပါ၏။ သားမောင်ငယ်ကြောင့် ဘခင်လွမ်းရုတ၍ လွန်ပျောင်းပျမကြံသာ ကြာပဒုံကို နီပူလှမ်းပမာသို့ မွီးမယ်တော်မင်းချွေးမ ချီ၍လာခါ ဂမ္ဘသာလျှင် ၀မ်းမှာသန္ဓေစွဲရင်းကျန်ခပါသည်၊ ဖွားမြင်ကြောင်းကို အကျွန်ုပ်လျှင်မမြင်ပေ၍ သားမောင်ငယ်ကြီးခြင်းရာကိုတွက်၍ အကျွန်ုပ်သဲအူဆာလျှက် စိတ်မှာ စားသောက်မ၀င် ပူပင်လွမ်းဝှမ်သဲ၍ ခွီပျောင်းချိတလျှက်သာ ရန်ငုမ်မြို့ရွာ ကြွချီလားလီပါသည် မကြာရောက်လာ၏လေး။

အပိုဒ် (၂၂)

ရန်ငုမ်မြို့ရွာ ရောက်လတ်ပါသည်ယင်းခါလျှင် ဆိုင်းငံလျှက်နီသောခါ ရာပသိမ်သတ်ပြောလတ်သည်မှာ ကုလိကုတ္တာ ကိုယ့်ပြည်ရွာသို့ ငါချီလားနှင့်မည်။ ရန်ငုမ်မှာ ကျန်နီလိုက်ခ၊ ဇောသျှိန်သတ်မျက်မှန်ဗိုလ်သည် လျှင်စွာလိုက်ပို့ပါအံ့။ ရခိုင်ပြည်ပြန်ရောက်ခါ ကျွန်းချောင်းများစွာ ငါကပီးအပ်ရာကို သားစိုင်မြီးဆက် မျှင်မပြတ်သည် မပျက်စားရစီအံ့။ ရာထူးကြီးမားစွာကိုလည်း ယင်းမှာရတုံပါအံ့ပြောလျှက်ပေ ကိုးသောင်းဗိုလ်နှင့် အကုန်ချီလီသည်တည်း။ ရန်ငုမ်မြို့တွင် အကျွန်ုပ်ရို့ကျန်ခပါက တန်းခူးဆန်း၍ တာသင်္ကြန်ကျပြန်ကလည်း ယင်းဌာနသူရို့မှာ ပေါက်ပေါက်ပန်းမှန် တင်းခွန်ဆီမီးဝါနှင့် ဆင်ယင်ကာအသွယ်သွယ် လင်နှင့်မယား သမီးသားသည် ပျော်ပါးလားကတ်ပေ၍ ရောက်လီပြီးတုံသောအခါ ရွှေတိဂုံသည် သျှင်ပင်စေတီတော်၌ ပန်းမှန်ပေါက်ပေါက် ဆီမီးဝါကို လျှင်စွာညှိတင်ငြားက လင်မယားမောင်နှံ တူစုံထိုင်လျှက် သျှင်ပင်ရှိတော်ဝယ်၌ အတူသည်ဖြစ်ရအောင် မယားဝတ်သည့် ကိုယ်တွင်တံဘက်စောင်ကို လင်ယူဆောင်ကိုင်ထားကာ လင်ဝတ်ပါသည့် ကိုယ်မှာအင်းင်္ကျီပါးကို မယားကဆွဲကိုင်လျှက် အသားချင်းဟပ်၍ဆုတောင်းပါ၏။ ဖြစ်လီရာဘ၀ကို ခုအဟန်သာ တူစုံဖြစ်ရပါလို၏၊ တောင်းဆုဆိုလျှက် သားမောင်ကိုနံပါးထား၍ ဘုရားဖူးကတ်ပါသည်။ တခြား လှီလောင်းပြိုင်ပွဲများမှာလည်း မြစ်လုံးပြည့်မျှ လက်ပွဲသတ်ရာ ပတ်ဆိုင်းတီး၍ ထလျှက်ကကတ်ပါ၏။ ရှုကြည့်ရာလင်မယား လာလတ်ပါသည် ယင်းမှာတသောသောတည်း၊ ထိုင်တုံသောအခါလည်း လင်နံပါးမှာ မယားဝန်းရံနီလျှက် တယောက်သည်မယားမှာ ရီဖလားကို ကမ်းလျှက်ပီးပါ၏။ တယောက်သော မယားကား ကွမ်းနုယာကို ယူကာကိုင်၍ထားလျှက် တယောက်ကား ဆီးလိပ်မီးညှိပီးသော် ယူလျှက်သောက်ကာကာတည်း။ တယောက်မှာယပ်နှင့် ပူသည်မြင်သော် ခတ်ကာနီ၏။ ချွေးများယိုစီးကျသော် မယားကြီးမှာ ကိုယ်ဝတ်ပိုးခါသာနှင့် တို့ကာတို့ကာ တံဘက်စွန်ကို ရင်တွင်အသာအုပ်၍ သားမောင်ပုမိထံမှာ အဘပေါင်တွင်လာလျှက် လဲကာလျောင်းကာ ကဇာတ်ပါသည် တခါထ၍ မိထံပါး လားလီပြီးသော် လက်ညှိုးငယ်ပြကာကာ ထိုမှာကိုမီး မှာကိုမီးသည် ရင်သွီးဘမျက်ဖျော်တည်း။ ပွဲသဘင်ဝယ် ပြုံးရယ်ပျော်ရွှင်လျှက်ဟိသော တူစုံရှုခင်းများကို မျှော်ကြည့်ငြားတုံလီသောအခါ အကျွန်ုပ်သည် ပူလောင်မခံသာ၍ သလွန်တော်မွိရာထဲဝယ် မျက်ရည်တရွှဲရွှဲနှင့် အသဲကွဲလုဖွယ်တည်း။ အကြံမတတ် ဆီးသတ်ငါးအနှယ်သို့ဟိလတ်ပေ၍ ကိုယ့်ဌာနသို့ လျှင်စောပြန်ရောက်ဖို့ သိကြားမင်းအား လျှင်ပြင်းမပါဆိုလျှက် နတ်များကိုတိုင်ကြားပါသည် ရန်ငုမ်မြို့မှာတည့်လေ။
ဒေးဝန်းအောင်ကျော်ရွှီ၏ကိုယ်တွိရခိုင်ပြည်သိမ်းတိုက်ပွဲမှတ်တမ်း ဤတွင်ပြီး၏။

ခရစ်သက္ကရာဇ် ၂၀၁၄ ခု ဒီဇင်ဘာလ (၂၄) ရက် ဗုဒ္ဓူးနိတွင် စုစုပေါင်း စာပိုဒ် (၂၂) ပိုဒ် စကားပြင်ပြန်ဆိုပြီးဆုံးပါသည်။

စာကားပြင်ပြန်ဆိုသူ

(ရခိုင်ပေါင်းကူး သာလှဦး)

ဤကောင်းမှုကြောင့် ရခိုင်စာပီလောကအတွင်းကျရောက်လျှက်ဟိသော ရိနာရောဂါ အလျှင်အမြန်ပျောက်ကင်းနိုင်ပါစီကုန်သတည်း။